2 Kolinto 6:8 - Chipangano Chabwangu

⁸ Abantu balatuchinshika nokutusuula penka. Balasosa ifibipile pali fwebo nefiweme kumo. Balatulangulukila ukuba ababufi, nangu tuli abakwebesha.

2 Kolinto 6:8 ပူးပေါင်းရင်းမြစ်များ

Mateyo 10:25

Chiweme ukwebati uwakusambila alingane nomusambishi wakwe, elo umusha naye alingane nabashikulu bakwe. Kati umukulu wananda bamwita ati ni Belesebule, palibufi abamunanda yakwe?

Mateyo 22:16

Bamutumine abakusambila babo, elo nebumba lyakwa Helodi ukuya kumufumba ati, “We musambishi, twalishiba ukuti uli wachine nakambi usambisha ifyachine. Elo tautinapo muntu nangu umo, pakuba tawakwatapo akapatulula kubantu.

Mateyo 27:63

nokumweba ati, “We mfumu, twayibukisha ifyo ngulya uwabufi alikusosa ulo ali nobumi ati, ‘Nga shakumana inshiku shitatu nakubuka kubafwa nakambi.’

Maliko 12:14

Ulo bafikile kuli Yesu, balikumusosha bati, “We musambishi, twalishiba ukuti uli wachine. Elo tautinapo umuntu nangu umo, pakuba tawakwatapo akapatulula kubantu. Nakambi ulasambisha fyachine ifyo Lesa afwaya. Nomba twebeko, napo fwebo tulingile ukusonka umusonko kuli Kayisale nangula iyowo? Napo tulokusonka nangula iyowo?”

Yohane 7:12

Mwali ukutepelekeshanya ukukulu mukati kebumba lyabantu. Bambi balikusosa ati, “Ngu muntu muweme.” Nomba bambi basosele ati, “Iyowo, akopumfyanya abantu.”

Imilimo ya batumwa 10:22

Nabo bayasukile bati, “Umukulu wabashilikali uwitwa Koneliyasi, eututumine. Muntu uuweme nakambi uulomba kuli Lesa, na Bayuda bonse balimuchinshika ukwinekantu. Mungelo waku Lesa wamwebele ukukwita kunanda yakwe, pakuti akomfwe amashiwi kuli webo.”

Imilimo ya batumwa 16:39

Echo balishile mukubapapata, nokubafumyamo muchifungo. Panuma balibapapata ukuti bafumemo mumushi wabo.

Imilimo ya batumwa 22:12

“Mwalipo umwalalume uwitwa Ananiyasi. Ali muntu uwapetamina nokulama Amafunde aku Lesa. Abayuda bonse mu Damasikasi balikumuchinshika ukwinekantu.

Imilimo ya batumwa 24:5

Tusangile ukuti ngu muntu chipondo ichabipisha. Akotatika ichimfulunganya ku Bayuda muchalo chonse nakambi emutanjishi webumba lya Banasalete.

Imilimo ya batumwa 28:22

Elo tukofwaya ukuyumfwila kufyo ukolanguluka. Pakuba fwebo tulishibile ukuti konse-konse bwaka abantu basosa ifyabipa pebumba ndi webo wabamo.”

Imilimo ya batumwa 4:21

Nomba abachilye balibweleshepo ukubatinya ukuti belokuchitapo mfi. Penkapo balibalekele, pakuba tabasangilepo umulandu uwakubapela pantu abantu bonse balikutondayisha Lesa pachakushimbwisha icho bachitile.

Imilimo ya batumwa 5:13

Nomba takwalipo umuntu nangu umo uutachetekela uwayilundileko kubatumwa, nangu abantu balikubatondayisha.

Imilimo ya batumwa 6:3

Echo bawesu, musale abalalume basano na babili abayishibikwa ukuti bayiwula Umupashi Wabuta nomulangwe, ukuti bapyunge ngu mulimo.

Loma 3:8

Napo kuti twachita ifibi ukuti ifisuma fiboneke? Nachine eko bali abantu bambi abatubepesha ukuti fwebo tusosa mfi. Mba bakupingulwa ukwinekantu.

2 Kolinto 1:18

Napali Lesa wachine nkolapa ukuti amashiwi nga tukomweba taalipo “Ina” nangu “Iyowo.”

2 Kolinto 11:21

Ndinensoni pakusumina ati twali abanakile pakuchita mfilya! Nomba nkososa kubati uupuneme, ifili fyonse bambi bangayitutumwinapo, nandibo nakuyitutumwinapo.

2 Kolinto 12:16

Nalimo namwe kuti mwasumina ukuti nshalipo kubati katundu wakumulemena. Umbi kuti asosa ati nine wachenjela, nalimo nalimuchenjelekapo.

2 Kolinto 4:2

Twaposele inshila shonse ishamubumfisolo neshansha nsoni. Tatubomfyapo ubuchenjeshi nangula ukwalula amashiwi aku Lesa. Tufwaya ukuti abantu bonse batusuminishe nemitima yabo.

1 Tesalonika 2:3

Pakuba ifyo tukomusambisha tafipo mukufwaya ukumubepa nangula ukumulangulukila ifibi nangula ukutachenjeleka umuntu.

1 Timoti 3:7

Alingile ukuba nolulumbi uluweme kubatali bamuchilonganino ukuti eyisebanyapo nokuwila mumatunko ayakwa Kachenjeleka.

1 Timoti 4:10

Emulandu tupyungila nefiso nokulwisha, pakuti ichichetekelo chesu chaba muli Lesa uwabumi uyo uuli Mupulushi wabantu bonse, nokuchilapo abo abachetekela.

Hebele 13:13

Katiyeni nomba kuli kunse yamushi nokuchulila nakwe pamo.

1 Petulo 4:14

Abantu kati bakomuchusha pamulandu weshina lyaku Klistu, ekwebati mwalishuka, pantu Umupashi wamuchinshi, Mupashi waku Lesa, walikala pali mwe.

3 Yohane 1:12

Lelo abantu bonse bachitila Demetuliyasi bukamboni ubuweme, pamo nechine. Nafwebo tuli bakamboni. Elo mwalishiba ukuti bukamboni bwesu bwachine.

Ukufisulula 3:9

Boneni! Ekobali abantu bakwa Satana, bo abakososa ukuti Bayuda, kuntu iyowo. Nakubalenga ukuti bakese kufukama kumolu obe mukuyichefya. Elo bakwishiba ukuti nalikutemwa.