2 Kolinto 7:13 - Chipangano Chabwangu

¹³ Mfi fyatukoselesha ukwinekantu. Ukuchila mpa, ukusekelela kwakwa Taitasi kwatukoselesha ukuchilapo pakuti mwe bonse mwalikumusekesha.

2 Kolinto 7:13 ပူးပေါင်းရင်းမြစ်များ

Loma 12:15

Sekeleleni nabo abakosekelela, elo lileni nabo abakolila.

Loma 15:32

Panuma, nga kufwaya kwaku Lesa, nakwisa kuli mwe nokutemwa.

1 Kolinto 12:26

Nga ichilewa chimo chaumfwa ukufinya, fyonse pamo filomfwa ukufinya. Nga chapelwa umuchinshi, fyonse pamo filasekelela.

1 Kolinto 16:13

Mulokuba abayibukila, abakosa muchichetekelo. Koseni elo mube abafiso.

1 Kolinto 16:18

Balinsangulushako kubati nimfilya bamusangulushisheko namwe. Abantu abamfi mulingile ukubapela umuchinshi.

2 Kolinto 2:13

Nomba nali uwasakamana, pakuba nshamusangileko wesu Taitasi. Echo nalayile abantu bankulya, elo nayile ku Masedoniya.

2 Kolinto 2:3

Echo namulembele kalata njilya. Nshafwayile ukwisa kuli mwe ukutina ati mwebo mwe balingile ukunsangalasha mwinganyekeshapo umutima. Nalishiba ukuti nga ndisangalile, namwebo bonse mulasangalala.

2 Kolinto 7:14

Nalimwebele ati ndayitutumuna pali mwe pamulandu wakwa Taitasi, elo tamungumfwisheko insoni. Nomba kubati fyonse ifyo namwebele fyali ifyakwebesha, mumo mwine nokuyitutumuna kwanji kuli mwe pali ye kwali ukwakwebesha.

2 Kolinto 7:15

Ukuchilapo Taitasi akosekelela ukwinekantu ulo ebukisha ifyo mwaumfwile amashiwi anji, nefyo mwamupokelele mumwenso nokututuma.

2 Kolinto 7:6

Nomba Lesa uukoseleshako abanakile imitima, alitukoseleshe ulo Taitasi afikile.

Filipi 2:28

Echo nkofwayisha ukumutuma kuli mwe ukwebati nga mwamubona mukasekelele. Elo nande ukusakamana kwanji kwakuchepelelako.

2 Timoti 1:16

Bashikulu bakwatile inkumbu ulupwa lwa Onesifolasi, pakuti inshita ishinji alensansamusha. Tabelepo nanebo insoni nangu nali muchifungo.

Filimoni 1:20

Ina, we wesu nkofwaya ukuti ungafwilisheko muli Bashikulu. Nga wesu muli Bashikulu, unsekelesheko.

Filimoni 1:7

We wesu ukutemwa kobe kulansekesha nokunchinchisha ukwinekantu. Elo ulasekesha nemitima yabantu baku Lesa bonse.

1 Petulo 3:8

Pakulekelesha nkoti beni abamutima umo, abomfwilana ubulanda. Temwanenipo nabawenu. Mube abamutima wankumbu nabayichefya.