5 Mukupumwa, mukuposwa muchifungo namufimfulunganya. Mukubombesha, mukutona utulo namunsala.
Elo atumine muchifungo uwakuya kuputula umutwi wakwa Yohane.
Pakuti Helodi ayikete Yohane nokumukaka, amubika namuchifungo pamulandu wakwa Helidiyasi muka Filipo, wabo wakwa Helodi.
Yesu abasukile ati, “Napo abayitwa kubwinga kuti bakolila ulo bali nanshibwinga? Nangu panini. Nomba akasuba kakwisa ulo nshibwinga akupintwa pali bo, elo bakuyikanya ukulya.”
Ulo bapwile ukuyikanya ukulya nokulomba kuli Lesa, elo bababikilepo amaboko, nokubatuma.
Elo Abayuda bambi bafumine ku Antiyoki waku Pisidiya naku Ikoniyamu. Basembelekele abantu abenji ukuti baye kulubali lwabo. Batobawile Paulo amabwe nokumukulila kunse yamushi bakolanguluka ukuti alifwile.
Basalile abalalume ukuti balokutungulula umo-umo mufilonganino. Ulo balombele nokuyikanya ukulya, babapele kuli Bashikulu Yesu abo bonse abachetekele.
Kanshi abakulu Babayuda bayiketwe nobufuba. Echo babungenye ibumba lyamalofwa, bachintomfwa, abo basangile mumisebo. Panuma baletele ichimfulunganya mumushi onse. Bwangu-bwangu babutukile kunanda yakwa Yasoni mukufwaya Paulo na Sailasi ukuti babalete kubantu.
Echo mube abayibukila nokwishiba ukuti pamyaka itatu nalikusambisha umo-umo akasuba nobushiku neminsoshi iyinji.
Ukutalikana kwalikulile. Echalengele ukuti umukulu wabashilikali atine ukuti nalimo abantu kuti balepaula Paulo. Elo aebele abashilikali bakwe ukuti bafumye Paulo mukati kebumba lyabantu nokumutwala kuchifungo chabo.
amwebele ati, “Abo waba nabo umulandu ulo bakwisa, elo nakwisa kumfwa umulandu wenu bwino.” Nomba asosele ukuti basunge Paulo bwino munanda mwa Helodi.
Ulo imyaka ibili yapitile, Posiyasi Fesitasi ayishileba kateka wachalo muchifulo chakwa Felekisi. Pantu Felekisi alikufwaya ukuti Abayuda bamutotele, ashile Paulo muchifungo.
Echo nalikuchita mu Yelusalemu. Nalipelwa ifiso kuntungulushi shabachipupila. Echo abantu baku Lesa abenji nababikile muchifungo, nakambi ulo balikubapingwila ukufwa, nandibo nalikusuminisha.
Elo Paulo amwasukile ati, “Nangu ibe inshita iinini nangu iitali, ukulomba kwanji kwakuli Lesa ukuti mwebo, pamo nabonse abakonkutika pakasuba kalelo, babe kubati nimfino ndi ukufumyako bwaka ukukakwa iminyololo nji isho ndi nasho!”
Paulo ayikelemo imyaka ibili mu Loma, munanda alikuyisonkelela umwine. Nakambi alikupokelela bwino bonse abalikwisa mukumupempula.
Balikete abatumwa nokubaposa muchifungo chabantu bonse.
Nomba pakuti Lesa alinkwatile ubwanshi, ndi kubati ifyo ndi. Elo ubwanshi bwakwe bwapangilepo akantu muli ne pakuti nalibombele imilimo ukuchila pabatumwa bonse. Nomba tenepo uwabombele, kuntu ubwanshi bwaku Lesa ubukobombela muli ne.
Ukufika nanduno tulachula kunsala nakuchilaka. Elo twalisapula nokupumwa tulapumwa. Nokuchilapo tuseuluka bwaka.
Mwilokutananapo, sembi ulo mwaumfwana panshita inini ukuti muyipele mukulomba. Elo panuma twalilileni ukwikala pamo nga baupana ukuti Satana emwesha pamulandu wakukangilwa ukushipikisha.
Nalibombele umulimo uunasha. Elo ilinji nshabwenepo utulo. Nalyumfwile insala nachilaka. Ilinji nshakwetepo ifyakulya, nalikumfwa impepo elo nokutakwatapo ifyakufwala.
Nipamulandu ngu nebo ne Paulo umufungwa pamulandu waku Klistu Yesu nati mupyungile mwe benafyalo.
Echo abashilikali bonse abalonda inanda yamfumu, nabambi bonse abali nkuno, balishibile ati ndimuchifungo pamulandu waku Klistu.
Nachine mukoyibukisha ifyo twalikubombesha ulo twali namwe. Twalikubomba akasuba nobushiku ukuti takupo bwafya kuli mwebo ulo twalikubilisha Ubutumi Bwawama ubufuma kuli Lesa.
Emulandu tupyungila nefiso nokulwisha, pakuti ichichetekelo chesu chaba muli Lesa uwabumi uyo uuli Mupulushi wabantu bonse, nokuchilapo abo abachetekela.
Wibapo nensoni ukubela bukamboni Bashikulu wesu. Nakambi wibapo nensoni pamulandu waku nebo ne uuli muchifungo pamulandu wakwe. Nomba uyipekanye ukuchula pamulandu Wabutumi Bwawama ukulingana nefiso ifikupela Lesa.
Pamulandu Wabutumi mbu ndachushiwa nokukakwa iminyololo kubati ningulya bapela umulandu. Nomba amashiwi aku Lesa tekutipo akakwepo iyowo.
Nomba webo uyilame inshita shonse. Shipikisha mukuchula. Ulokushimika Ubutumi Bwawama nokupyunga bwino imilimo yobe yonse.
Bambi baliwelelwe nokupamwa. Bambi nabo balikukakwa neminyololo nokuposwa muchifungo.
Mulokumfwila intungulushi shenu nokushikonka. Pakuti ebaletangata ubumi bwenu ukwambula ukutusha, elo bakolindila ukufisulula ifyamilimo yabo pamenso yaku Lesa. Nga mwabomfwila, bakulapyunga imilimo yabo nokusekelela. Nga tamuchitilepo mfi, bakupyunga nensoni. Elo nchi tachakamwafwepo.
Nkofwaya ukuti mwishibe ati wesu Timoti alifumamo muchifungo. Nga ayisa bwangu, nakwisa nakwe kuli mwe.
Wilatinapo ubuchushi ubwakwisa kukuponena. Boneni! Satana akuposa bambi pali mwebo muchifungo ukumwesha. Echo panshiku ikumi mwakuba mumachushi aakulu. Ube uwachetekela ukufika nakumfwa, elo nakukupela ingala yabumi.