2 Kolinto 5:7 - Chipangano Chabwangu

⁷ Pakuba ichikulu kuchetekela tepafyakubona namenso.

2 Kolinto 5:7 ပူးပေါင်းရင်းမြစ်များ

1 Kolinto 13:12

Nomba nkobona ifintu kubati chinshingwa muchilola. Elo pali njilya nshita twakubonana amenso namenso. Nduno ndishibile panini, kuntu pali njilya nshita nakwishiba ukufikapo, kubati nimfilya banjishiba ukufikapo.

2 Kolinto 1:24

Tekwebati tukofwaya ukumupatikisha ifyo mulingile ukuchetekela. Ukusosa pachichetekelo chenu, muli abakosa ndi. Ulo tufwaya ukwafwilishanya namwe kwebati mube abasekelela.

2 Kolinto 4:18

Imitima yesu tayilipo pafintu ifiboneka, sembi pafitaboneka. Pakuba ifiboneka tafikalililapo, nomba ifitaboneka efyamuyayaya.

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

Hebele 10:38

Umuntu uyo Lesa alungamika, akuba nobumi pakuchetekela. Nga abwelelela panuma, nebo nshakamusekelelepo iyowo.”

1 Petulo 1:8

Ngulya tamwamubwenepo, kuntu mukomutemwa. Nangu tamukomubonapo nduno, mukomuchetekela, elo mulasekelela ukwinekantu uko amashiwi tangasosapo.

1 Petulo 5:9

Mulwishanye nakwe nokwimakana ndi muchichetekelo, pakuba mwibukishe ukuti abena Klistu banenu panonshi bakoumfwa ukufinya kwenka nku.