2 Kolinto 7:7 - Chipangano Chabwangu

⁷ Tekufika kwakwe bwaka iyowo, kuntu namashiwi aasosa ifyo mwamukoseleshe. Alitwebele ati mukonkabila ukwinekantu, ukuchula kwanji kukomuchusha, elo nokuti muli abayipekanya ukungafwilishako. Epamulandu ngu nkosekelela ukwinekantu.

2 Kolinto 7:7 ပူးပေါင်းရင်းမြစ်များ

Mateyo 26:75

Elo Petulo ayibukishe ifyo Yesu asosele ati, “Ulo tambala atalalila ube ulinkene imiku itatu.” Elo Petulo afumine panse nokulila ukwinekantu.

Mateyo 5:4

“Balishuka bo abakolosha, pakuti Lesa akubashinshinta.

Luka 22:44

Mukupenga ukukulu ukwamutima, Yesu alilombele ukuchisha napakubala, ichibe chakwe chapalile ati mulopa walikuswila panshi!]

Imilimo ya batumwa 11:23

Ulo afikile nokubona ifyo Lesa ashukishe abantu mba, iyowo mwandi alisansamwike nokubakoselesha ukuti bekatishe nokwikalilila muli Bashikulu nemitima yabo yonse.

Loma 1:12

Umo ndoseshe nimukuti tukoseleshanye muchichetekelo. Mwebo mukankoselesheko muchichetekelo chenu, namwe muli chanji.

1 Kolinto 5:2

Nga kuti mwayitutumuna shani? Mulingile ukumfwa insoni mwebene nokutamfya pakati kenu uukochita mfi.

2 Kolinto 1:14

nga mfilya mwatatika ukutwishiba panini, mwakutwishiba ukufikapo ukuti mungamekelapo pali fwe kubati nimfilya tukamekelapo pali mwe mukasuba kaku Bashikulu Yesu.

2 Kolinto 1:4

Lesa alatwafwilisha mumachushi onse ukwebati nga mfilya atwafwilisha nafwe twafwilisheko bawesu abali pakati kamachushi ayapusene-pusene.

2 Kolinto 2:9

Icho namulembele kalata njilya chakuti mweshe nokubona nga kuti mungangumfwila muli fyonse.

2 Kolinto 5:2

Echo tutenda nokufunga ukufwikwa inanda yesu nji iyakumulu.

2 Kolinto 7:6

Nomba Lesa uukoseleshako abanakile imitima, alitukoseleshe ulo Taitasi afikile.

2 Kolinto 7:8

Kalata yanji njilya yalimunyekesha imitima, nomba nshikoyibwelamo pakuti nalilemba. Nalibwelelemo pakwamba pakubona ukuti yalimunyekeshe imitima, nangu kali akashita kanini bwaka.

2 Kolinto 8:16

Tutotele Lesa pakuti abikile umutima wakufwaya ukwafwilisha muli Taitasi kubati nimfilya twafwilisha nafwe.

Filipi 1:20

Echo nkopembela mukuchetekela nomutima onse ukwebati nshakomfwepo insoni iyowo. Nangu ndinobumi nangu nafwa, lonse nkofwaya ukuba uwashipa nokuleta umuchinshi kuli Klistu.

Kolose 2:5

Nangu tanshili pamo namwebo mumubili, kuntu ndipamo namwebo mumupashi. Elo nkosekelela pakubona ukutekanya kwenu, nokukosa kwachichetekelo chenu muli Klistu.

1 Tesalonika 3:6

Nomba Timoti alibwela nkuno. Alitushimikilako amashiwi aaweme aachichetekelo nokutemwa kwenu. Alitushimikila ukuti mukutemwa kwenu mulatwibukisha nokufwaya ukutubona kubati nimfilya tukofwaya ukumubona nafwe.

1 Tesalonika 3:8

Nachine tuli nobumi nga mwayimakana ndi muli Bashikulu.

Hebele 2:1

Echo ifyo twaumfwile tulingile ukufisunga bwino-bwino ukutina ukwebati panini-panini kuti twafilufya.

Yemusi 5:17

Eliya ali umuntu ukubati nifwebo. Alombele ukwebati imfula iiwa. Nachine imfula tayawilepo pamyaka itatu nemyeshi isano naumo.

2 Yohane 1:4

Nalitemenwe ukwinekantu pakusanga ukwebati abana bobe bayikala muchine, kubati nimfilya Bata batufundilepo.

Yuda 1:3

Mwe batemwekwa, nafwayisha ukumulembela kalata ukuti mulondolwele ifyakupuluka kwesu bonse. Nomba nabona ukuti ichalikufwayikwa bwangu-bwangu kumulembela nokumukoseleshako, ukuti mutwalilile ukulwila ichichetekelo icho Lesa apelele bwaka kubantu bakwe abapatulika.