2 Kolinto 3:7 - Chipangano Chabwangu

⁷ Amafunde aalembelwe pamabwe mpalya, apelwe nomuchinshi uukulu ichakuti abena Isilaeli tabalikulolekesha Mosesi pachinso pamulandu wakubengeshima kwakwe. Nomba ukubengeshima nkulya kwali kwakashita kanini bwaka. Nomba nga Amafunde ngalya aaleta imfwa alipelwe nomuchinshi wamfilya,

2 Kolinto 3:7 ပူးပေါင်းရင်းမြစ်များ

Imilimo ya batumwa 6:15

Nomba bonse abali muchilye batontele amenso pali Sitefano. Elo babwene impumi yakwe yaba kubati nimpumi yamungelo.

Loma 10:4

Pakuti Klistu ekupelako kwamafunde ukwebati onse uwachetekela Lesa apokelelwe nga uwalungama.

Loma 4:15

Amafunde aleta ubukali bwaku Lesa, kuntu uko ukutali Amafunde takupo ukutomfwila Amafunde.

Loma 5:20

Amafunde aletelwe ukuti abantu beshibe ubwinji bwabubi bwabo. Ulo ukubifya kwafulile, ubwanshi bwaku Lesa nabo bwalifulile ukuchilapo.

Loma 7:10

Epo nebo nalifwile. Elo ifunde ilyali ilyakuleta ubumi, kuli nebo lyaletele imfwa.

Loma 7:22

Nebo naliba nokusekelela mwifunde lyaku Lesa.

Loma 7:5

Ulo twalikukonka ubumi bwabuntunse, ifibi fyakoseleshiwe na Mafunde nokukula muli fwe. Elo fyalifyala imfwa.

1 Kolinto 13:10

nomba ulo ichafikapo chakwisa, ichitafikapo chakuluba.

2 Kolinto 3:3

Abantu bonse bangabona ukuti nimwe kalata yafumine kuli Klistu, iyalembelwe ukupitila muli fwebo, tekuli inki, kuntu ku Mupashi Wabuta waku Lesa wabumi. Tepafyalembwa pamabwe, kuntu mumitima yabantu.

2 Kolinto 3:6

Eutupela ifiso ifyakupyungila chipangano chabwangu, temumafunde aalembwa, kuntu mu Mupashi Wabuta. Pakuti Amafunde aalembwa aleta imfwa, nomba Umupashi Wabuta upela ubumi.

2 Kolinto 3:8

napo umulimo wa Mupashi Wabuta tawakakwatepo umuchinshi ukuchilapo?

Galatiya 3:10

Bonse abashintilila imitima yabo mumilimo ya Mafunde ukwebati nga bayilama bakulungama, balilapishiwa. Pakuti Amalembo asosa ati, “Alitipwa uyo uutachitapo fyonse ifyalembwa mwibuku ilya Mafunde.”

Galatiya 3:21

Napo ekwebati Amafunde akolengulula afilayo ifyaku Lesa? Nangu panini. Nga chakuti abantu kuti baba nobumi pamulandu wakulama Amafunde, nga bonse bali abalungama ukupitila mumafunde.

Hebele 12:18

Mwebo tamwayishilepo nga abena Isilaeli kucho mwingakumyako kubati ku Lupili lwa Sinai ukwali kwaka umulilo. Mululamba mwalifitile fititi, elo kwali nechipupu.

Hebele 3:3

Umuntu awayimaka inanda alapokelela umuchinshi ukuchila pananda iyine. Echo Yesu alapelwa umuchinshi ukuchilapo uwakwa Mosesi.

Hebele 9:4

Muchipinda nchi mwali ichipupilo ichagolide apakochelapo utwanunkilila. Nakambi mwalimo imbokoshi iyachipangano. Imbokoshi nji yashingwilwe nagolide konse-konse. Elo mukati kambokoshi mwali inongo yagolide umo mwali mana, nenkonto yakwa Aloni iyo iyabalwile amabula. Elo mwali namabwe abili apalembelwepo Amafunde.