2 Kolinto 5:21 - Chipangano Chabwangu

²¹ Klistu takwetepo ububi. Nomba Lesa apinte ifibi fyesu ukwebati atulungamike muli Ye.

2 Kolinto 5:21 ပူးပေါင်းရင်းမြစ်များ

Luka 1:35

Umungelo amwasukile ati, “Umupashi Wabuta wakwisa pali webo, nefiso fyaku Lesa uwapulamo fyakwisa pali we. Efyo umwana uwakufyalwa akoyisa kwitwa, Umwana waku Lesa.

Imilimo ya batumwa 3:14

Yesu ali uwabuta nakambi uwalungama, kuntu mwebo mwalimukene. Mwalombele Pilato ukuti amukakwile ichipondo.

Loma 1:17

Pakuti Ubutumi mbu ebufisulula emo Lesa alungamikila abantu bonse. Inshila achitilamo mfi, ukutatika pakwamba ukufika nakumpelo, yachichetekelo. Kubati nimfilya Amalembo asosa ati, “Umuntu alungamikwa pamulandu wakuchetekela, elo alaba nobumi.”

Loma 4:25

Yesu ngu bamwipeye pamulandu wafibi fyesu. Elo bamubushishe kubafwa ukuti Lesa atubone nga abalungami.

Loma 5:19

Elo kubati nimfilya umuntu umo taumfwile nokuleta ububi pabantu bonse, emo nokufwa kwamuntu umo kwalenga ukuti abantu bonse bapokelelwe nga abalungama.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

2 Kolinto 5:17

Nga umuntu ali muli Klistu, alengwa wabwangu. Ifyakale fyapita, ifyabwangu nomba efishile.

Galatiya 3:13

Klistu alitupulusha ukuti twitipwapo na Mafunde ulo ayishile kutipwa muchifulo chesu. Chaba kubati nimfilya Amalembo asosa ati, “Alilapishiwa onse uusamikwa pachiti.”

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

Filipi 3:9

nokusangwa muli Ye. Nshikoyilangulukapo ukuti ndimulungami pakulama Amafunde iyowo, kuntu ukulungamikwa kwanji kufuma mukuchetekela Klistu, nku kufuma kuli Lesa ukwayimakana pachichetekelo.

Hebele 4:15

Twalikwatapo Chipupila Mukulu uyo uutumfwilako inkumbu mukunaka kwesu. Chipupila wesu ngu alyeshekelwe munshila shonse kubati nimfilya nafwe twayeshekelwe, kuntu Ye tabifishepo.

Hebele 7:26

Chiweme ukuti tube nakwe Chipupila Mukulu uwalungama, uutakwetepo akalema nangula ububi ubuli bonse, uwapusana nembifi nakambi uwasumbulwa ukuchila fyonse ifyakumulu.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

1 Yohane 3:5

Mulishibile icho Klistu abonekele nimukuti atuwamye kumabifyo esu. Echo muli Ye tamupo ububi.