2 Kolinto 7:11 - Chipangano Chabwangu

¹¹ Boneni ifyo insoni shenu ishifuma kuli Lesa ifyo shamuchitila: Shamupela ukuchinchila, ukushininkisha ukwebati tamukwetepo umulandu, ukunyeka imitima nomwenso uukulu. Shamupela ukufunga ukumbona, ukufwayilisha ukungafwilisha, elo nokupela umulandu abachita ifibi. Pali fyonse mfi, pali ukushininkisha ukwebati tamwabifishepo iyowo.

2 Kolinto 7:11 ပူးပေါင်းရင်းမြစ်များ

Maliko 3:5

Epo atile ukubachenchenta nobukali, ichikonko chalimwikete pamulandu wakutomfwa kwabo, elo asosele kuli ngulya muntu ati, “Tambulula ukuboko kobe.” Naye alikutambulwile, elo kwalipolele.

Yohane 2:17

Abakusambila bakwe balibukishe ifyo Amalembo Apatulika asosa ati, “Ukuyipela kwanji kunanda yenu, mwe Lesa, kwaaka muli ne kubati mulilo.”

Imilimo ya batumwa 17:16

Ulo Paulo alikulinda Sailasi na Timoti mu Atene, alinyekele umutima pakubona ukuti umushi onse wayiwulamo tungosa wakubasa uto abantu balikulombako.

Loma 11:20

Ina, chakwebesha. Balikontweke pakuti tabachetekelepo. Nomba mwebo mulikele kuchiti pantu mukochetekela. Echo mwiyitutumuna, kuntu muchenjele.

Loma 14:18

Uyo uukopyungila Klistu muli nji nshila, asekesha Lesa. Elo nabantu balamusuminisha ukuba umupyungi waku Ye.

Loma 3:5

Findo ifyakuchitikapo kati ububi bwesu bulanga ukuti Lesa aba uwalungama? Napo twingasosa ati Lesa taba bwino ulo atupela umulandu? (Nkososa nchi mukabelo kabuntu.)

1 Kolinto 12:25

Achitile mfi pakwebati pebapo ukupatukana pafilewa mumubili, kuntu ukwebati fyonse filokusakamanana.

1 Kolinto 5:13

Lesa eupingula abakunse mbalya. Echo Amalembo asosa ati, “Mufumyenimo umuntu umubi uyo pakati kenu.”

1 Kolinto 5:2

Nga kuti mwayitutumuna shani? Mulingile ukumfwa insoni mwebene nokutamfya pakati kenu uukochita mfi.

2 Kolinto 13:7

Tukolomba Lesa ukuti mwichitapo ichibi nangu chimo. Tekwebati fwebo tuboneke nga abachimfya, kuntu ukuti mwebo muchite ifilingile, nangu fwebo nga abakangiwa.

2 Kolinto 2:6

Chiweme pakuti abenji mwamupela umulandu umuntu uuli mfi.

2 Kolinto 6:4

Nomba muli fyonse tulayilanga abapyungi baku Lesa pakushipikisha ukwinekantu mumachushi, mukufinya namumafya.

2 Kolinto 7:1

Nomba, mwe batemwekwa, pakuti tuli nobulayo mbu, katufumyepo ifintu fyonse ifikowesha imibili yesu nangu imitima yesu. Elo mukuchinshika Lesa, twikale ubumi ubwaololoka nakambi ubwabuta.

2 Kolinto 7:7

Tekufika kwakwe bwaka iyowo, kuntu namashiwi aasosa ifyo mwamukoseleshe. Alitwebele ati mukonkabila ukwinekantu, ukuchula kwanji kukomuchusha, elo nokuti muli abayipekanya ukungafwilishako. Epamulandu ngu nkosekelela ukwinekantu.

2 Kolinto 7:9

Nomba ndesekelela, tepakumunyekeshapo imitima, kuntu pakwaluka kwamitima yenu. Ukuchula kwenu kwaumfwikilwe kuli Lesa. Echo tatwamuposelepo akantu akaweme nangu kanini.

2 Kolinto 9:2

Ndishibile ukwebati mukofwayilisha ukwafwilisha. Echo ndayitutumuna kubena Masedoniya pamulandu wenu. Ndabeba ati, “Bawesu baku Akeya baliyipekenye kale umwaka washila ukuti bafwilishe.” Elo ukufwaya kwenu kwakoselesha abenji.

Efeso 4:26

Ulo mukalipa, mwibifyapo. Elo akasuba kewa muli abakalipile.

Efeso 5:11

Muyikatanapo nabantu abachita imilimo iyamumfinshi, kuntu mwebo mubatalike. (

Filipi 2:12

Nomba mwe batemwekwa banji, kubati nimfilya mwali abanakila ulo nali namwe, nomba beni abachumfwila ukuchilapo apo tanshili namwebo. Echo bombeni mukufikilisha chipulusho chenu mukutina namukututuma.

1 Tesalonika 4:6

Pali nchi umuntu uuli onse talingilepo kulufyanya nokubepa umunakwe. Kubati nimfilya twamukonkobeshe kale, Lesa akulandula bonse abakochita mfi.

1 Timoti 5:20

Mubakalipile palwalala bonse abakochita ifibi pakuti bambi bakwatilepo umwenso.

2 Timoti 2:15

Esha ukuba uwayipelesha kuli Lesa nga umupyungi uwambula akalema, uulondolola amashiwi anenene aku Lesa mukwebesha.

Taitasi 3:8

Amashiwi nga yachine. Nkofwaya ukuti ifintu mfi mushimpe mukufisambisha pakuti bo abachetekela Lesa bayipeleshe ukuchita imilimo iiweme. Fintu mfi fisuma nakambi filafwilisha abantu.

Hebele 4:1

Ubulayo bwaku Lesa ubwakuti tukaya mukutusha uko atupekanishisha, epo kwaba. Nomba tuchenjele ukuti kwibapo umbi muli mwebo uukafilwa ukwinjilamo.

Yemusi 3:17

Nomba umulangwe uufuma kumulu waba uwalungama ukufikapo, elo wamutende, uwafuuka, tautalikishanya, uwayiwula nenkumbu, elo nemilimo iiweme. Taukwetepo akapatulula nangu ukutumpayika.

1 Petulo 1:17

Lesa takwatapo akapatulula. Alapingula chila muntu ukulingana nefyo achitile. Kati mukomwita ati Bata, mupeleni umuchinshi inshita shonse muli abeni panonshi.

1 Petulo 2:2

Kubati tucheche utukofunga ibele, namwebo mufunge ibele ilinenene ukwebati umukushe nokumufikisha kuchipulusho.

Yuda 1:23

Bambi mulokubapulushako pakubasompola mumulilo. Bambi nabo mulokubakwatila ichisa elo nomwensopo. Mulokutalamukako nakufyakufwala fyabo ifyakatayikwako ifibi ifyalunkumbwa lwabo.

Ukufisulula 3:19

Bonse natemwa ndabakalipila nokubachusha. Nomba uchinchile nokulapila.