2 Kolinto 7:4 - Chipangano Chabwangu

⁴ Nalimuchetekela ukwinekantu. Elo ndayitutumwina pali mwe. Mukuchula kwesu konse tukoshipikisha, elo tuli abasekelela.

2 Kolinto 7:4 ပူးပေါင်းရင်းမြစ်များ

Imilimo ya batumwa 5:41

Abatumwa bafumine muchilye nensansa ukwinekantu pantu bayumfwile ukuti Lesa alibasalile ukuchula pamulandu weshina lyaku Yesu.

Loma 5:3

Nakambi tulasansamuka mukuchula pakuti twalishiba ati nku kulete ukushipikisha.

1 Kolinto 1:4

Ndatotela kuli Lesa inshita shonse pamulandu waku mwebo, pakuti alimukwatila bwanshi muli Klistu Yesu.

2 Kolinto 1:14

nga mfilya mwatatika ukutwishiba panini, mwakutwishiba ukufikapo ukuti mungamekelapo pali fwe kubati nimfilya tukamekelapo pali mwe mukasuba kaku Bashikulu Yesu.

2 Kolinto 1:4

Lesa alatwafwilisha mumachushi onse ukwebati nga mfilya atwafwilisha nafwe twafwilisheko bawesu abali pakati kamachushi ayapusene-pusene.

2 Kolinto 10:8

Nangu nachilapo panini ukuyitutumuna pamulandu wansambu isho Bashikulu batupele ishakuti tumukoseleshe, tekumonaulapo, tatwaumfwepo insoni.

2 Kolinto 11:21

Ndinensoni pakusumina ati twali abanakile pakuchita mfilya! Nomba nkososa kubati uupuneme, ifili fyonse bambi bangayitutumwinapo, nandibo nakuyitutumwinapo.

2 Kolinto 2:14

Tutotele Lesa uututungulula muli Yesu mukuchimfya ishita shonse. Ukupitila muli fwebo, Lesa akopela abantu bonse amano yakwishiba Klistu. Elo amano nga akopalangana mpanga yonse kubati chena ichiweme.

2 Kolinto 3:12

Pakuti tukolindilila mfi, tulashipikisha ukwinekantu.

2 Kolinto 7:14

Nalimwebele ati ndayitutumuna pali mwe pamulandu wakwa Taitasi, elo tamungumfwisheko insoni. Nomba kubati fyonse ifyo namwebele fyali ifyakwebesha, mumo mwine nokuyitutumuna kwanji kuli mwe pali ye kwali ukwakwebesha.

2 Kolinto 8:24

Echo mubabweneshe ichitemweko chenu ukwebati ifilonganino fyonse fichibone nokwishiba ati tatukobifyapo pakwitutumwinapo pali mwe.

Filipi 1:14

Nomba pamulandu wakuti ndimuchifungo, bawesu abenji balishipile imitima ukuchetekela kale muli Bashikulu, elo bakobilisha Amashiwi aku Lesa ukwambula umwenso.

Filipi 1:20

Echo nkopembela mukuchetekela nomutima onse ukwebati nshakomfwepo insoni iyowo. Nangu ndinobumi nangu nafwa, lonse nkofwaya ukuba uwashipa nokuleta umuchinshi kuli Klistu.

Filipi 1:26

Echo ulo nakufika uko muli mukaba nokusekelela nokuyitakisha muli Klistu Yesu pamulandu waku nebo.

Filipi 2:17

Nalimo umulopa wanji wakwitilwa kubati chipupo ichipelwa nechichetekelo chenu kuli Lesa. Kati efyo chili, nkosangalala, elo nakusangalala pamo namwebo bonse.

Kolose 1:24

Nomba ndibwaka uwasekelela pakuti nachulila mwebo, pantu mukuchula kwanji, emo nkoshilishisha amachushi aasheleko aali kubati aku Klistu, ayo achulile umubili wakwe, ekwebati ichilonganino.

1 Tesalonika 2:19

Kanshi ulo bakwisa Bashikulu Yesu Klistu kumupwilo, ukulolela, ukusekelela elo nechilambu chesu fikafuma kwisa? Tepali mwebo?

1 Tesalonika 2:2

Mulishibile ifyo batuchushishe nokututukaula kubantu baku Filipi ulo tatulayisa ku Tesalonika. Nangu chali mfilya, kwali ukupusana ukwinekantu, na Lesa wesu alitukoseleshe ukuti tubilishe Ubutumi Bwawama ubwafuma kuli Ye.

2 Tesalonika 1:4

Emulandu wine tulayipakisha muli mwebo mufilonganino fyaku Lesa. Tulachita mfi pamulandu wakushipikisha mukuchetekela kwenu namumachushi aakulu onse mukosanga.

Filimoni 1:7

We wesu ukutemwa kobe kulansekesha nokunchinchisha ukwinekantu. Elo ulasekesha nemitima yabantu baku Lesa bonse.

Yemusi 1:2

Mwe bawesu mulokusekelela ulo mukoyeshekwa kumachushi ayapusene-pusene.