2 Petulo 1:12 - Chipangano Chabwangu

¹² Echo shalekepo ukumwibukisha mfi inshita shonse nangu mulifishibile kale, elo mulachetekela ichine icho mwapokelele.

2 Petulo 1:12 ပူးပေါင်းရင်းမြစ်များ

Imilimo ya batumwa 16:5

Echo abamufilonganino mfi bakosele muchichetekelo, nakambi balikulundwapo mumpendwa inshiku shonse.

Filipi 3:1

Pakulekelesha bawesu, nkomweba ati, sangalaleni muli Bashikulu. Tanshatendwepo ukumulembela ifintu ifyo nalembele kale. Pakuba kuli mwebo chilafwilisha.

Kolose 1:5

Echo icho mukolindilila, Lesa alimubikila bwino-bwino mumulu. Mfi mwalifyumfwa ulo amashiwi achine aya Butumi Bwawama ayishile kuli mwebo pakwamba.

Kolose 2:7

Mwandemo imishu nokwimaka ubumi bwenu muli Ye. Mwimakane ndi apo muli mwe bashindayikwa muchichetekelo chenu ukubati nimulya mwasambilile. Nakambi mulokumutotela lonse.

1 Timoti 4:6

Nga wasambisha bawesu ifintu mfi, wakuba umupyungi uuweme uwaku Klistu Yesu, uwakulila mumashiwi achichetekelo chesu, ekusambisha ifyachine ifyo wakonka.

2 Timoti 1:6

Pamulandu ngu nkokwibukisha ukuti ichabupe icho Lesa akupele ulo nakubikilepo amaboko anji, uchilange ukuti chisanike ukubati mulilo.

Hebele 10:32

Ibukisheni inshiku shakale nshilya ulo mwasanikilwe na Lesa. Mwalichushiwe inshita ishinji. Nangu chali mfi mwayimakene ndii.

Hebele 13:9

Mwisuminishapo ifisambisho ifipusene-pusene nefilwendo ukumufulunganya. Ichilingile. Uchitukosha imitima bwanshi bwaku Lesa tetufutopo utusosa pafyakulya. Amafunde nga tayaafwilishepo abo abali kuyakonka.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

1 Petulo 5:12

Nalemba kalata nji iipi mukwafwilishiwa na Siluvanasi, wesu uwachetekelwa. Nkofwaya ukumukoselesha nokupela bukamboni ukwebati mbu ebwanshi bwaku Lesa. Mwimakane ndi mubwanshi mbu.

2 Petulo 1:13

Nkolanguluka ukwebati chintu ichiweme ukumwibukishako mfi fintu ulo nchili nobumi mumubili nguno.

2 Petulo 1:15

Elo nalayesha ukwebati nangu nafumapo, mulokwibukisha fyonse mfi inshita yonse.

2 Petulo 3:1

Mwe batemwekwa, kalata nji nkomulembela yachibili. Mumakalata onse abili nga nkofwaya ukumwibukisha ukuti mulokulanguluka ifyachine mfi fyonse.

2 Petulo 3:17

Nomba mwebo mwe batemwekwa, pakuti mwalifishiba akale mfi, muchenjele ukuti bemulufya kububi bwambifi mfi. Shakumuseshapo apaweme apo mwimakene.

1 Yohane 2:21

Nshikomulembela pamulandu wakuti tamwishibilepo ichine iyowo, kuntu ukuti mulishibile. Elo mulishibile ukuti ubufi tabwingafuma muchine.

2 Yohane 1:2

Tukomulembela mfi pantu ichine chaba muli fwebo nakambi chakuba nafwebo inshiku shonse.

Yuda 1:17

Nomba mwebo, mwe batemwekwa, ibukisheni amashiwi awo abatumwa baku Bashikulu wesu Yesu Klistu bamwebele kale

Yuda 1:3

Mwe batemwekwa, nafwayisha ukumulembela kalata ukuti mulondolwele ifyakupuluka kwesu bonse. Nomba nabona ukuti ichalikufwayikwa bwangu-bwangu kumulembela nokumukoseleshako, ukuti mutwalilile ukulwila ichichetekelo icho Lesa apelele bwaka kubantu bakwe abapatulika.

Yuda 1:5

Nomba mwilabukilapo ifyachitikile kubantu mbulya Bashikulu bapokolwele ukufuma ku Ijipiti. Bambi abamuli bo tabakwetepo ichichetekelo, elo panuma Lesa alibepeye.