2 Kolinto 8:1 - Chipangano Chabwangu

¹ Mwe bawesu, tukofwaya ati mwishibe ifyo Lesa ashukishe ifilonganino fyaku Masedoniya.

2 Kolinto 8:1 ပူးပေါင်းရင်းမြစ်များ

Mateyo 25:22

“Uyo Uwapokele indalama amakana abili, naye alishile nokusosa ati, ‘Shikulu mwampele indalama amakana abili. Boneni, nafungashanyamo nashimbi amakana abili.’

Imilimo ya batumwa 11:23

Ulo afikile nokubona ifyo Lesa ashukishe abantu mba, iyowo mwandi alisansamwike nokubakoselesha ukuti bekatishe nokwikalilila muli Bashikulu nemitima yabo yonse.

Imilimo ya batumwa 16:9

Muli mbulya bushiku Paulo abwene muchibonwa umwina Masedoniya umo alimakene nokumupapata ati, “Mwabukile nkuno kuchalo cha Masedoniya, mwise mutwafweko!”

Imilimo ya batumwa 24:17

“Nomba ukweba ati nali kumbi kwamyaka iyinji, nali ku Yelusalemu ukutwala ifyabupe ifyabachula nokutula ifipupo.

Loma 15:26

Pakuti abamufilonganino ifyaku Masedoniya na Akaya chalibawamine ukupela ifyabupe ukuti bafwilishe abachushi pakati kabantu baku Lesa abaku Yelusalemu.

1 Kolinto 15:10

Nomba pakuti Lesa alinkwatile ubwanshi, ndi kubati ifyo ndi. Elo ubwanshi bwakwe bwapangilepo akantu muli ne pakuti nalibombele imilimo ukuchila pabatumwa bonse. Nomba tenepo uwabombele, kuntu ubwanshi bwaku Lesa ubukobombela muli ne.

2 Kolinto 11:9

Elo ulo nali kuli mwe, panshita ulo nshakwetepo akantu, nshachushishepo umuntu nangu umo. Pakuba bawesu bambi abafuma ku Masedoniya balimpele fyonse ifyo nshakwete. Pali fyonse nalisungile ukuti nimba kubati katundu uwakumulemena. Elo nakutwalililapo ukuchita mfi.

2 Kolinto 9:12

Umulimo ngu mukochitila abantu baku Lesa, tamukoafwilisha bwaka pafyo batakwetepo, kuntu bantu abenji bakutondayisha Lesa ukwinekantu.

2 Kolinto 9:2

Ndishibile ukwebati mukofwayilisha ukwafwilisha. Echo ndayitutumuna kubena Masedoniya pamulandu wenu. Ndabeba ati, “Bawesu baku Akeya baliyipekenye kale umwaka washila ukuti bafwilishe.” Elo ukufwaya kwenu kwakoselesha abenji.

2 Kolinto 9:4

Nomba nga abena Masedoniya bambi banshindika, elo bakamusange ukwebati tamuyipekenyepo, mwakungumfwisha insoni ukwinekantu. Ukuyitutumana kwesu pali mwe kwakuba ukwabwaka, chikanga mwebo mwakuba nensoni ukuchilapo.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Kolose 1:29

Pakuchita nchi ndachula nokupitintika ukubomfya ifiso Klistu ampela ifibomba muli nebo.

1 Tesalonika 4:10

Nachine mwalitemwana nabena Klistu banenu abali mu Masedoniya. Nomba, mwe bawesu, mulundepo ukuchita mfi.