2 Petulo 1:5 - Chipangano Chabwangu

⁵ Nomba mweshe ukwinekantu ukulundako ubwikalo ubuweme kuchichetekelo chenu, nomulangwe kumano enu ayo.

2 Petulo 1:5 ပူးပေါင်းရင်းမြစ်များ

Luka 16:26

Elo, pakati pali fwe nawe, pali ichilongoma ichakuti abafwaya ukwabuka ukwisa uko tekuti bachichitepo, elo tapapo uwingabukila kuli fwe ukufuma uko uli.’

Luka 24:21

Twalichetekele ukuti ngu ewishile mukulubula Isilaeli! Lelo ekasuba kakulenga shitatu apo fyachitikile.

Yohane 6:27

Mulokubombelapo ifilyo ifyonayika, kuntu bombeleni ifyakubelelela mubumi butashilapo. Mfi efilyo Umwana wa Muntu akwisa kumupela, pantu ewo Lesa Bata basuminisha.”

1 Kolinto 14:20

Bawesu, lekeni ukulanguluka nga utwaiche. Ukulosha kububi mube utucheche, nomba mukulanguluka kwenu, mube abakulu.

Efeso 5:17

Echo mwibapo abapuneme, kuntu mwishibe ifyo Bashikulu bafwaya ukuti muchite.

Filipi 1:9

Nkolomba ukwebati ukutemwana kwenu kulokukulilako bonse ukuchila, mukwishiba elo namukumfwisha ifintu ukufikapo.

Filipi 2:12

Nomba mwe batemwekwa banji, kubati nimfilya mwali abanakila ulo nali namwe, nomba beni abachumfwila ukuchilapo apo tanshili namwebo. Echo bombeni mukufikilisha chipulusho chenu mukutina namukututuma.

Filipi 4:8

Pakupwa mwe bawesu, langulukenipo fyonse ifiweme ifyo mungatondayisha: ifyachine, ifyamuchinshi, ifyalungama, ifyaololoka, ifiweme, elo nefyachindama.

Kolose 1:9

Pali nchi, nafwebo, ukutatika nkalya kasuba twaumfwile, tatwalekapo ukumulombela. Tulalomba Lesa ukuti amwiushe amano nomulangwe ifyo Mupashi Wabuta apela ukwebati mumfwikishe fyonse ifyo Ye afwaya.

Kolose 2:3

Muli Ye emwafishilwa ububoni bonse ubwamulangwe namano.

Hebele 11:6

Tapapo uwingasekesha Lesa ukwambula ichichetekelo. Pakuti uuli onse ufwaya ukupalamina kuli Lesa, alingile ukusumina ukuti Lesa epo aba, nakambi nokuti alapela ifyabupe kuli bo abamufwaya-fwaya.

Hebele 12:15

Chenjeleni ukuti kwibapo nangu umo uwakubwelela inuma nokulufya ubwanshi bwaku Lesa. Chenjeleni ukuti kwibapo nangu umo uwakubati mushu uwalula, uyo uukula nokubifya bambi.

Hebele 6:11

Tukofwayisha ukuti uuli onse muli mwebo apitilile ukubonekesha ukuchinchila nku ukushinta nakumupwilo, ukuti fikachitike ifyo mukolindila.

1 Petulo 3:7

Namwebo mwe balume mulokwikala bwino nabakashi benu. Mulingile ukubachinshika pakuti bo bantu abatakosele. Elo mwakupokelela pamo ichabupe chabumi butashila icho Lesa akupela mubwanshi bwakwe. Mulokuchita mfi ukuti pebapo akakulesha ukulomba kwenu.

2 Petulo 1:10

Echo mwe bawesu, chinchileni ukuchilapo ukushininkisha ukwebati Lesa alimwita nakambi alimusala. Nga mwachita mfi, tekuti muwepo iyowo.

2 Petulo 1:11

Elo mwakwisulilwa umulyango uwakwinjilila mubufumu ubutashilapo ubwaku Bashikulu na Mupulushi wesu, Yesu Klistu.

2 Petulo 3:14

Echo mwe batemwekwa, pakuti mukolindilila mfi fintu, mulokuchinchila ukwebati Bashikulu bakamusange abatakwetepo ifisemba, umulandu, elo abali mumutende na Bashikulu.

2 Petulo 3:18

Nomba mukule mubwanshi namukwishiba ifya Bashikulu no Mupulushi wesu Yesu Klistu. Kuli Ye kube ubuleme nomba nomuyayaya. Ameni.