2 Kolinto 5:18 - Chipangano Chabwangu

¹⁸ Uwachitile fyonse mfi ni Lesa uwo, ukupitila muli Klistu, alituwikishanya na Ye. Elo alitupela umulimo uwakulenga bambi ukuba abanakwe nabo.

2 Kolinto 5:18 ပူးပေါင်းရင်းမြစ်များ

Luka 10:5

Elo munanda yonse iyo mwayinjilamo musose ati, ‘Umutende ube muli njino nanda.’

Luka 24:47

Elo mwishina lyakwe ubutumi bubilishiwe kubantu bamitundu yonse ukutatika mu Yelusalemu ukuti balapile ukwebati Lesa abanakilile.

Yohane 3:16

Pakuti Lesa atemenwe abantu bonse muchalo. Echo apele Umwana wakwe uwafyalwa enka, ukuti onse uwamuchetekela efwa iyowo, kuntu abe nobumi butapwa.

Yohane 3:27

Yohane alyasukile ati, “Takupo umuntu uwingakwatapo akantu, sembi Lesa amupela.

Imilimo ya batumwa 10:36

Mwebo mwalishiba amashiwi awo Lesa atumine kubena Isilaeli, ayakushimika Ubutumi Bwawama ubuleta umutende muli Yesu Klistu Shikulu wabantu bonse.

Loma 11:36

Pakuti ifintu fyonse ni Lesa uwafilengele nakambi eufisunga fyonse. Echo fyonse epofili pamulandu wakwe. Tutondayishe Lesa inshiku shonse. Ameni!

Loma 5:1

Nomba pakuti Lesa atulungamika ukupitila muchichetekelo, tuli nomutende na Lesa muli Bashikulu Yesu Klistu.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

1 Kolinto 11:12

Ina, umwanakashi afumine kumwalalume, efyo nomwalalume naye afyalilwe kumwanakashi. Nomba ifintu fyonse fifuma kuli Lesa.

1 Kolinto 12:6

Pali ifiso ifyapusana-pusana, nomba Lesa umo enka uubomfya ifiso mfi mubantu bonse.

1 Kolinto 3:5

Mba Apolosi ninani? Mba Paulo naye ninani? Bapyungi bwaka abaku Lesa abaletele Ubutumi Bwawama kuli mwebo ubo mwachetekele. Umo-umo muli fwebo apyungile bwaka umulimo uyo Bashikulu bamupela.

1 Kolinto 8:6

Nomba fwebo tulikwete Lesa umo epela. Shifwe uwapangile ifintu fyonse. Muli Ye emo tukwatilemo ubumi. Tuli na Bashikulu bamo benka, Yesu Klistu. Lesa alengele fyonse ukupitila muli Ye. Elo nafwe tuli obomi pamulandu wakwe.

Kolose 1:22

Nomba Lesa alimuwikishanya ukupitila mumfwa ya Mwana wakwe uwali nomubili kubati yesu. Achitile mfi ukwebati pamenso yakwe mube ababuta, abatakwetepo akalema nakambi abapwililika.

Hebele 2:17

Nchi chikoyalula ukuti ayalukile kubati bawakwe pali fyonse, ukuti abe Chipupila Mukulu wankumbu nechichetekelo pakupyungila Lesa nokufuta amabifyo ayabantu.

Yemusi 1:17

Ichabupe chonse ichiweme nechakufikapo chifuma kumulu kuli Lesa, katala wamfilya ifisanika kumulu. Ye taalukapo, elo ukusanika kwakwe takwaalukapo kubati chimfule.

1 Yohane 2:2

Ngu ebupe ubunakilila amabifyo esu, tebubi bwesupo bwenka iyowo, kuntu nobwabantu bonse.

1 Yohane 4:10

Nku ekutemwa kwachine. Tekwebapo ati Lesa twalimutemenwe iyowo, kuntu ewatutemenwe nokutuma Umwana wakwe ukwebati afute amabifyo esu.