2 Petulo 2:19 - Chipangano Chabwangu

¹⁹ Balabalaya ubwinalale, apo bena basha abafintu ifyonaula. Pakuba umuntu alaba umusha wachintu icho ichamuchimfya.

2 Petulo 2:19 ပူးပေါင်းရင်းမြစ်များ

Yohane 8:34

Yesu asosele ati, “Nachine umuntu onse uuchita amabifyo, epela musha wamabifyo.

Imilimo ya batumwa 19:16

Elo ngu muntu uwali nomupashi uubi achilukile pali bo nokubapama nefiso, elo abachimfishe. Echo bafulumukile ulubilo ukufuma munanda bali bwaka nduno nefibenga.

Galatiya 5:1

Klistu alitukakula ukwebati tube abakakuka ukufikapo. Echo imakaneni ndii ukwambula ukusuminisha ukukakwa nakambi kwijoko lyabusha.

Galatiya 5:13

Mwe bawesu, Lesa alimwita ukuti mukwate ubwanalale. Nomba muchenjele ukuti ubwanalele bwenu mbu, bwimutwalapo kulunkumbwa ulubi ulwakuchita ifyabuntunse bwenu. Echo mupyungilane mukutemwa.

2 Timoti 2:26

Penkapo amano abo akubwelelamo. Elo bakupuluka kukaliba kakwa Satana, uyo uubekata ukwebati bachite ifyo afwaya.

Taitasi 3:3

Pakuti nafwebo akale twali abapuneme, abatomfwapo nakambi abaluba. Twali abasha kulunkumbwa ulubi ululi lonse. Twalikwikala mububi nakambi twali abamufimbila. Abantu balikutupata, elo nafwebo twali kubapata.

1 Petulo 2:16

Ikaleni kubati bantu ababwanalale, kuntu mwiyalula ubwanalale bwenu ichakufimba pafibi fyenu. Ikaleni nga abapyungi baku Lesa.

2 Petulo 1:4

Muli mfi alitupela ifilayo ifikulu ukwinekantu ukuti mukapokelele ubumi bwaku Lesa panuma yakupulushiwa kukonauka kwapanonshi pamulandu wakufwaya ububi.

2 Petulo 2:20

Kati abantu bapuluka kufyabipa ifyamuchalo mukwishiba Bashikulu no Mupulushi wesu Yesu Klistu, elo nakambi bayikatwa nokuwila mufibi, pakulekelesha bakuba ababipile ukuchilapo mfilya bali pakwamba.