2 Kolinto 3:6 - Chipangano Chabwangu

⁶ Eutupela ifiso ifyakupyungila chipangano chabwangu, temumafunde aalembwa, kuntu mu Mupashi Wabuta. Pakuti Amafunde aalembwa aleta imfwa, nomba Umupashi Wabuta upela ubumi.

2 Kolinto 3:6 ပူးပေါင်းရင်းမြစ်များ

Mateyo 13:52

Naye elo abasoseshe ati, “Umusambishi uuli onse uwamafunde alisambilila amashiwi aabufumu bwakumulu, aba kubati umwine wananda uufumya muchipawo chakwe ifyabwangu nefyakale.”

Mateyo 26:28

Ngu mulopa wanji uwachipangano chabwangu, uwayitililwa abenji ukuti amabifyo abo anakililwe.

Maliko 14:24

Elo abebele ati, “Ngu mulopa wanji uwachipangano uwayitililwa pamulandu wabenji.

Luka 22:20

Munshila imo yenka alibapele nenkombo panuma yamulalilo, nokuti, “Ngu mulopa wanji uwachipangano ichabwangu chamumulopa wanji uwayitikilwe pamulandu waku mwebo.”]

Yohane 5:21

Ukubati nimulya umo Bawishi babushisha abafwa nokubapela ubumi, munshila imo yenka Umwana naye akopela ubumi kubantu abo akofwaya.

Yohane 6:63

Umupashi Wabuta eupela ubumi butashila. Umuntu tekuti abe nobumi ubu umwine enka. Amashiwi aya ayo nkomweba eyaleta Umupashi waku Lesa uupela ubumi.

Loma 1:5

Muli Klistu ngu emo Lesa ampelele ishuko lyakuba umutumwa waku Klistu, ukuti ntungulule abantu bamitundu yonse ukumuchetekela nokumumfwila.

Loma 3:20

Pakuti Lesa tabonapo umuntu nga uwalungama ukupitila mukuchita ifyo Amafunde. Icho Amafunde achita kulanga umuntu ukuti eshibe ati nabifya.

Loma 4:15

Amafunde aleta ubukali bwaku Lesa, kuntu uko ukutali Amafunde takupo ukutomfwila Amafunde.

Loma 4:17

Nga mfilya Amalembo Apatulika asosa ati, “Nakulengele webo ukuba wishibo wamitundu yonse.” Ichilayo nchi Abulahamu achipokelele ukufuma kuli Lesa uyo achetekele. Engu Lesa uupela ubumi kubafwa, uwita ifitalabako nokufipela ubumi.

Loma 7:6

Nomba twalikakuka kwifunde ndi. Ina, twalifwile kwifunde ilyatukakile. Nomba Umupashi Wabuta ulatwafwa ukupyungila Lesa munshila iyabwangu, tenshilapo iyakale iyakulama bwaka ifunde ilyalembwa.

Loma 8:2

Pakuti ifunde lya Mupashi Wabuta ilitupela ubumi muli Klistu Yesu, lyankakula kwifunde ilyabubi nemfwa.

1 Kolinto 11:25

Munshila imo yenka, ulo ashilile ukulya, Yesu abulile ulukombo nokusosa ati, “Ndu lukombo chipangano chabwangu ichapamulopa wanji. Mulokuchita mfi lonse ulo mukonwa pakunjibukisha.”

1 Kolinto 12:28

Muchilonganino Lesa alibikamo mba: pakwamba abatumwa, muchabubili abasoseshi, muchabutatu abasambishi. Abikilemo abantu abangachita ifyafiso ifikulu, abakwete ifiso ifyakuposha, bambi ifyakwafwilishako, bambi ifyakutungulula, nabambi ifyakusosa mundimi ishapusana-pusana.

1 Kolinto 15:45

Amalembo asosa ati, “Adamu wakwamba ngulya ayishile kuba umumi,” nomba Adamu wakumupwilo ayishile kuba Umupashi uupela ubumi.

1 Kolinto 3:10

Ukubomfya ichabupe icho Lesa ampele, nalibombele umulimo nga inchenshi mukwimaka nokuwamya umufula, elo umbi akoyimakapo. Nomba umo naumo alingile ukuchenjela umo emakila.

1 Kolinto 3:5

Mba Apolosi ninani? Mba Paulo naye ninani? Bapyungi bwaka abaku Lesa abaletele Ubutumi Bwawama kuli mwebo ubo mwachetekele. Umo-umo muli fwebo apyungile bwaka umulimo uyo Bashikulu bamupela.

2 Kolinto 11:23

Napo bo bapyungi baku Klistu? Nkososa nga muntu uufuntile, ndimupyungi ukubachilapo. Nalipyungile imilimo ukubachilapo. Ilinji nali apepi nokufwa.

2 Kolinto 3:14

Nomo imitima yabo yalikosele, ukufika nanduno ichinsalu nchilya chilibafimbile nangu ulo bapenda amabuku ayamuchipangano chakale. Ichinsalu nchilya balachifumya ulo umuntu aba muli Klistu.

2 Kolinto 3:3

Abantu bonse bangabona ukuti nimwe kalata yafumine kuli Klistu, iyalembelwe ukupitila muli fwebo, tekuli inki, kuntu ku Mupashi Wabuta waku Lesa wabumi. Tepafyalembwa pamabwe, kuntu mumitima yabantu.

2 Kolinto 3:7

Amafunde aalembelwe pamabwe mpalya, apelwe nomuchinshi uukulu ichakuti abena Isilaeli tabalikulolekesha Mosesi pachinso pamulandu wakubengeshima kwakwe. Nomba ukubengeshima nkulya kwali kwakashita kanini bwaka. Nomba nga Amafunde ngalya aaleta imfwa alipelwe nomuchinshi wamfilya,

2 Kolinto 3:9

Nga umulimo wakupela imilandu bantu wali wamuchinshi, ekwebati umulimo uulenga abantu ukuti bapuluke wakuba wamuchinshi ukuchilapo.

Galatiya 3:21

Napo ekwebati Amafunde akolengulula afilayo ifyaku Lesa? Nangu panini. Nga chakuti abantu kuti baba nobumi pamulandu wakulama Amafunde, nga bonse bali abalungama ukupitila mumafunde.

Efeso 2:1

Akale mwebo mwali abafwa pamulandu wakutanakilapo nobubi bwenu.

Efeso 2:5

Nangu twalifwile pamulandu wamabifyo esu, kuntu alitupele ubumi pamo na Klistu. Mwapulushiwe kubwanshi ubukulu bwaku Lesa.

Efeso 3:7

Kubwanshi bwaku Lesa alimpele umulimo wakubilisha Ubutumi Bwawama mbu. Ulo achitile mfi alilangile ifiso fyakwe.

1 Timoti 4:6

Nga wasambisha bawesu ifintu mfi, wakuba umupyungi uuweme uwaku Klistu Yesu, uwakulila mumashiwi achichetekelo chesu, ekusambisha ifyachine ifyo wakonka.

2 Timoti 1:11

Lesa alinsontele ukuti mbe kabilisha, umutumwa, elo nakasambisha Wabutumi Bwawama.

Hebele 12:24

Mwafika kuli Yesu, shibukombe uwapekenye ichipangano chabwangu, uwasanshile umulopa wakwe ukulaya ifintu ifiweme ukuchila ifyo umulopa wakwa Abeli wasosele.

Hebele 13:20

Lesa upela umutende, alibushishe Bashikulu Yesu kubafwa, Ye ali ni Chembela mukulu wambelele pamulandu wamfwa yakwe ili chishibilo ichachipangano ichitapwa.

Hebele 7:22

Ukupusana nku nomba kukotulangisha ukuti Yesu echipangano ichachilapo ukuwama.

Hebele 8:13

Pakusosa amashiwi ayakuti, “Ichipangano chabwangu,” Lesa akososa ukwebati ichipangano chakwamba tachikwetepo akantu. Elo ichili chonse ichakota nokonayika, chilaloba.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

1 Yohane 1:1

Nkomulembela pafya ishiwi ilipela ubumi ilyaliko ukutula pakubala. Twalilyumfwa nokulibona namenso esu. Ina, twalilibona nokukumyako namaboko esu.