2 Kolinto 6:1 - Chipangano Chabwangu

¹ Pakuti nomba tubombela pamo na Lesa, mwialula ukushuka uko Lesa amupele ukuba ukwabwaka.

2 Kolinto 6:1 ပူးပေါင်းရင်းမြစ်များ

Mateyo 23:37

“Yelusalemu, Yelusalemu! We wipaya abasoseshi nokulasa amabwe abatumwa baku Lesa! Ilinji line nafwayile ukulonganya abana bobe nga mfilya nyina-nkoko afukatila utwana mumapindo akwe, kuntu webo walikene.

Imilimo ya batumwa 11:23

Ulo afikile nokubona ifyo Lesa ashukishe abantu mba, iyowo mwandi alisansamwike nokubakoselesha ukuti bekatishe nokwikalilila muli Bashikulu nemitima yabo yonse.

Imilimo ya batumwa 14:3

Paulo na Banabasi bayikeleko inshita iikulu, balikushimikila pamulandu waku Bashikulu. Elo Bashikulu babweneshe ukuti amashiwi aasosa pabwanshi bwabo achine ukupitila mukubapela ifiso ifyakuchita ifyafiso ifikulu nefyakushimbwisha.

Loma 12:1

Nomba, mwe bawesu, pakuti Lesa atukwatila ichisa ichikulu mfi, nkomupapata ukuti mupele imibili yenu nga ichipupilo ichabumi, ichabuta nakambi ichisekesha Lesa. Nji enshila inenene yakulombelamo Lesa.

1 Kolinto 3:9

Pakuba fwebo tuli abapyungi baku Lesa, mwebo muli ibala lyakwe Elo muli nanda yaku Lesa.

2 Kolinto 10:1

Nebo ne Paulo, uwo baeba ati alifuuka ulo ali nafwebo, nomba alishika ulo ali ukutali, nkomupapata mwishina lyaku Klistu uwafuuka nakambi uwabwanshi,

Galatiya 2:21

Nakana ukusula ubwanshi bwaku Lesa. Nomba nga umuntu apokelelwa uwalungama kuli Lesa mukulama Amafunde, ekwebati Klistu afwile apabwaka.

Galatiya 3:4

Napo ishuko lyaku Lesa mwapokelele lyabwaka? Tefyopo iyowo.

1 Tesalonika 3:5

Echo natumine Timoti kuli mwebo. Ulo nafililwe ukushipikisha, nalangulukile ukumutuma uko muli ukuti eshibe ifyo chaba ichichetekelo chenu. Natinine ukuti nangula Satana, kabepa, amubepele ukuti imilimo yesu yonse yakuba yabwaka.

Taitasi 2:11

Elo Lesa alanga ubwanshi bwakwe pakufwaya ukupulusha abantu bonse.

Hebele 12:15

Chenjeleni ukuti kwibapo nangu umo uwakubwelela inuma nokulufya ubwanshi bwaku Lesa. Chenjeleni ukuti kwibapo nangu umo uwakubati mushu uwalula, uyo uukula nokubifya bambi.

Hebele 12:25

Echo chenjeleni ukuti mwilokukanapo ukumfwila uyo usosa kuli mwebo. Abena Isilaeli tabapulukilepo mpalya bakene ukumfwila Lesa ulo abachenjeshe panonshi. Nomba fwebo kuti twapuluka shani nga twafutatila uyo ukososa ukufuma kumulu?

Hebele 4:1

Ubulayo bwaku Lesa ubwakuti tukaya mukutusha uko atupekanishisha, epo kwaba. Nomba tuchenjele ukuti kwibapo umbi muli mwebo uukafilwa ukwinjilamo.

1 Petulo 4:10

Chila muntu abomfye ubupe apokelele kuli Lesa mukwafwilisha banakwe. Mube kubati bakasunga ababomfya bwino ubupe bupusene-pusene ubufuma kuli Lesa.