2 Kolinto 8:9 - Chipangano Chabwangu

⁹ Pakuba mwalishiba ubwanshi bwaku Bashikulu wesu Yesu Klistu. Nangu bali abachindami, bayishile kuba abachula pamulandu wenu, ukwebati mukuchula kwabo, mwebo mube abachindami.

2 Kolinto 8:9 ပူးပေါင်းရင်းမြစ်များ

Mateyo 17:27

Nomba pakuti abantu befulwapo, koya kuli bemba ukateye indobani. Inswi iyo ukoya kubalilapo ukuloba, ukayichenamune akanwa, elo wakusangamo indalama. Ukashipinte indalama nshilya nokuya tula umusonko wanji nowobe.”

Mateyo 20:28

Pakuti nangu Mwana wa Muntu umwine tayishilepo ukuti bakamupyungile iyowo, kuntu Ye ayishile mukupyungila nokupela ubumi bwakwe ukuti abantu abenji bakalubulwe.”

Mateyo 8:20

Elo Yesu amwasukile ati, “Bamumbwe balikwata imimba, nefyuni nafyo fyaliba nefinsa, kuntu Umwana wa Muntu takwatapo napakusamina umutwi.”

Maliko 6:3

Napo ngu temwanapo wakwa kapala wamapulanga, mwana Maliya, nawabo wakwa Yemusi, Yose, Yuda na Simoni? Kanshi bankashi shakwe nabo temba benka twikala nabo nkuno?” Echo balimusulile.

Luka 16:11

Nga tamukoba abachetekelwapo pakusunga ububoni bwamuchalo, mba kuti mwaba abakwebesha shani pakusunga ububoni bwinenene?

Luka 2:7

Maliya alifyele umwana umwalalume nokumupomba munsalu. Amulalikile muchililo chang’ombe pakuti munanda yabalwendo tamwalipo chifulo chakulalamo.

Luka 8:3

Yoana, umukashi wakwa Chusa kabilo wamfumu Helodi, Susana nabambi abenji abanakashi abalikupela ubupe ubwakwafwilisha Yesu nabakusambila bakwe.

Luka 9:58

Elo Yesu amwasukile ati, “Bamumbwe balikwata imimba, nefyuni nafyo fyaliba nefinsa, kuntu Umwana wa Muntu takwatapo napakusamina umutwi.”

Yohane 1:10

Ishiwi ndilya lyali muchalo, nangu Lesa atalile ichalo ukupitila muli Ye, kuntu abantu tabamwishibilepo.

Yohane 1:14

Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.

Yohane 1:17

Lesa apele Amafunde ukupitila muli Mosesi, kuntu ubwanshi nokwebesha fyayishile muli Yesu Klistu.

Yohane 12:30

Nomba Yesu asosele kuli bo ati, “Temulandupo wanji ndi shiwi lyasoselwa, kuntu nipamulandu wenu.

Yohane 16:15

Ifintu fyonse ifyo Bata bali nafyo fyanji. Echo nsosele ati akesa bula ifyo nasosa nokumulondolwela.

Yohane 17:19

Pamulandu wabo nkoyipela kuli mwebo ukuti nabo bakayipele bonse kuli mwebo mukwebesha.

Loma 11:12

Ukubifya kwabena Isilaeli kwaletele ishuko kubantu bonse abapanonshi. Ukufilwa kwabo kwaletela ishuko kubenafyalo bonse. Echo kwakuba ishuko ilikulu apo impendwa yabena Isilaeli abasalwa yakukumanina!

Loma 15:3

Pakuti Klistu tayisekeshepo umwine enka, kuntu ukubati nimfilya Amalembo asosa ati, “Amashiwi yamusalula ayo balikukusalula ayisa pali nebo.”

Loma 5:8

Nomba Lesa alitulanga ifyo atutemwa ichakuti ulo twali mbifi Klistu atufwilile.

Loma 8:32

Lesa alitupele Umwana wakwe umwine. Elo alimupele pamulandu wesu! Nomba kuti afilwa shani ukutupela ifintu fyonse pamo na Ye?

1 Kolinto 1:4

Ndatotela kuli Lesa inshita shonse pamulandu waku mwebo, pakuti alimukwatila bwanshi muli Klistu Yesu.

1 Kolinto 15:47

Umuntu wakwamba ngulya afumine kwiloba. Umuntu wachibili afumine kumulu.

2 Kolinto 6:10

Balatulinga abantu abansoni, nangu tuli basekelela inshita shonse. Balatulinga abachula, nangu tulenga abenji ukuba abachindami. Balatulinga abatakwetepo akantu, nangu tulikwete fyonse.

Efeso 2:7

Alichitile mfi ukuti abweneshe ubwanshi bwakwe ubwinji nenkumbu atukwatila muli Klistu Yesu.

Efeso 3:19

Nkolomba ukuti mwishibe ukutemwa nkulya ukwaku Klistu ukutangeshibikwa ukufikapo ukwebati mwiulemo nobumi ubwaku Lesa umwine ukufikapo.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Kolose 1:24

Nomba ndibwaka uwasekelela pakuti nachulila mwebo, pantu mukuchula kwanji, emo nkoshilishisha amachushi aasheleko aali kubati aku Klistu, ayo achulile umubili wakwe, ekwebati ichilonganino.

1 Timoti 6:18

Ubakoseleshe ukuti balokuchita ifiweme, ukuti abantu beshibilepo ati babuboni ukupitila mumilimo iiweme, nokuti bakane nomutima umo nabanabo.

Hebele 1:2

Nomba munshita shakupelako shino asosa nafwebo ukupitila mu Mwana wakwe. Muli Ye Lesa alengele ichalo, nakambi eye asalile uwakuba umwine wafintu fyonse.

Yemusi 2:5

Umfweni mwe bawesu abatemwekwa! Napo Lesa tasalilepo abo ababoneka abachushi kubantu ukuti bakabe abasambashi muchichetekelo chabo? Napo tabasalilepo ukuti bapokelele ishuko ilyo alayile ukupela abamutemwa?

Ukufisulula 2:9

Ye akoti, Nalishiba ifikuchusha nobupina bobe, nangu ichine-chine uli mukankala. Nalishiba nakambi ifyo bakufyenga bo abasosa ukuti Bayuda, kuntu bachilonganino chakwa Satana.

Ukufisulula 21:7

Umuntu wakuchimfya akupokelela ifintu mfi. Nakuba Lesa wakwe, naye akuba umwana wanji.

Ukufisulula 3:18

Nkokuchenjeshako ukuti ushite kuli nebo golide yawamikwa mumulilo ukuti ube uwabuboni wine-wine. Elo ushite ifyakufwala ifitubile ukuti ufwale nokufisa umubili obe uleta insoni. Ushite nomuti wamenso ukuti ulokubona bwino.