2 Kolinto 7:5 - Chipangano Chabwangu

⁵ Nangu ulo twafikile ku Masedoniya, tatwakwetepo ukutusha iyowo. Twalikuchushiwa munshila ishinji. Panse twalikulwana notupondo twesu, elo mukati twali nomwenso.

2 Kolinto 7:5 ပူးပေါင်းရင်းမြစ်များ

Imilimo ya batumwa 20:1

Ulo ichimfulunganya chashilile, Paulo alongenye abena Klistu pamo nokubakoselesha. Elo abalayile nokuya kuchalo cha Masedoniya.

Loma 15:26

Pakuti abamufilonganino ifyaku Masedoniya na Akaya chalibawamine ukupela ifyabupe ukuti bafwilishe abachushi pakati kabantu baku Lesa abaku Yelusalemu.

1 Kolinto 15:31

Mwe bawesu, imfwa nebo nyenda nayo akasuba nakasuba! Nkososa mfi pakuti ndayitakisha muli Klistu Yesu Shikulu wesu pamulandu wenu.

1 Kolinto 16:5

Nakwisa kuli mwe panuma yakupita mu Masedoniya, pakuba nakubala ukupitanamo mu Masedoniya.

2 Kolinto 2:13

Nomba nali uwasakamana, pakuba nshamusangileko wesu Taitasi. Echo nalayile abantu bankulya, elo nayile ku Masedoniya.

2 Kolinto 2:3

Echo namulembele kalata njilya. Nshafwayile ukwisa kuli mwe ukutina ati mwebo mwe balingile ukunsangalasha mwinganyekeshapo umutima. Nalishiba ukuti nga ndisangalile, namwebo bonse mulasangalala.

2 Kolinto 2:9

Icho namulembele kalata njilya chakuti mweshe nokubona nga kuti mungangumfwila muli fyonse.

Galatiya 4:11

Nkotina ukwebati nalimo ukubomba kwanji pali mwebo kwakuba ukwabwaka.

1 Tesalonika 3:5

Echo natumine Timoti kuli mwebo. Ulo nafililwe ukushipikisha, nalangulukile ukumutuma uko muli ukuti eshibe ifyo chaba ichichetekelo chenu. Natinine ukuti nangula Satana, kabepa, amubepele ukuti imilimo yesu yonse yakuba yabwaka.