2 Kolinto 5:16 - Chipangano Chabwangu

¹⁶ Echo ukufuma nduno fwebo tatulangulukilapo ifya muntu uuli onse pamano ayabuntunse. Nangu akale twalikulanguluka ifyaku Klistu mumano yabuntunse, nomba nduno tatulangulukapo ifyaku ye munshila nji.

2 Kolinto 5:16 ပူးပေါင်းရင်းမြစ်များ

Mateyo 10:37

“Umuntu uwatemwesha bawishi nangula banyina ukuchila nebo talingilepo ukuba umuntu wanji. Elo na uyo onse uwatemwesha umwana wakwe umwalalume nangula umwanakashi ukuchila nebo, talingilepo ukuba umuntu wanji.

Yohane 15:14

Mwebo muli fibusa fyanji nga mukokonka amafunde anji.

Yohane 2:4

Elo Yesu ayasukile banyina ati, “Nga nchite shani? Inshita yanji tayilafika!”

Yohane 6:63

Umupashi Wabuta eupela ubumi butashila. Umuntu tekuti abe nobumi ubu umwine enka. Amashiwi aya ayo nkomweba eyaleta Umupashi waku Lesa uupela ubumi.

Yohane 8:15

Mwebo mupingula ukulingana nobuntunse bwenu, kuntu nshikopingulapo umuntu nangu umo.

2 Kolinto 11:18

Pakuti abenji bakoyitutumwina pafyapanonshi, nande nakuchita fyenka mfi.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Filipi 3:4

Tekwebati nebo nshikwetepo apakuyitutumwina. Nga chakuti pali umuntu uukolanguluka ukuti ali nafyo ifyakuyitutumwinapo, nebo nalimuchila.

Kolose 3:11

Mubumi mbu tapapo ubupusano pakati ka Bayuda nabenafyalo, uwashilimunwa nangu uutashilimunwapo, abatasambilila, bankalwe, abasha nangu ababwanalale, kuntu ichikulu ni Klistu uwaba muli bonse.

Yemusi 3:17

Nomba umulangwe uufuma kumulu waba uwalungama ukufikapo, elo wamutende, uwafuuka, tautalikishanya, uwayiwula nenkumbu, elo nemilimo iiweme. Taukwetepo akapatulula nangu ukutumpayika.