2 Kolinto 5:17 - Chipangano Chabwangu

¹⁷ Nga umuntu ali muli Klistu, alengwa wabwangu. Ifyakale fyapita, ifyabwangu nomba efishile.

2 Kolinto 5:17 ပူးပေါင်းရင်းမြစ်များ

Mateyo 12:33

“Mwalishiba ukuti ichiti ichiweme chitwala ifitwalo ifiweme, nechiti ichibipile chitwala ifitwalo ifibipile pakuti ichiti chonse chishibikilwa kufitwalo fyachiko.

Mateyo 24:35

Umulu nechalo fyakupita, kuntu amashiwi anji akubelelela umuyayaya.

Luka 5:38

Echo bikeni waini wabwangu mumatumba ampapa aabwangu!

Yohane 14:20

Ulo nkalya kasuba kakwisa, mwakwisa kwishiba ukuti ndi muli Bata namwebo muli nebo ukubati nimfilya nandibo naba muli mwe.

Yohane 15:2

Umusambo onse uutakotwalapo ifitwalo bakoutema nokuufumyako, nangulya uukotwala bakouwamya ukwebati ukatwale ifitwalo ifinji.

Yohane 15:5

“Nine mpesha, mwebo muli misambo. Uyo uukoyikala muli nebo, nandibo muli ye, eukotwala ifitwalo ifinji pakuti mwebo tamungachitapo akantu nangu kamo ukwambula ine.

Yohane 17:23

Nebo muli bo, namwe muli ne, ukuti bakabe umo ukuchilapo, ukuti abantu bonse abamuchalo beshibe ukuti nimwe mwantumine, nokuti mwalibatemwa ukubati nimfilya mwantemenwe.

Yohane 3:3

Yesu alimwasukile ati, “Nachine nkokweba ati, nga muntu tafyelwepo libili tekuti enjilepo mu Bufumu bwaku Lesa.”

Yohane 3:5

Yesu alimwasukile ati, “Nachine nkokweba ati, nga muntu tafyelwepo kumenshi naku Mupashi Wabuta tekuti enjilepo mu Bufumu bwaku Lesa.

Loma 16:10

Nkoposha umutende kuli Apelesi, umwina Klistu uwakosa. Mubaposhe umutende abamunanda yakwa Alisitobulasi.

Loma 16:11

Muposhe umutende kuli Helodiyoni, Umuyuda munanji, nakuli bawesu abena Klistu abamunanda yakwa Nakisusi.

Loma 16:3

Natuma umutende kuli Pulisila na Akwila, abapyungi bananji mumulimo waku Klistu.

Loma 16:7

Muposhe umutende nakambi kuli Andilonikasi na Yuniyasi, Abayuda bananji abo twali nabo muchifungo. Mba balishibikilwe ukwinekantu kubatumwa. Ulo nshilachetekela mba bali kale abena Klistu.

Loma 16:9

Muposhe umutende Ubanasi umupyungi munanji muli Klistu na Sitakisi umunanji natemwesha.

Loma 7:6

Nomba twalikakuka kwifunde ndi. Ina, twalifwile kwifunde ilyatukakile. Nomba Umupashi Wabuta ulatwafwa ukupyungila Lesa munshila iyabwangu, tenshilapo iyakale iyakulama bwaka ifunde ilyalembwa.

Loma 8:1

Nomba kuli bo abachetekela muli Klistu Yesu takupo umulandu.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

1 Kolinto 13:11

Ulo nali umwaiche, nalikusosa nga umwaiche, nalikulanguluka nga umwaiche, elo ifintu nalikuchita nga umwaiche. Nomba ulo nakulile, nalifilekele fyonse ifyachaiche.

2 Kolinto 12:2

Ndishibile umwalalume umo umwina Klistu uwo bapintile kumulu. Palipitile imyaka ikumi na ine ulo mfi fyachitikile. (Tanshishibilepo kati mfi fyachitikile ulo ali mumubili wakwe nangula kuchimonwa. Lesa ewishibile.)

2 Kolinto 5:16

Echo ukufuma nduno fwebo tatulangulukilapo ifya muntu uuli onse pamano ayabuntunse. Nangu akale twalikulanguluka ifyaku Klistu mumano yabuntunse, nomba nduno tatulangulukapo ifyaku ye munshila nji.

2 Kolinto 5:19

Mubilisha ukuti muli Klistu, Lesa awikishanya abamuchalo nakwe ukwambula ukupenda amabifyo abo. Echo atupele nga mashiwi ayasosa ukuwikishanya nku.

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

Galatiya 3:28

Echo tapapo ubupusano pakati ka Bayuda nabenafyalo, abasha nabali mubwanalale, abalalume nabanakashi, pakuti bonse bali umo muli Klistu Yesu.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Galatiya 6:15

Temulandupo ukushilimunwa nangu ukutashilimunwa, ichikulu chakuti umuntu asanguke uwabwangu.

Efeso 2:10

Lesa ewatubumbile. Alitulengele muli Klistu Yesu ukuti tubombe imilimo iiweme iyo Lesa apekenye kale ukuti twiichite.

Efeso 2:15

Ye ashilishe Amafunde akwa Mosesi, ifyakukonka nefilangililo. Alichitile mfi ukuti ukufuma kumitundu ibili njilya alenge umutundu umo uwabwangu, uwaikala muli Ye, ukuti engaleta umutende.

Filipi 4:21

Muposhe umutende abapatulika bonse muli Klistu Yesu. Bawesu bonse abo ndinabo nkuno bakomuposha umutende.