2 Kolinto 9:6 - Chipangano Chabwangu

⁶ Mwibukishe nchi ichakuti uuminsa utunini, akusepa utunini, uuminsa ifinji akusepa ifinji.

2 Kolinto 9:6 ပူးပေါင်းရင်းမြစ်များ

Luka 6:38

Peleni kubanenu ifyo babulilwa, namwe Lesa akwisa kumupela ifinji. Nachine namwe mwakwisa kupokelela umulingo uwayiwula, uwashindayikwa nokusempauka. Pakuti umulingo uwo mukolingilako bambi, ewo namwe Lesa akumulingilako.”

1 Kolinto 1:12

Ifyo nkososa nimfi ifyakuti umbi akososa ati, “Nebo ndiwakwa Paulo,” umbi naye ati, “Ndiwakwa Apolosi,” umbi naye ati, “Nebo ndiwakwa Kefasi,” elo umbi naye ati, “Nebo ndiwaku Klistu.”

1 Kolinto 15:20

Ukubako Klistu alibuka kubafwa. Pakati kabonse abafwa, ewakwamba ukubuka kubafwa.

1 Kolinto 7:29

Icho nkososa mwe bawesu chakuti inshita ilishilile. Ukufuma pali nomba abaupa bekale kubati bataupapo.

2 Kolinto 9:10

Lesa uupela imbuto nefyakulya kubalimi akumupela imbuto ukuti mubyale, elo akushifusha. Akafusha nakambi ifisabo ifyabupe bwenu ubwankumbu.

2 Kolinto 9:5

Echo nalilangulukile ukwipusha bawesu mba ukuti bese kuli mwe ulo nshilayisa. Elo nokuti bapekanye kabela ichabupe icho mwalayile. Ulo nkesa chakuba ichapekanishiwa kale, ichabupe ichinenene, ichitapelwepo mukukakatisha.

Galatiya 3:17

Icho nkososa chakuti Lesa apangile ubulayo nokushininkisha ukwebati akuchisunga. Elo Amafunde akwa Mosesi ayishile ulo papitile imyaka imyanda ine namakumi atatu, tekuti atobepo nokonaula ichipangano chaku Lesa nchilya.

Galatiya 5:16

Icho nkososa chakuti lekeni Umupashi Wabuta ulemutungulula. Elo tamwakulakonkapo imibele yenu iyabuntunse.

Efeso 4:17

Mwishina lyaku Bashikulu nomba nkomweba ati tamulingilepo ukwikala kubati benafyalo. Pakukonka amano yabo ayabwaka.

Kolose 2:4

Nkomweba ati mwileka umuntu uuli onse amutumpayike mukutalikana ukwabuchenjeshi.

Hebele 6:10

Lesa mulungami. Tekuti alabukilepo imilimo iyo mwapyungile nechitemweko icho mwabwenesha mukwafwilisha nkulya mwachitile nanku mukochita kubena Klistu banenu.