2 Kolinto 8:2 - Chipangano Chabwangu

² Abantu bafilonganino mfilya bayeshiwe ukwinekantu kumachushi, nomba tabalekelepo ukusekelela kwabo. Echo balipele namaboko abili nangu bali abachula ichine.

2 Kolinto 8:2 ပူးပေါင်းရင်းမြစ်များ

Mateyo 20:15

Napo tekuti nchitepo ifyo nkofwaya pandalama shanji? Napo wafitwa pamulandu wakupela kwanji?’”

Loma 12:8

Nga bwakukoselesha bambi, katubakoseleshe. Uyo uupela, kalokupela nomutima onse. Uyo ukotungulula atungulule, mwakwipela na uyo uukwatila inkumbu bambi, alokuchita mfi nokutemwa.

Loma 2:4

Napo ulasula inkumbu ishikulu ishaku Lesa, ukushipikisha nomutembo wakwe? Napo tawishipo ukuti Lesa alikukwatila inkumbu ukwebati ulapile?

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

2 Kolinto 2:9

Icho namulembele kalata njilya chakuti mweshe nokubona nga kuti mungangumfwila muli fyonse.

2 Kolinto 6:10

Balatulinga abantu abansoni, nangu tuli basekelela inshita shonse. Balatulinga abachula, nangu tulenga abenji ukuba abachindami. Balatulinga abatakwetepo akantu, nangu tulikwete fyonse.

2 Kolinto 9:11

Akumuchindamika muli fyonse ukwebati mulokupela inshita shonse, elo abenji bakutondayisha Lesa pamulandu wabupe bwenu ubo twakubatwalilako.

2 Kolinto 9:13

Pakuti ichabupe bwenu nchi chikomuchitila bukamboni ubwakuti inkumbu shenu shachine, bo bakutondayisha Lesa pamulandu wakunakila Ubutumi Bwawama ubwaku Klistu ubo muyebelela. Bakuchita mfi nakambi pamulandu wakwakana nabantu bo elo nabambi ifintu ifyo mukwete.

1 Tesalonika 1:6

Mwalikutenteka imikalilo yesu neya Bashikulu Yesu. Mwapokelele Ubutumi Bwawama mukusangalala uko Mupashi Wabuta wamupele, nangu mwalikuchula.

1 Tesalonika 2:14

Bawesu, ifyamuchitikile nkulya efyachitikile namufilonganino fyaku Lesa ifyamu Yudeya. Abakaya benu bamuchushishe ukubati fintu bachilolo ba Bayuda bachushishe abena Klistu baku Yudeya.

Yemusi 2:5

Umfweni mwe bawesu abatemwekwa! Napo Lesa tasalilepo abo ababoneka abachushi kubantu ukuti bakabe abasambashi muchichetekelo chabo? Napo tabasalilepo ukuti bapokelele ishuko ilyo alayile ukupela abamutemwa?

Ukufisulula 2:9

Ye akoti, Nalishiba ifikuchusha nobupina bobe, nangu ichine-chine uli mukankala. Nalishiba nakambi ifyo bakufyenga bo abasosa ukuti Bayuda, kuntu bachilonganino chakwa Satana.