2 Kolinto 5:9 - Chipangano Chabwangu

⁹ Echo nangu tuli muno nangu muli Bashikulu, tufwaya ukubasekesha.

2 Kolinto 5:9 ပူးပေါင်းရင်းမြစ်များ

Yohane 6:27

Mulokubombelapo ifilyo ifyonayika, kuntu bombeleni ifyakubelelela mubumi butashilapo. Mfi efilyo Umwana wa Muntu akwisa kumupela, pantu ewo Lesa Bata basuminisha.”

Imilimo ya batumwa 10:35

Alapokelela umuntu uli onse uumulomba nokuchita ifyalungama ukwambula ukulolesha pamutundu wakwe.

Loma 14:18

Uyo uukopyungila Klistu muli nji nshila, asekesha Lesa. Elo nabantu balamusuminisha ukuba umupyungi waku Ye.

Loma 14:8

Ulo tuli nobumi, tuli muli Bashikulu, nelyo tufwa, tufwila muli Bashikulu. Echo nangu tuli nobumi, nangu ulo twafwa, tuli baku Bashikulu.

Loma 15:20

Inshita shonse nkofwaya ukushimika Ubutumi Bwawama kuli bo abataumfwilepo ifyaku Klistu ukuti niimaka pamufula wamuntu umbi.

1 Kolinto 15:58

Nomba mwe bawesu abatemweka, koseni ndi. Mwilekapo chimo chimuteshe. Mube abachinchila inshita yonse mumulimo waku Bashikulu. Pakuba mwalishiba ukuti mukupyungila Bashikulu tamulipo mwabwaka.

2 Kolinto 5:6

Echo fwe bonse tulashipikisha. Elo twalishiba ukuti inshita yonse twikala mumubili kubati kwesu, ekwebati tuli ukutali na Bashikulu.

2 Kolinto 5:8

Ina, tukoshipikisha, nomba icho tufwayisha chakuti tufume mumubili nguno nokuba nowaku Bashikulu.

Efeso 1:6

Afwayile ukwebati tumutondayishe pabwanshi bwakwe ubukulu pakutupela bwaka umwana wakwe uwo atemwesha.

Kolose 1:10

Penkapo mwakwikala ukubati niumo Lesa afwayila. Elo lonse mulokuchita ifisekesha Bashikulu. Lonse mulokuchita imilimo iiweme nobumi bwenu bulokulanga ifitwalo ifiweme. Elo mwakwisa kwishiba Lesa.

Kolose 1:29

Pakuchita nchi ndachula nokupitintika ukubomfya ifiso Klistu ampela ifibomba muli nebo.

1 Tesalonika 4:1

Pakulekelesha, mwe bawesu, tukomupapata pali nchi mwasambilile kuli fwebo ifyo muli nokwikala mukusekesha Lesa. Nachine efyo mukochita. Nomba tukomupapata nefiso fyonse muli Bashikulu Yesu Klistu ukuti mulundepo ukuchita mfi.

1 Tesalonika 4:11

Esheni ukwikala mumutende. Uuli onse eshibe ifyakwe. Mubombeshe namaboko enu. Muchite mfi ukubati nimulya twamusambishe.

1 Timoti 4:10

Emulandu tupyungila nefiso nokulwisha, pakuti ichichetekelo chesu chaba muli Lesa uwabumi uyo uuli Mupulushi wabantu bonse, nokuchilapo abo abachetekela.

Hebele 12:28

Pakuti twapokelela ubufumu ubutasunkanapo, tulokutotela Lesa. Tumulombe mukutemwa, mumuchinshi nokutina.

Hebele 4:11

Tweshe nomba ukupokelela ukutusha nku, ukutina ukuti nalimo umo kuti afilwa ukwinjila mukutusha nku pamulandu wakutachetekela.

2 Petulo 3:14

Echo mwe batemwekwa, pakuti mukolindilila mfi fintu, mulokuchinchila ukwebati Bashikulu bakamusange abatakwetepo ifisemba, umulandu, elo abali mumutende na Bashikulu.