2 Kolinto 8:21 - Chipangano Chabwangu

²¹ Fwebo tukofwaya ukuchita ifiweme, tepamensopo aku Bashikulu bwaka, kuntu napamenso aabantu.

2 Kolinto 8:21 ပူးပေါင်းရင်းမြစ်များ

Loma 12:17

Nga umuntu umo amuchitila ichibi, mwimulandulapo. Mulokuchita ifyo abantu bengasuminisha ukuti fiweme.

1 Petulo 2:12

Muchenjele nefyo mwikala nabantu abatachetekela, ichakuti nangu basose ati imilimo yenu mibi, kuntu babone ukuti iiweme. Elo bakuchinshika Lesa pakasuba ako akwishilamo.

Filipi 4:8

Pakupwa mwe bawesu, langulukenipo fyonse ifiweme ifyo mungatondayisha: ifyachine, ifyamuchinshi, ifyalungama, ifyaololoka, ifiweme, elo nefyachindama.

1 Tesalonika 5:22

Mwikanye kububi bonse.

2 Kolinto 2:17

Fwebo tatulipo nga abantu abenji abakochita amakwebo namashiwi aku Lesa. Nomba, pakuti tuli muli Klistu nga abantu abatumwa na Lesa, tusosa muchine, ukulingana nokufwaya kwakwe.

Loma 14:18

Uyo uukopyungila Klistu muli nji nshila, asekesha Lesa. Elo nabantu balamusuminisha ukuba umupyungi waku Ye.

1 Timoti 5:14

Echo kanshi nkofwaya ukuti ifyokolo ifyayiche fyupwe nokufyala abana nokusunga amananda yabo pakuti ifipondo fyesu filokutusekulukapo.

Mateyo 6:4

Nga mwachita mfi, ubupe bwenu ubwankumbu bwakwishibikwa kuli mwebo mwenka. Epo Bawishinwe nabo ababona ifyamubumfisolo, bakumulambula.

Mateyo 5:16

Efyo bwenesheni ukusanika kwenu pamenso abantu ukuti babone imilimo yenu iiweme, ukwebati bachinshike Bashinwe bamumulu.

Mateyo 23:5

Balabomba imilimo yabo yonse ukuti babonwe kubantu. Balayibwenesha ulo bakusha apalembwa Amalembo aku Lesa awo bafwala pampumi napamaboko yabo. Elo balakusha insenkebele kuminjila yabo.

Mateyo 6:1

“Chenjeleni ukuti mwilokuchitapo imilimo iiweme kubantu pakuti mubonekele. Pantu nga mukochita mfi, tamwakapokelelepo ichilambu kuli Bawishinwe abakumulu.

2 Kolinto 8:20

Tatukofwayapo ukuti abantu basangepo apakutushobawila ulo tukopela ifyabupe mfi ifinji.

2 Kolinto 8:22

Pamo nabo, tukotumapo nawesu umbi. Twamweseshe munshila ishinji, nomba twasanga ukuti ali uwayipelesha. Echo akofwayisha ukuchilapo ukwafwilisha pakuti aamuchetekela ukwinekantu.

1 Timoti 3:7

Alingile ukuba nolulumbi uluweme kubatali bamuchilonganino ukuti eyisebanyapo nokuwila mumatunko ayakwa Kachenjeleka.