2 Petulo 1:8 - Chipangano Chabwangu

⁸ Nga mfi fyayikala muli mwebo ukuchishapo, tamwabepo abakangiwa nangu abatakwetepo akantu pamanu aakwishibilapo Bashikulu wesu Yesu Klistu.

2 Petulo 1:8 ပူးပေါင်းရင်းမြစ်များ

Mateyo 13:22

Bambi nabo baba kubati nimbuto ishawile muminga. Mba ebomfwa amashiwi aku Lesa, kuntu pamulandu wakufwayilisha ifintu fyamuchalo nobuchindami, elo mfi fintu filafininkisha amashiwi, epo tabatwalapo ifitwalo.

Mateyo 20:3

Nakambi alifumine panshita ya 9 koloko, asangile bambi bekele bwaka pachisanke.

Mateyo 20:6

Elo pa 5 koloko, alile nokusanga nabambi balimakene bwaka. Elo abafumbile ati, ‘Nindo mwikalile mpano akasuba konse?’

Mateyo 25:26

“Shikulu wakwe amwasukile ati, ‘We mupyungi mubi umufila! Kambi walishibile ukuti ndakobola noko ntabyeleko nokulonganya ifyo ntaminshilepo!

Yohane 15:2

Umusambo onse uutakotwalapo ifitwalo bakoutema nokuufumyako, nangulya uukotwala bakouwamya ukwebati ukatwale ifitwalo ifinji.

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

Yohane 5:42

Nomba nalishiba ukuti mwebo tamwatemwapo Lesa.

Loma 12:11

Mupyungile Bashikulu nefiso fyonse. Mwibapo abanang’ani iyowo.

1 Kolinto 15:58

Nomba mwe bawesu abatemweka, koseni ndi. Mwilekapo chimo chimuteshe. Mube abachinchila inshita yonse mumulimo waku Bashikulu. Pakuba mwalishiba ukuti mukupyungila Bashikulu tamulipo mwabwaka.

2 Kolinto 13:5

Muyipime mwenka ukubona nga mulikwete ichichetekelo. Mwifumbe mwenka. Napo twamwishibilepo ukuti Klistu Yesu ali muli mwe? Kati tefyopo, chamukanga.

2 Kolinto 8:2

Abantu bafilonganino mfilya bayeshiwe ukwinekantu kumachushi, nomba tabalekelepo ukusekelela kwabo. Echo balipele namaboko abili nangu bali abachula ichine.

2 Kolinto 8:7

Kubati nimfilya muli abachila muli fyonse: Mukuchetekela, mukusosa, mukwishiba, mukufwayilisha ukwafwa namukututemwa. Efyo mukachilepo namukupela nku ukwakwafwilisha.

2 Kolinto 9:14

Nomba bakumubwenesha ukutemwa kwabo pakumulombela pakuti Lesa amukwatile ubwanshi apakulu.

Filipi 1:9

Nkolomba ukwebati ukutemwana kwenu kulokukulilako bonse ukuchila, mukwishiba elo namukumfwisha ifintu ukufikapo.

Filipi 2:5

Echo bonse mube nomutima uwo Klistu Yesu akwete:

Filipi 3:8

Nachine, ifintu fyonse mfibona ukuba ifyabwaka pamulandu wabuboni ubukulu ubo ndinabo pakwishiba ukuti Yesu Klistu Bashikulu wanji. Pamulandu wakwe, ndaposa fyonse, ukufibona kubati fisoso, ukwebati nonke Klistu,

Kolose 1:10

Penkapo mwakwikala ukubati niumo Lesa afwayila. Elo lonse mulokuchita ifisekesha Bashikulu. Lonse mulokuchita imilimo iiweme nobumi bwenu bulokulanga ifitwalo ifiweme. Elo mwakwisa kwishiba Lesa.

Kolose 2:7

Mwandemo imishu nokwimaka ubumi bwenu muli Ye. Mwimakane ndi apo muli mwe bashindayikwa muchichetekelo chenu ukubati nimulya mwasambilile. Nakambi mulokumutotela lonse.

Kolose 3:16

Lekeni amashiwi aku Klistu aamuchinshi alokwikala mumitima yenu. Mulokusambilishanya nokupandana amano. Mulokwimba inyimbo ishakutondayisha Lesa isha Malumbo, neshakutotela, nenyimbo shimbi ishakulumbanya Lesa. Mulokwimbila Lesa nokumutotela mumitima yenu.

1 Tesalonika 3:12

Bashikulu balundeko ukutemwana kwenu nokutemwa uko mukwete kubantu bonse ukubati ninku tukwete pali mwebo.

1 Tesalonika 4:1

Pakulekelesha, mwe bawesu, tukomupapata pali nchi mwasambilile kuli fwebo ifyo muli nokwikala mukusekesha Lesa. Nachine efyo mukochita. Nomba tukomupapata nefiso fyonse muli Bashikulu Yesu Klistu ukuti mulundepo ukuchita mfi.

2 Tesalonika 1:3

Bawesu, tulingile ukutotela Lesa inshita yonse pamulandu wakumwebo. Tulingile ukuchita mfi pamulandu wachichetekelo nokutemwana kwenu ukukokula.

1 Timoti 5:13

Elo belaba abanang’ani nokwendauka mumananda yabantu bambi. Tempa penka, balakwata nolwambo, balayiposa mufyabambi nokusosa ifitabalingile.

Taitasi 3:14

Abantu besu balingile ukusambilila ukuchita imilimo iiweme ukuti bafwilishe apo balinjile ukwafwilisha. Tabalingilepo ukuba nobumi ubwabwaka.

Filimoni 1:6

Nkolomba ukuti ichichetekelo icho ukoakana nabo chibombe imilimo ukufikapo, ukuti ufishibishe bwino fyonse ifiweme ifyo tupokelela muli Klistu.

Hebele 6:12

Tatukofwayapo ukuti mube abanang’ani iyowo, kuntu mube kubati nimbalya abakupokelela ifyo Lesa alayile ukupitila mukuchetekela nokuteka imitima yabo.

2 Petulo 1:2

Lesa amukwatile ubwanshi nokumupela umutende ukufikapo mukumwishibisha ifyaku Ye na Yesu Shikulu wesu.

2 Petulo 1:3

Lesa, mufiso fyakwe, alitupela fyonse ifitwafwilishako ukuba nobumi nokulomba ukwachine. Achitile mfi ukupitila mukwishiba Lesa uwatwitile pamulandu wabuleme nokuwama kwakwe.

2 Petulo 2:20

Kati abantu bapuluka kufyabipa ifyamuchalo mukwishiba Bashikulu no Mupulushi wesu Yesu Klistu, elo nakambi bayikatwa nokuwila mufibi, pakulekelesha bakuba ababipile ukuchilapo mfilya bali pakwamba.

2 Petulo 3:18

Nomba mukule mubwanshi namukwishiba ifya Bashikulu no Mupulushi wesu Yesu Klistu. Kuli Ye kube ubuleme nomba nomuyayaya. Ameni.