2 Kolinto 3:9 - Chipangano Chabwangu

⁹ Nga umulimo wakupela imilandu bantu wali wamuchinshi, ekwebati umulimo uulenga abantu ukuti bapuluke wakuba wamuchinshi ukuchilapo.

2 Kolinto 3:9 ပူးပေါင်းရင်းမြစ်များ

Loma 4:11

Abulahamu alishilimunwa panuma ukuti chibe ichishibilo ichakulanga ukuti Lesa amubwene uwalungama pakuchetekela kwakwe. Nomba Abulahamu ewishibo bonse abachetekela Lesa, na Lesa alabapokelela nga abalungama nangula tabashilimunwapo.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

1 Kolinto 15:41

Akasuba kali nokusanika kwakako, umweshi nawo uli nokusanika kwakuko ukwapusana nokwakasuba. Intandala nasho shili nokusanika kwashiko ukwapusana neshinabo. Intandala imo-imo nayipusana mukusanika kuyinakwe.

2 Kolinto 3:8

napo umulimo wa Mupashi Wabuta tawakakwatepo umuchinshi ukuchilapo?

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

Galatiya 3:10

Bonse abashintilila imitima yabo mumilimo ya Mafunde ukwebati nga bayilama bakulungama, balilapishiwa. Pakuti Amalembo asosa ati, “Alitipwa uyo uutachitapo fyonse ifyalembwa mwibuku ilya Mafunde.”

Filipi 3:9

nokusangwa muli Ye. Nshikoyilangulukapo ukuti ndimulungami pakulama Amafunde iyowo, kuntu ukulungamikwa kwanji kufuma mukuchetekela Klistu, nku kufuma kuli Lesa ukwayimakana pachichetekelo.

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.