2 Kolinto 5:14 - Chipangano Chabwangu

¹⁴ Chitemweko chaku Klistu echikotutungulula. Pakuba tulachetekela ukwebati umo alitufwilile bonse, echo bonse balifwa.

2 Kolinto 5:14 ပူးပေါင်းရင်းမြစ်များ

Mateyo 20:28

Pakuti nangu Mwana wa Muntu umwine tayishilepo ukuti bakamupyungile iyowo, kuntu Ye ayishile mukupyungila nokupela ubumi bwakwe ukuti abantu abenji bakalubulwe.”

Luka 15:24

Pantu ngu mwana wanji alifwile, kuntu nomba ali uwabumi, alilubile, kuntu nomba asangwa.’ Elo nomba batatikile ukulya nokusekelela.

Luka 15:32

Nomba tulingile ukulya nokusekelela pakuti wenu ngu alifwile, kuntu nomba ali nobumi, alilubile, nomba alisangilwe.’”

Luka 24:29

kuntu balimubweseshe nokweba ati, “Ikaleni nafwe, akasuba kaya mukuwa nemfinshi ikoyisa.” Elo ayinjile munanda nokwikala nabo.

Yohane 1:29

Pakasuba kakonkelepo, Yohane Mubatishi abwene Yesu akoyisa kuli Ye. Elo asosele ati, “Boneni, ngulya e Mwana Wambelele waku Lesa uupinta amabifyo abantu bonse!

Yohane 11:25

Yesu asosele kuli ye ati, “Nine ukubuka nobumi. Uyo onse uuchetekela muli nebo, akuba nobumi nangu aafwa.

Yohane 5:25

Nachine nkomweba ati, inshita ikoyisa, nanomba ilifikile kale, ulo abafwa bakwisa kumfwa ishiwi lya Mwana waku Lesa, nambalya bonse abakolyumfwa bakubukila kubumi.

Imilimo ya batumwa 18:5

Ulo Sailasi na Timoti bafikile ukufuma ku Masedoniya, Paulo aposele inshita iikulu ukubilisha, ukulanga Abayuda ukuti Yesu Ewasubwa waku Lesa.

Loma 2:2

Twalishiba ukuti Lesa alalungika ulo apingula abantu abachita mfi fintu.

Loma 5:15

Nomba ichabupe chaku Lesa tachalinganapo nobubi bwakwe Adamu. Abantu bonse balafwa pamulandu wakubifya kwamuntu umo, kuntu ubwanshi bwaku Lesa nobupe bwakwe fikulu ukuchilapo pantu filaletela ishuko kubantu bonse. Ichabupe icho Lesa apele ni Yesu Klistu.

Loma 6:13

Mwilokubomfya ichilewa chenu chimo ichamubili wenu kububi, kuntu mwipele kuli Lesa nga bantu bafuma kumfwa nokuya kubumi. Mubomfye ifilewa fyamibili yenu mukubombela Lesa imilimo yabulungami.

Loma 6:6

Twalishiba ati akabelo kesu akakale kashilile ulo Yesu asamikilwe pamutashi, ukuti ubwikalo bwesu ubwabubi bonayikwe, elo twiba nakambi abasha babubi.

1 Kolinto 16:22

Kati palipo umuntu uutatemwapo Bashikulu, alapishiwe. Maranatha! Bashikulu wesu, iseni!

1 Kolinto 2:14

Umuntu uutakwetepo Umupashi Wabuta tomfwapo ififuma ku Mupashi ngu. Kuli ye fipuneme. Elo tekuti afyumfwikishepo pakuti fishibikwa bwaka kumuntu uukwete Umupashi Wabuta.

2 Kolinto 3:7

Amafunde aalembelwe pamabwe mpalya, apelwe nomuchinshi uukulu ichakuti abena Isilaeli tabalikulolekesha Mosesi pachinso pamulandu wakubengeshima kwakwe. Nomba ukubengeshima nkulya kwali kwakashita kanini bwaka. Nomba nga Amafunde ngalya aaleta imfwa alipelwe nomuchinshi wamfilya,

2 Kolinto 3:9

Nga umulimo wakupela imilandu bantu wali wamuchinshi, ekwebati umulimo uulenga abantu ukuti bapuluke wakuba wamuchinshi ukuchilapo.

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

Efeso 6:24

Lesa abakwatile ubwanshi bonse abatemwa Bashikulu wesu Yesu Klistu nokutemwa ukutashilapo.

Kolose 2:13

Kale mwali abafwa pamulandu wamabifyo enu, nakambi pamulandu wakuti mwali abenafyalo abatashilimunwapo kumubili. Nomba Lesa alimuleta kubumi pamo na Klistu. Alitunakilila amabifyo onse.

Kolose 3:3

Pakuba mwebo mwalifwa, nobumi bwenu bwalisungwa pamo na Klistu muli Lesa.

1 Timoti 2:6

Ngu aliipele umwine ukuti apulushe abantu bonse. Nchi chali ichishibilo ichakuti inshita yalinga ilifikile.

1 Timoti 5:6

Nomba umwanakashi chokolo nga ayibika mukutemwa amalila amuno chalo alifwile kale nangu achili umumi.

Taitasi 3:3

Pakuti nafwebo akale twali abapuneme, abatomfwapo nakambi abaluba. Twali abasha kulunkumbwa ulubi ululi lonse. Twalikwikala mububi nakambi twali abamufimbila. Abantu balikutupata, elo nafwebo twali kubapata.

Hebele 2:9

Nomba uyo tukobona bwaka ni Yesu, Ye pakashita kanini bamuchefyeshe ukuchila abangelo, alipokelele ingala yamuchinshi pamulandu wamfwa iyo achulile. Chali mfi pakuti mubwanshi bwaku Lesa afwayile ukuti Yesu afwile abantu bonse.

Hebele 6:10

Lesa mulungami. Tekuti alabukilepo imilimo iyo mwapyungile nechitemweko icho mwabwenesha mukwafwilisha nkulya mwachitile nanku mukochita kubena Klistu banenu.

1 Petulo 1:8

Ngulya tamwamubwenepo, kuntu mukomutemwa. Nangu tamukomubonapo nduno, mukomuchetekela, elo mulasekelela ukwinekantu uko amashiwi tangasosapo.

1 Yohane 5:19

Twalishiba ukuti fwebo tuli bana baku Lesa, nangu chalo chonse chaba muminwe ya Mubi.