2 Kolinto 4:14 - Chipangano Chabwangu

¹⁴ Twalishiba ukuti Lesa uwabushishe Bashikulu Yesu kubafwa, akutubusha nafwe pamo na Yesu. Elo akutufisha pamenso akwe pamo namwe.

2 Kolinto 4:14 ပူးပေါင်းရင်းမြစ်များ

Luka 21:36

Beni abayibukila nokulomba inshiku shonse ukuti mube nefiso fyakwisa kupulamo muli fyonse ifyakuchitika. Elo mwakwisa kwimakana kuntanshi ya Mwana wa Muntu.”

Imilimo ya batumwa 2:24

Nomba Lesa alimubusha nokumupulusha kubukali bwamfwa pantu chalikangile ukuti imfwa imuchimfye.

Imilimo ya batumwa 2:32

Lesa abushishe Yesu ngu kubafwa, nafwebo bonse tuli bakamboni pali nchi.

Loma 8:11

Kati Umupashi waku Lesa, uyo uwabushishe Yesu ukufuma kubafwa aba muli mwebo, ekwebati Lesa uwabushishe Klistu Yesu ukufuma kubafwa akwisa kubusha imibili yesu iifwa ukupitila Mumupashi wakwe uwaba muli mwe.

1 Kolinto 6:14

Lesa abushishe Bashikulu kumfwa, elo ewakwisa kubusha nafwe kufiso fyakwe.

2 Kolinto 11:2

Ndi nobufuba namwe kubati nimfilya Lesa ali. Muli kubati mwanansungu uutayishibapo umwalalume uwo nalaya muchupo kumwalalume umo mpo, Klistu umwine.

Efeso 5:27

Alikufwaya ukuti achilete pachinso chakwe ichamuchinshi, ichitakwetepo akalema nangu ifisemba, nangula akantu kambi akali konse akabipisha, kuntu ukuba uwabuta ukufikapo.

Kolose 1:22

Nomba Lesa alimuwikishanya ukupitila mumfwa ya Mwana wakwe uwali nomubili kubati yesu. Achitile mfi ukwebati pamenso yakwe mube ababuta, abatakwetepo akalema nakambi abapwililika.

Kolose 1:28

Nomba tushimikila Klistu kubantu bonse, tuchenjesha nokusambishako abantu bonse pachinso chaku Lesa ukuti babe abakosa muli Klistu.

1 Tesalonika 4:14

Tulachetekela ukuti Yesu alifwa nokubuka, nakambi munshila imo yenka tulachetekela ukwebati bo abafwile nechichetekelo muli Yesu, Lesa akubabusha nokubasenda pamo na Yesu.

Yemusi 5:15

Nga balomba nechichetekelo, umulwele akupola. Bashikulu bakumwimya. Nga achitile ifibi, fyonse fyakunakililwa.

Yuda 1:24

Ubuleme bube kuli Ye uwaba nefiso fyakumusunga ukuti mwiwa. Ye uwaba nefiso ifyakumulenga abalungama nakambi abasekelela pachinso chakwe ichabuleme.