2 Kolinto 7:2 - Chipangano Chabwangu

² Mutupelepo ichifulo mumitima yenu. Tatwabifishapo umuntu nangu umo, nangu ukonaula nangu ukuchenjeleka.

2 Kolinto 7:2 ပူးပေါင်းရင်းမြစ်များ

Mateyo 10:14

Nga takwakabepo umuntu nangu umo uwakumupokelela nangu ukumfwa amashiwi enu, mukakunte ulukungu kumakasa enu pakufuma munanda iyo nangu mumushi uyo.

Mateyo 10:40

“Onse uwapokelela mwebo, nine apokelela. Elo onse uwampokelela ekwebati apokelela na Bata abantumine.

Luka 10:8

Lonse ulo mwayinjila mumusumba nabantu bamupokelela, lyeni fyonse ifyo bamupela.

Imilimo ya batumwa 20:33

Tanshakumbwapo indalama nangu fyakufwala fyamuntu nangu umo iyowo.

Loma 16:18

Pakuti abo abachita mfi tabapyungilapo Bashikulu Klistu, kuntu bapyungila ifyo bafwaya ukuti bekute nafyo. Namashiwi ayaweme ayakonaula balabepayika abantu banaka muchichetekelo.

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

2 Kolinto 11:16

Nkofwaya ukubwekeshapo ukwebati umuntu umbi uuli onse enangulukilapo nga uupuneme. Nomba nga mwe mukonanguluka ukuba uupuneme, chiweme mpokeleleni nga uupuneme ukwebati njitutumwinepo.

2 Kolinto 11:9

Elo ulo nali kuli mwe, panshita ulo nshakwetepo akantu, nshachushishepo umuntu nangu umo. Pakuba bawesu bambi abafuma ku Masedoniya balimpele fyonse ifyo nshakwete. Pali fyonse nalisungile ukuti nimba kubati katundu uwakumulemena. Elo nakutwalililapo ukuchita mfi.

2 Kolinto 4:2

Twaposele inshila shonse ishamubumfisolo neshansha nsoni. Tatubomfyapo ubuchenjeshi nangula ukwalula amashiwi aku Lesa. Tufwaya ukuti abantu bonse batusuminishe nemitima yabo.

Filipi 2:29

Mupokeleleni muli Bashikulu nokusekelela ukukulu. Echo abantu abali mfi mulokubapela umuchinshi.

Kolose 4:10

Alisitakasi, umufungwa munanji, amuposha umutende, na Maliko, umufyala wakwa Banabasi, naye amuposha umutende (engulya uwo namukonkobeshe akale ukuti nga ayisa uko muli mukamupokelele).

1 Tesalonika 2:10

Mwebo muli bakamboni pamo na Lesa ukuti ubumi bwesu ulo twali namwe bwali ubwapwililika, ubwaololoka, elo ubutakwetepo akalema nakambi bwalikusekesha Lesa.

Filimoni 1:12

Nomba namubwesesha kuli webo. Nachine mukuchita mfi, chili kubati nakupela nomutima wanji onse.

Filimoni 1:17

Kati ukonangulukila ukuti ndimupyungi munobe, umupokelele nga mfilya ungampokelela nebo.

2 Yohane 1:10

Nga umuntu umbi ayisa kuli mwe nokumusambisha fimbi, mwimupokelelapo munanda yenu. Tekwesha nokusosapo ati, “Mutendepo bamfumu,” iyowo.