2 Petulo 1:3 - Chipangano Chabwangu

³ Lesa, mufiso fyakwe, alitupela fyonse ifitwafwilishako ukuba nobumi nokulomba ukwachine. Achitile mfi ukupitila mukwishiba Lesa uwatwitile pamulandu wabuleme nokuwama kwakwe.

2 Petulo 1:3 ပူးပေါင်းရင်းမြစ်များ

Mateyo 28:18

Elo Yesu ayishile kuli bo nokusosa ati, “Ifiso fyonse fyapelwa kuli ne kumulu napanonshi.

Loma 8:32

Lesa alitupele Umwana wakwe umwine. Elo alimupele pamulandu wesu! Nomba kuti afilwa shani ukutupela ifintu fyonse pamo na Ye?

Loma 9:24

Nifwe abo Lesa ayitile, tekufumapo ku Bayuda benka iyowo, kuntu nakubenafyalo.

1 Kolinto 1:9

Lesa wachishinka. Elo Ye ewamwitile ukwebati muwikishanye pamo no Mwana wakwe Yesu Klistu, Bashikulu wesu.

2 Kolinto 12:9

Nomba bo banjebele ati, “Ubwanshi bwanji ebo ukokabila, pakuba ifiso fyanji fikulu ulo uli wanaka.” Echo nayitutumuna mubunake bwanji ukwebati ifiso fyaku Klistu fikale muli ne.

Efeso 4:1

Nebo, umufungwa pamulandu wakubombela Bashikulu, nkomupapata ukuti nga mfilya Lesa amwitile, mwende ukulingana nobwite bwakwe.

Efeso 4:4

Pakuba kwaba umubili umo, no Mupashi Wabuta umo, ukubati nimfilya kwaba ukulindilila kumo uko Lesa atwitile.

Filipi 3:8

Nachine, ifintu fyonse mfibona ukuba ifyabwaka pamulandu wabuboni ubukulu ubo ndinabo pakwishiba ukuti Yesu Klistu Bashikulu wanji. Pamulandu wakwe, ndaposa fyonse, ukufibona kubati fisoso, ukwebati nonke Klistu,

Filipi 4:8

Pakupwa mwe bawesu, langulukenipo fyonse ifiweme ifyo mungatondayisha: ifyachine, ifyamuchinshi, ifyalungama, ifyaololoka, ifiweme, elo nefyachindama.

Kolose 1:16

Muli Ye Lesa alengele fyonse ifyamumulu napanshi, ifiboneka nefitaboneka, intungulushi, bashamfumu nabachilolo, elo nabakateka. Lesa atalile fyonse ukupitila muli Klistu nakambi afilengele Ye.

1 Tesalonika 2:12

Twalimukonkobeshe nokumutalalika imitima elo nokumukoselesha ukuti mube nobumi ubusekesha Lesa uyo uwamwitile ukuti mukenjile mu Bufumu bwakwe ubwabuleme.

1 Tesalonika 4:7

Pakuti Lesa taatwitilepo ukuti twikale mukubifya iyowo, kuntu mukubuta.

2 Tesalonika 2:14

Lesa amwitile kuli nchi ukupitila mu Butumi Bwawama ubo twamusambishe ukuti mukwate ubuleme bwaku Bashikulufwe Yesu Klistu.

1 Timoti 4:8

Pantu ukuchinchila kulakoshako umubili panini, kuntu ubumi ubwakuchinshika Lesa bulafwilisha munshila shonse pakuti bulashininkisha ukushuka kwashino nshiku, elo nakunshita ikoyisa.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.

Hebele 1:3

Muli Ye mukoboneka ukusanika kwamuchinshi waku Lesa, nakambi echipasho chaku Lesa. Euchingilila ifintu fyonse namashiwi akwe afiso. Ulo ashilile umulimo wakunakilila amabifyo abantu, ayile kumulu kwikala kukuboko ukwamulyo kwaku Lesa uwafiso fyonse.

1 Petulo 1:15

Kubati nimfilya ali Uwabuta ngulya uwamwitile, namwe mube fyenka mfilya.

1 Petulo 1:5

Mwebachetekela Lesa akomusunga nefiso fyakwe ukuti mukapokelele chipulusho icho Ye akufisulula panshita yakulekelesha.

1 Petulo 2:21

Ubwikashi mbu ebo Lesa amwitile. Pakuba Yesu naye alyumfwile ukufinya pamulandu wenu. Elo amushilile ichibwenesho ukuti mukonke.

1 Petulo 2:9

Pakuba mwebo muli umutundu uwasalwa, bachipupila ababufumu, umutundu wapatulika, abantu baku Lesa. Alimusalile ukuti mubilishe imilimo yakwe iiweme yaku ngulya uwamwitile ukufuma mumfishi nokwisa mukusanika kwakwe ukushimbwisha.

1 Petulo 3:9

Mwibweleshapo ububi pabubi bunakwe, nangula amatuka pamatuka. Nomba mwebo mubashukishe pakuba efyo Lesa amwitile mubwikashi mbu ukwebati mupokelele ukushukisha kwakwe.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

2 Petulo 1:10

Echo mwe bawesu, chinchileni ukuchilapo ukushininkisha ukwebati Lesa alimwita nakambi alimusala. Nga mwachita mfi, tekuti muwepo iyowo.

2 Petulo 1:2

Lesa amukwatile ubwanshi nokumupela umutende ukufikapo mukumwishibisha ifyaku Ye na Yesu Shikulu wesu.

2 Petulo 1:5

Nomba mweshe ukwinekantu ukulundako ubwikalo ubuweme kuchichetekelo chenu, nomulangwe kumano enu ayo.

2 Petulo 1:6

Elo mulundeko ukuyisunga kumulangwe ngu, ukukosapo pakwisunga kwenu, nokulomba Lesa mukushipikisha kwenu kwenka.

2 Petulo 1:8

Nga mfi fyayikala muli mwebo ukuchishapo, tamwabepo abakangiwa nangu abatakwetepo akantu pamanu aakwishibilapo Bashikulu wesu Yesu Klistu.

2 Petulo 2:20

Kati abantu bapuluka kufyabipa ifyamuchalo mukwishiba Bashikulu no Mupulushi wesu Yesu Klistu, elo nakambi bayikatwa nokuwila mufibi, pakulekelesha bakuba ababipile ukuchilapo mfilya bali pakwamba.

2 Petulo 3:18

Nomba mukule mubwanshi namukwishiba ifya Bashikulu no Mupulushi wesu Yesu Klistu. Kuli Ye kube ubuleme nomba nomuyayaya. Ameni.