2 Kolinto 9:8 - Chipangano Chabwangu

⁸ Lesa kuti amupela ishuko ukuchilapo ukuti lonse mulekwata ifyo mukabila nafimbipo ifyakubombelapo imilimo iiweme.

2 Kolinto 9:8 ပူးပေါင်းရင်းမြစ်များ

Imilimo ya batumwa 9:36

Ku Yopa kwalipo umwanakashi umo uwachetekela uwali kwitwa Tabita. (Mu Chigiliki etwa Dokasi, ekwebati impombo.) Ngu mwanakashi apele inshita yakwe yonse ukuchita ifiweme kubantu bonse nokwafwilishako abalikubulisha.

1 Kolinto 15:58

Nomba mwe bawesu abatemweka, koseni ndi. Mwilekapo chimo chimuteshe. Mube abachinchila inshita yonse mumulimo waku Bashikulu. Pakuba mwalishiba ukuti mukupyungila Bashikulu tamulipo mwabwaka.

2 Kolinto 13:3

Elo mwakubona ifishibisho ifyo mukofwaya ichakuti Klistu eusosa ukupitila muli ne. Ye tabapo uunakile pafyo akuchita pali mwe, kuntu akobwenesha ifiso fyakwe pakati kenu.

2 Kolinto 8:19

Tefyenka mfi iyowo, ifilonganino fyalimusalile nakambi ukuti akatushindike pakutwala ifyabupe ifyakwafwilisha. Tukochita mfi mukuchinshika Bashikulu nokubwenesha ukufwaya kwesu mukwafwilisha.

2 Kolinto 8:2

Abantu bafilonganino mfilya bayeshiwe ukwinekantu kumachushi, nomba tabalekelepo ukusekelela kwabo. Echo balipele namaboko abili nangu bali abachula ichine.

2 Kolinto 8:7

Kubati nimfilya muli abachila muli fyonse: Mukuchetekela, mukusosa, mukwishiba, mukufwayilisha ukwafwa namukututemwa. Efyo mukachilepo namukupela nku ukwakwafwilisha.

2 Kolinto 9:11

Akumuchindamika muli fyonse ukwebati mulokupela inshita shonse, elo abenji bakutondayisha Lesa pamulandu wabupe bwenu ubo twakubatwalilako.

Efeso 2:10

Lesa ewatubumbile. Alitulengele muli Klistu Yesu ukuti tubombe imilimo iiweme iyo Lesa apekenye kale ukuti twiichite.

Efeso 3:20

Nomba umuchinshi ube kuli Lesa, Ye mufiso fyakwe ifibomba muli fwebo, ukuti achita ifyachilapo ukuchila napo tulombelapo nangula ukulangulukilapo.

Filipi 4:11

Nshikososapo mfi kubati nkochulilapo akantu iyowo, pakuba nalisambilila ukwebati icho nkwete eecho.

Kolose 1:10

Penkapo mwakwikala ukubati niumo Lesa afwayila. Elo lonse mulokuchita ifisekesha Bashikulu. Lonse mulokuchita imilimo iiweme nobumi bwenu bulokulanga ifitwalo ifiweme. Elo mwakwisa kwishiba Lesa.

2 Tesalonika 2:17

bamukoseleshe ukuti mulokusosa nokuchita ifintu ifiweme.

2 Timoti 2:21

Nga muntu ayiwamya nokwitalushako kufyabipa, akubati chipe ichamuchinshi. Akwipela nomutima onse kuli Shikulu wakwe ukuti amubomfye. Akuba uwayipekanya ukupyunga umulimo onse uuweme.

2 Timoti 3:17

Echo Amalembo alafwilisha muntu waku Lesa ukuti abe uwayipekanya ukuchita ichili chonse ichilungeme.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Taitasi 3:14

Abantu besu balingile ukusambilila ukuchita imilimo iiweme ukuti bafwilishe apo balinjile ukwafwilisha. Tabalingilepo ukuba nobumi ubwabwaka.

Taitasi 3:8

Amashiwi nga yachine. Nkofwaya ukuti ifintu mfi mushimpe mukufisambisha pakuti bo abachetekela Lesa bayipeleshe ukuchita imilimo iiweme. Fintu mfi fisuma nakambi filafwilisha abantu.

1 Petulo 4:10

Chila muntu abomfye ubupe apokelele kuli Lesa mukwafwilisha banakwe. Mube kubati bakasunga ababomfya bwino ubupe bupusene-pusene ubufuma kuli Lesa.