2 Kolinto 8:23 - Chipangano Chabwangu

²³ Ukusosa pali Taitasi, emubomfi munanji uwayikatana pamo nane pakwafwilisha. Ukusosa ifyabawesu bambi bo, balitumwa nefilonganino, elo Klistu akochinshikwa pamulandu wabo.

2 Kolinto 8:23 ပူးပေါင်းရင်းမြစ်များ

Luka 5:10

Elo abanakwe bakwa Simoni, Yemusi na Yohane abana bakwa Sebedi, nabo balishimbilwe. Yesu asosele kuli Simoni ati, “Witina, ukufuma nomba wakuba umulofi wabantu.”

Luka 5:7

Epo bachebwile abanabo abali mubwato bumbi ukwisa kubafwako. Balishile nokwiusha amato onse abili nenswi ichakuti namato alikufwaya ukwibila.

Yohane 13:16

Nachine nkomweba ati, takupo umusha uwachila wishikulu wakwe, nangu intumi ukuchila uyo uwamutumine.

1 Kolinto 11:7

Umwalalume talingilepo ukufimba umutwi wakwe pakuti ye chipasho nomuchinshi waku Lesa, kuntu umwanakashi muchinshi wamwalalume.

2 Kolinto 12:18

Nalitumine Taitasi ukuti ese kuli mwe, pamo nawesu umbi. Napo Taitasi ngulya ewamuchenjeleke, bayi? Napo ye pamo nane tatwachitilepo fyonse nomutima umo? Tempalya twalikuchita fyonse munshila imo?

2 Kolinto 7:6

Nomba Lesa uukoseleshako abanakile imitima, alitukoseleshe ulo Taitasi afikile.

2 Kolinto 8:16

Tutotele Lesa pakuti abikile umutima wakufwaya ukwafwilisha muli Taitasi kubati nimfilya twafwilisha nafwe.

2 Kolinto 8:18

Pamo na ye tukotuma wesu ngulya uwayishibikwa nefilonganino fyonse pamulandu wamulimo wakwe uwakushimika Ubutumi Bwawama.

2 Kolinto 8:19

Tefyenka mfi iyowo, ifilonganino fyalimusalile nakambi ukuti akatushindike pakutwala ifyabupe ifyakwafwilisha. Tukochita mfi mukuchinshika Bashikulu nokubwenesha ukufwaya kwesu mukwafwilisha.

2 Kolinto 8:22

Pamo nabo, tukotumapo nawesu umbi. Twamweseshe munshila ishinji, nomba twasanga ukuti ali uwayipelesha. Echo akofwayisha ukuchilapo ukwafwilisha pakuti aamuchetekela ukwinekantu.

2 Kolinto 8:6

Echo twapapatile Taitasi ukuti ashilishe umulimo ngu uwakwafwilisha pakuti ewautatikile pali mwebo.

Filipi 2:25

Nomba nalanguluka ukuti chiweme ukutuma wesu Epafuloditasi, umubomfi nakambi umushilikali waku Bashikulu kubati ifyo naba. Mwalimutumine ukuti ese angafwilisheko.

Filipi 4:3

Elo nkokupapata nawebo, wemunanji umwinenene pamulimo wesu ngu ukuti ubafwilisheko abanakashi mba. Pakuba balibombele ukwinekantu pamo nandibo mukutanda Ubutumi Bwawama. Elo babombele na Kilementi pamo nababomfi bananji bambi abali namashina aabo aalembelwe mwibuku lyabumi.

Kolose 1:7

Mwasambilile nchi kuli Epafulasi umupyungi munesu uyo twatemwa. Elo umupyungi ngu twachetekela uwaku Klistu aba kuli mwebo muchifulo chesu.

1 Tesalonika 2:2

Mulishibile ifyo batuchushishe nokututukaula kubantu baku Filipi ulo tatulayisa ku Tesalonika. Nangu chali mfilya, kwali ukupusana ukwinekantu, na Lesa wesu alitukoseleshe ukuti tubilishe Ubutumi Bwawama ubwafuma kuli Ye.

2 Timoti 4:10

Pakuti Dimasi, pamulandu wakutemwa ifyapanonshi, alinshile nokuya ku Tesalonika. Kileseni ayile ku Galatiya, elo Taitasi ayile ku Dalumatiya.

Taitasi 1:4

Kalata nji nkolembela webo Taitasi mwana wanji pamulandu wachichetekelo icho fwebo babili tuli nacho. Lesa Bata pamo na Klistu Yesu Umupulushi wesu bakupele ubwanshi nomutende.

Filimoni 1:17

Kati ukonangulukila ukuti ndimupyungi munobe, umupokelele nga mfilya ungampokelela nebo.

Filimoni 1:24

Ababomfi bananji ba Maliko na Alisitakasi, Dimasi na Luka nabo bakuposha umutende.

3 Yohane 1:8

Echo tufwile ukubafwilisha abantu abali mfi ukuti tubombele pamo mukutwala ichine.