2 Kolinto 6:16 - Chipangano Chabwangu

¹⁶ Mba inanda yaku Lesa ingalingana shani natungosa wakubasa? Fwebo tuli nanda yaku Lesa uwabumi kubati nimfilya umwine asosele ati, “Nakuba pakati kabantu banji, elo nakwikala nabo. Nakuba Lesa wabo, elo nabo bakuba abantu banji.”

2 Kolinto 6:16 ပူးပေါင်းရင်းမြစ်များ

Mateyo 16:16

Simoni Petulo alyasukile ati, “Niwe Uwasubwa waku Lesa ngulya uwalayilwe, Mwana Lesa wabumi.”

Mateyo 6:24

“Takupo umuntu uupyungila imfumu shibili, pakuba angapatapo imo nokutemwapo imbi, elo angalokumfwilapo imo nokusula iinakwe. Echo tekuti mupyungilepo Lesa nobuboni.

Luka 5:36

Nakambi Yesu abebele nchi chelusho ati, “Takupo umuntu uulepula ichikamba kwilaya lyabwangu nokukambika pelaya lyakale. Nga achita mfi, ekwebati aonaula ndilya ilyabwangu, nechikamba chansalu yabwangu tachalinganepo nelyakale.

Yohane 14:23

Yesu alimwasukile ati, “Muntu onse uwakuntemwa nebo ewakulama ukusambisha kwanji. Epo Bata bakwisa kumutemwa. Elo nebo na Bata twakwisa kwikalilila pamo muli ye.

Yohane 6:56

Muntu onse uwakulya umubili wanji nokunwa umulopa wanji ewikala muli nebo nandibo muli ye.

Loma 8:11

Kati Umupashi waku Lesa, uyo uwabushishe Yesu ukufuma kubafwa aba muli mwebo, ekwebati Lesa uwabushishe Klistu Yesu ukufuma kubafwa akwisa kubusha imibili yesu iifwa ukupitila Mumupashi wakwe uwaba muli mwe.

Loma 8:9

Nomba mwebo tamwikalapo kubati bantunse pakuti mulatungululwa no Mupashi waku Lesa, kati Umupashi ngu uli muli mwebo ichine-chine. Elo umuntu onse uutakwatapo Umupashi waku Klistu talipo mwina Klistu.

Loma 9:26

Elo mufifulo umo baebelwe ati, ‘Tamuli abantu banji,’ emo bakwitwa ‘Abantu baku Lesa uwabumi.’”

1 Kolinto 10:21

Te kuti munwenepo kulukombo lwaku Bashikulu elo nolwamipashi iibi. Te kuti mulilepo petebulo lyaku Bashikulu elo nelyamipashi iibi.

1 Kolinto 6:19

Napo tamwishibilepo ukuti umubili wenu ninanda ya Mupashi Wabuta? Lesa amupela Umupashi ngu ukwebati wikale muli mwe. Echo ubumi mukwete tebwenupo.

Efeso 2:20

Mwalimakwa pamufula uwapangilwe kubatumwa nabasoseshi. Elo Klistu Yesu umwine ebwe lyapachimfuntu.

Efeso 2:22

Muli Ye namwebo mukoyimakwa pamo nabambi bonse ukuti mube inanda yakwikalamo Lesa mu Mupashi Wabuta.

Efeso 3:17

Nkolomba ukuti mukuchetekela kwenu Klistu akwinjila mumitima yenu ukuti mushike imishu yenu nokwimakwa mukutemwa.

1 Timoti 3:15

Nomba nga nachelwa ukwisa, ifyo nalemba muli kalata nji fyakukutangilila ifyo abantu balingile ukwikala munanda yaku Lesa umumi. Chilonganino eling’umba nomufula uwafyachine ifyaku Lesa.

2 Timoti 1:14

Ulame bwino ifiweme ifyapelwe kuli webo ukufuma ku Mupashi Wabuta uwaba muli webo.

Hebele 3:6

Nomba Klistu, pakuti Mwana waku Lesa, wachishinka pakutungulula abamunanda yaku Lesa bonse. Elo fwebo tuli abamunanda yakwe nga chakuti tatulekelepo ukuba abashipa nokuyitutumuna kufyo tulolela.

Hebele 8:10

Nomba ichipangano nakupanga nomutundu waba Isilaeli ninchi, efyo asosa Shikulu Lesa, Nakubika amafunde anji mumitima yabo, nakuyalemba mumitima yabo. Nakuba Lesa wabo, nabo bakuba bantu banji.

Yemusi 4:5

Napo mukolanguluka ukwebati Amalembo asosa ifyabwaka ulo ati, “Lesa afwayisha nobufuba umupashi uwo abikile ukuti wikale muli fwebo?”

1 Petulo 2:5

Namwebo mwikale kubati mabwe awo Lesa akwimakilako inanda yakwe. Elo mubombe kubati bachipupila babuta ulo mupupila ifyabupe nomutima onse, ifyo Lesa atemwa ukupitila muli Yesu Klistu.

1 Yohane 4:12

Tapapo uwabona Lesa iyowo, kuntu nga twatemwana ekuti Lesa aba muli fwebo, nokutemwa kwakwe kwaba ukwafikapo muli fwe.

1 Yohane 4:15

Umuntu onse uusumina ukuti Yesu Mwana waku Lesa, ekuti aba muli Lesa, elo na Lesa aba muli ye.

Ukufisulula 2:1

“Uutangilila ichilonganino chakubena Efeso umulembele: “Nga mashiwi afuma kuli uyo uwakwata intandala shisano na shibili mukuboko kwakwe ukwamulyo nokwenda pakati kafyakutekapo inyali ishagolide shisano na shibili.

Ukufisulula 21:3

Nalyumfwile amashiwi ayakulu ayalikufuma kumupando wabufumu ayalikusosa ati, “Nomba ichifulo chikalamo Lesa chili pakati kabantu. Lesa akwikala nabo, elo nabo bakuba abantu bakwe. Lesa umwine akwikala pamo nabo, nakambi akuba Lesa wabo.

Ukufisulula 21:7

Umuntu wakuchimfya akupokelela ifintu mfi. Nakuba Lesa wakwe, naye akuba umwana wanji.