2 Kolinto 8:19 - Chipangano Chabwangu

¹⁹ Tefyenka mfi iyowo, ifilonganino fyalimusalile nakambi ukuti akatushindike pakutwala ifyabupe ifyakwafwilisha. Tukochita mfi mukuchinshika Bashikulu nokubwenesha ukufwaya kwesu mukwafwilisha.

2 Kolinto 8:19 ပူးပေါင်းရင်းမြစ်များ

Imilimo ya batumwa 14:23

Basalile abalalume ukuti balokutungulula umo-umo mufilonganino. Ulo balombele nokuyikanya ukulya, babapele kuli Bashikulu Yesu abo bonse abachetekele.

Imilimo ya batumwa 15:22

Elo abatumwa, bachilolo nechilonganino chonse ichabena Klistu balangulukile ukuti basale bambi ukufuma muli bo, nokuti babatume ku Antiyoki pamo na Paulo na Banabasi. Elo basalile Yuda uwalikwitwa Basabasi, na Sailasi. Mba abalalume babili balikuchinshikwa kubachetekela banabo.

Imilimo ya batumwa 15:25

Kanshi fwebo twalilongene nokumfwana ukuti tusale abantu bamo nokubatuma kuli mwebo pamo nabatemwekwa ba Banabasi na Paulo.

Imilimo ya batumwa 19:22

Elo atumine abakumwafwa bakwe babili, Timoti na Elasitosi ku Masedoniya. Paulo ena alishele muchalo cha Asiya.

Imilimo ya batumwa 19:29

Elo ichimfulunganya chakumene umushi onse. Ibumba limo lyabantu lyayikete Gayusi na Alisitakasi, abalalume babili baku Masedoniya, abali kwenda na Paulo. Bwangu-bwangu, babatwele kuchibansa chamangalo.

Loma 5:11

Te mfi fyenkapo iyowo, kuntu tukosansamuka muli Lesa pamulandu waku Bashikulu Yesu Klistu, abatulengele ifibusa na Lesa.

Loma 5:3

Nakambi tulasansamuka mukuchula pakuti twalishiba ati nku kulete ukushipikisha.

2 Kolinto 4:15

Ichikulu pali mfi chakuti mwebo musange ishuko ukwebati, nga ifyo bantu Lesa ashukisha balefulilako, nabo abatondayisha Lesa bafulileko nokumupela umuchinshi.

2 Kolinto 8:11

Echo nomba shilishenipo umulimo ngu. Mpalya mwali abachinchila ukufwaya ukufichita, nomba chinchilenipo mukufikilisha ukulingana nefyo mukwete.

2 Kolinto 8:12

Nga umuntu akofwaya ukupela, Lesa alapokelela mukutemwa ubupe ubo umuntu ngulya akwete. Echo tabapatikisha ukuti apele ifyo takwetepo.

2 Kolinto 8:20

Tatukofwayapo ukuti abantu basangepo apakutushobawila ulo tukopela ifyabupe mfi ifinji.

2 Kolinto 9:2

Ndishibile ukwebati mukofwayilisha ukwafwilisha. Echo ndayitutumuna kubena Masedoniya pamulandu wenu. Ndabeba ati, “Bawesu baku Akeya baliyipekenye kale umwaka washila ukuti bafwilishe.” Elo ukufwaya kwenu kwakoselesha abenji.

2 Kolinto 9:8

Lesa kuti amupela ishuko ukuchilapo ukuti lonse mulekwata ifyo mukabila nafimbipo ifyakubombelapo imilimo iiweme.