2 Kolinto 9:2 - Chipangano Chabwangu

² Ndishibile ukwebati mukofwayilisha ukwafwilisha. Echo ndayitutumuna kubena Masedoniya pamulandu wenu. Ndabeba ati, “Bawesu baku Akeya baliyipekenye kale umwaka washila ukuti bafwilishe.” Elo ukufwaya kwenu kwakoselesha abenji.

2 Kolinto 9:2 ပူးပေါင်းရင်းမြစ်များ

Imilimo ya batumwa 18:12

Ulo Galiyo abikilwe pali bukateka bwachalo cha Akaya, Abayuda balilongene nokumfwana. Elo bayikete Paulo, nokumutwala kuchilye.

Imilimo ya batumwa 24:17

“Nomba ukweba ati nali kumbi kwamyaka iyinji, nali ku Yelusalemu ukutwala ifyabupe ifyabachula nokutula ifipupo.

Loma 15:26

Pakuti abamufilonganino ifyaku Masedoniya na Akaya chalibawamine ukupela ifyabupe ukuti bafwilishe abachushi pakati kabantu baku Lesa abaku Yelusalemu.

1 Kolinto 16:15

Mwe bawesu, mwalishiba ati Sitefanasi nabamunanda yakwe ebakwamba ukuchetekela muchalo cha Akaya. Elo balipele mukubombela abantu baku Lesa.

2 Kolinto 1:1

Nine Paulo umutumwa waku Yesu Klistu ukulingana nokufwaya kwaku Lesa. Ndi nawesu Timoti. Tukolembela ichilonganino chaku Lesa ichili ku Kolinto nabantu bonse abaku Lesa abali muchalo cha Akaya.

2 Kolinto 7:14

Nalimwebele ati ndayitutumuna pali mwe pamulandu wakwa Taitasi, elo tamungumfwisheko insoni. Nomba kubati fyonse ifyo namwebele fyali ifyakwebesha, mumo mwine nokuyitutumuna kwanji kuli mwe pali ye kwali ukwakwebesha.

2 Kolinto 7:4

Nalimuchetekela ukwinekantu. Elo ndayitutumwina pali mwe. Mukuchula kwesu konse tukoshipikisha, elo tuli abasekelela.

2 Kolinto 8:10

Nomba amashiwi anji pali ngu mulandu yakuti chiweme ukwebati mushilishe icho mwatatikile umwaka washila ngu, tepakufwayapo ukuchita bwaka, kuntu ukufichitapo.

2 Kolinto 8:11

Echo nomba shilishenipo umulimo ngu. Mpalya mwali abachinchila ukufwaya ukufichita, nomba chinchilenipo mukufikilisha ukulingana nefyo mukwete.

2 Kolinto 8:19

Tefyenka mfi iyowo, ifilonganino fyalimusalile nakambi ukuti akatushindike pakutwala ifyabupe ifyakwafwilisha. Tukochita mfi mukuchinshika Bashikulu nokubwenesha ukufwaya kwesu mukwafwilisha.

2 Kolinto 8:24

Echo mubabweneshe ichitemweko chenu ukwebati ifilonganino fyonse fichibone nokwishiba ati tatukobifyapo pakwitutumwinapo pali mwe.

2 Kolinto 8:8

Tefundepo nkososa ulo nkomweba mfi. Ulo nkomweba ifyakuchinchila kwabantu bambi, nkofwaya bwaka ukwishiba nga ukutemwa kwenu kwachine.

1 Tesalonika 1:7

Kanshi mwabele ichakubwenako chiweme kubachetekela bonse abamu Masedoniya na Akeya.

Hebele 10:24

Echo tulokwibukishanya, tulokwafwana, tutemwane nokupyunga imilimo iiweme.