2 Kolinto 7:3 - Chipangano Chabwangu

³ Nshikososapo mfi ukwebati musangwe abamulandu. Kubati ifyo nsosele kale, mwebo mwaba mumitima yesu nangu kumfwa nangu kubumi.

2 Kolinto 7:3 ပူးပေါင်းရင်းမြစ်များ

2 Kolinto 11:11

Nipamulandu ndo? Napo nshamutemwapo? Lesa alishibile ati nalimutemwa.

2 Kolinto 12:15

Nebo kuti natemwa ukuposa fyonse ifyo ndinafyo, pamo nande, pamulandu wenu. Nomba nga nalimutemwa ukwinekantu mfi, napo mwebo mwakuntemwa panini bwaka?

2 Kolinto 13:10

Nkolemba mfi ulo nshilafika kuli mwe ukwebati nga nafika, nikasangilapo apakubomfya insambu shandi ishabutungulushi mubukali. Bashikulu balimpele ubutungulushi mbu ukuti mwimake, tekumubongololapo iyowo.

2 Kolinto 3:2

Kalata yakutuchitila bukamboni nimwebo. Yalembele mumitima yesu ukwebati abantu bonse bayishibe nokwipenda.

2 Kolinto 7:12

Echo nangu nalimulembele kalata njilya nshayilembelepo pamulandu wamuntu ngulya uwabifishe, nangu pamulandu wangulya abifishe iyowo. Nalembele ukwebati pamenso aku Lesa mwishibishe ati ukufwayilisha kwenu mukungafwa kukulu nakambi.

Filipi 1:7

Ndamwibukisha nokumulangulukapo bonse, pakuba efyo chilingile ukuba. Pakuti mwebo twayikatana nane mwishuko ndi Lesa ampela, ulo ndimuchifungo nolo nali mubwanalale mukuchingilila nokushininkisha Ubutumi Bwawama.

1 Tesalonika 2:8

Twalimutemenwe ukwinekantu ichakuti twalipekenye ukwabana namwebo, te Butumi Bwawama bwaku Lesa bwenka iyowo, kuntu nobumi bwesu.