2 Kolinto 9:13 - Chipangano Chabwangu

¹³ Pakuti ichabupe bwenu nchi chikomuchitila bukamboni ubwakuti inkumbu shenu shachine, bo bakutondayisha Lesa pamulandu wakunakila Ubutumi Bwawama ubwaku Klistu ubo muyebelela. Bakuchita mfi nakambi pamulandu wakwakana nabantu bo elo nabambi ifintu ifyo mukwete.

2 Kolinto 9:13 ပူးပေါင်းရင်းမြစ်များ

Mateyo 5:16

Efyo bwenesheni ukusanika kwenu pamenso abantu ukuti babone imilimo yenu iiweme, ukwebati bachinshike Bashinwe bamumulu.

Mateyo 9:8

Ulo abantu babwene mfi, balitinine. Elo bachinshikile Lesa uwapela abantu insambu ishili nga mfi.

Luka 6:46

“Nindo mukonjitila mwati, ‘Bashikulu, Bashikulu,’ ukwambula ukuchita ifyo nkososa?

Yohane 15:8

Bata bakochinshikwa muli nchi ichakuti mutwale ifitwalo ifinji, elo mukoyisa kuba abakusambila banji.

Imilimo ya batumwa 11:18

Ulo baumfwile nga mashiwi, alibashinine. Elo bachinshikile Lesa ati, “Kanshi Lesa alipela abenafyalo inshita yakulapila kumabifyo abo ukuti bakwate ubumi!”

Imilimo ya batumwa 4:21

Nomba abachilye balibweleshepo ukubatinya ukuti belokuchitapo mfi. Penkapo balibalekele, pakuba tabasangilepo umulandu uwakubapela pantu abantu bonse balikutondayisha Lesa pachakushimbwisha icho bachitile.

Loma 10:16

Nomba te bonse abapokelele Ubutumi mbu. Kubati nimfilya asosele umusoseshi Esaya ati, “Bashikulu, mba ninani uwachetekele ifyo tukobilisha?”

Loma 12:8

Nga bwakukoselesha bambi, katubakoseleshe. Uyo uupela, kalokupela nomutima onse. Uyo ukotungulula atungulule, mwakwipela na uyo uukwatila inkumbu bambi, alokuchita mfi nokutemwa.

Loma 15:31

Munombeleko ukuti Lesa anchingilile ukwebati niwilapo mumaboko abantu abatachetekela ku Yudeya. Nakambi munombele ukwebati abantu baku Lesa abamu Yelusalemu bakapokelele ifyabupe mfi bantuma ukwebati nkabapele.

Loma 16:26

Nomba ichine nchi chalifisululwa ukupitila kufyo abasoseshi balembele. Elo ukupitila nefyo akonkobeshe Lesa uwamuyayaya nokufyumfwila.

2 Kolinto 10:5

Tulonaula ifitala fyonse ifilenga abantu ukuteshiba Lesa. Tulachimfya amalangulushi onse ukuti anakile Klistu.

2 Kolinto 2:12

Ulo nafikile ku Tuloasi ukuti nkashimike Ubutumi Bwawama ubusosa ifyaku Klistu, nalisangile Bashikulu baliswile kale inshila ukuti mpyunge umulimo nkulya.

2 Kolinto 8:4

Ukwambula ukubakakatisha, balitupapatile ukuti tubasuminishe ukwebati nabo bafwilisheko abantu baku Lesa abaku Yudeya.

2 Kolinto 9:14

Nomba bakumubwenesha ukutemwa kwabo pakumulombela pakuti Lesa amukwatile ubwanshi apakulu.

Galatiya 1:24

Elo balichinshikile Lesa pamulandu waku nebo.

1 Timoti 6:12

Ulokulwa bwino inkondo iyakusunga ichichetekelo ukufikila ukapokelele ubumi butapwa. Pantu efyo Lesa akwitile ulo wasuminine palwalala ifyachichetekelo chobe nabantu bonse balikumfwa.

1 Timoti 6:13

Nomba nkokukonkobesha pamenso aku Lesa uupela ubumi kufintu fyonse, nelyaku Klistu Yesu uwapele bukamboni ubwakwebesha pachinso chakwa Pontiyo Pilato.

Hebele 10:23

Tushipe muchichetekelo ichakulindilila icho tukwete pakuti uyo uwatulayile wachishinka.

Hebele 13:16

Mwilokulabukilapo ukuchita ifiweme nokwafwilishanya pakuti mfi efipupo ifisekesha Lesa.

Hebele 3:1

Mwe bawesu, muli baku Lesa pakuti alimwita namwebo ukuba nobumi bwakumulu. Langulukeni bwino ifyaku Yesu uyo Lesa atumine ukuti abe Chipupila Mukulu uwachichetekelo nchilya twasumina.

Hebele 4:14

Nomba katwikatishe ichichetekelo icho twasumina. Pakuti tuli nakwe Chipupila Mukulu uwachilapo, Ye uwayinjile kumulu kwine kuli Lesa. Ngu ni Yesu Umwana waku Lesa.

Hebele 5:9

Ulo ashilile umulimo wakwe alibele chibinda wachipulusho ichitapwapo kuli bo bonse abamumfwila.

1 Petulo 2:9

Pakuba mwebo muli umutundu uwasalwa, bachipupila ababufumu, umutundu wapatulika, abantu baku Lesa. Alimusalile ukuti mubilishe imilimo yakwe iiweme yaku ngulya uwamwitile ukufuma mumfishi nokwisa mukusanika kwakwe ukushimbwisha.

1 Petulo 4:11

Nga umo abilisha, kabilisha wamashiwi aafuma kuli Lesa. Nga umo akopyunga, kapyunge nefiso ifyo Lesa amupela. Pakuti muli fyonse, Lesa achinshikwe muli Yesu Klistu. Pakuba umuchinshi nefiso fyakwe umuyayaya. Ameni!