2 Petulo 1:4 - Chipangano Chabwangu

⁴ Muli mfi alitupela ifilayo ifikulu ukwinekantu ukuti mukapokelele ubumi bwaku Lesa panuma yakupulushiwa kukonauka kwapanonshi pamulandu wakufwaya ububi.

2 Petulo 1:4 ပူးပေါင်းရင်းမြစ်များ

Loma 9:4

Mba Baisilaeli abo Lesa asalile ukuba abana bakwe nokubapela ubuleme. Lesa achitile ichipangano nabo. Elo alibapele Amafunde akwe. Alibasambishe ifyo balingile ukumulomba. Nakambi alibapela nefilayano.

2 Kolinto 1:20

Elo ifintu fyonse Lesa alayile fyachitikile na “Ina” enka ngu. Echo muli Yesu Klistu tusosa ati, “Ameni,” mukuchinshika Lesa.

2 Kolinto 3:18

Fwe bonse, abatakwetepo ichifimba pamenso esu, tubwenesha umuchinshi waku Bashikulu kubati nimfilya ichilola chilanga umuntu ichinso. Echo umuchinshi wenka ngulya, uufuma kuli Bashikulu, abali Mupashi, balatwalula ukuti tube muchipasho chabo ichamuchinshi uwachilapo.

2 Kolinto 6:17

Echo Bashikulu bakoti, “Fumenipo pali bo, ipatuleni kuli bo. Mwikumyako kukantu akakowela, elo nakumupokelela.”

Galatiya 3:16

Nomba Lesa apele ubulayo bwakwe kuli Abulahamu nakumbuto yakwe. Tasoselepo ati, “Nakumbuto shakwe” kubati benji iyowo. Kuntu asosele ati, “Kumbuto yakwe” pakuti alikusosa pamuntu umo bwaka. Ngu ni Klistu.

Galatiya 6:8

Umuntu uubyala imbuto shabuntunse akwisa kusepa imfwa. Nangulya onse uubyala ukulingana nefyo Umupashi Wabuta ufwaya, akusepa ubumi butashila.

Efeso 4:13

Echo pakupelako bonse twakufika kuli bumo ubo busangwa pakuchetekela nokwishiba Umwana waku Lesa. Elo twakwimakana ndi nokuba nobwikashi ubwafikapo ubwaku Klistu.

Kolose 3:10

Nomba mwalinjila mubumi bwabwangu. Elo kabumba wenu eubulenga ubwabwangu lonse muchipasho chakwe pakumupalamika uko aba, pakuti mumwishibishe bwino.

Hebele 12:10

Bata wesu abapanonshi balikutuchusha pakashita akanini bwaka, ukulingana nokufwaya kwabo. Nomba Lesa alatuchusha ukuti tupilibukeko nokuba abakaele kubati ni Ye.

Hebele 9:15

Pamulandu wamfi Klistu ekapekanya wachipangano chabwangu ukuti abo Lesa ayita bapokelele ishuko ilitashilapo ilyo Lesa alayile. Fyali mfi pamulandu wamfwa yaku Klistu, iipulusha abantu kumabifyo ayo balikuchita ulo bali muchipangano ichakale.

Yemusi 1:27

Ukulomba ukwachine nokwafikapo pamenso aku Lesa Bata ninku ukwakuti umuntu asunge banshiwa nabamukamfwilwa pakuchula kwabo, elo nokuyisunga ukutina ukwebati ububi bwapanonshi bwimukoweshapo.

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.

2 Petulo 3:13

Nomba pakukonka ubulayo bwaku Lesa, tukolindila kumulu kwabwangu nechalo chabwangu, umo ichilungamo chakwikalamo.

2 Petulo 3:9

Tekwebati Bashikulu bakoshinga-shinga pakufikilisha ubulayo bwabo, kubati nimfilya bambi balanguluka, kuntu bakoteka umutima. Tabafwayapo ukuti umo aonayike, kuntu ukuti bonse balapile.

1 Yohane 2:25

Nchi echo Klistu umwine alayile ukutupa, ubumi bwamuyayaya.

1 Yohane 3:2

Mwebatemwekwa banji, nomba tuli bana baku Lesa, lelo tachingayishibikwapo ifyo twakuba. Lelo tulishibile ukuti ulo Klistu akuboneka, twakubati ni Ye pantu twakumubona fyenka ifyo aba.