2 Kolinto 3:17 - Chipangano Chabwangu

¹⁷ Ulo tusosa ati, “Bashikulu” tukososa Mupashi Wabuta. Elo ukuli Mapashi wa Bashikulu kuli ubwanalale.

2 Kolinto 3:17 ပူးပေါင်းရင်းမြစ်များ

Yohane 6:63

Umupashi Wabuta eupela ubumi butashila. Umuntu tekuti abe nobumi ubu umwine enka. Amashiwi aya ayo nkomweba eyaleta Umupashi waku Lesa uupela ubumi.

Yohane 8:32

Elo mwakwishiba ukwebesha, nanku kwebesha kwakwisa kumulubula.”

Loma 8:2

Pakuti ifunde lya Mupashi Wabuta ilitupela ubumi muli Klistu Yesu, lyankakula kwifunde ilyabubi nemfwa.

1 Kolinto 15:45

Amalembo asosa ati, “Adamu wakwamba ngulya ayishile kuba umumi,” nomba Adamu wakumupwilo ayishile kuba Umupashi uupela ubumi.

2 Kolinto 3:18

Fwe bonse, abatakwetepo ichifimba pamenso esu, tubwenesha umuchinshi waku Bashikulu kubati nimfilya ichilola chilanga umuntu ichinso. Echo umuchinshi wenka ngulya, uufuma kuli Bashikulu, abali Mupashi, balatwalula ukuti tube muchipasho chabo ichamuchinshi uwachilapo.

2 Kolinto 3:6

Eutupela ifiso ifyakupyungila chipangano chabwangu, temumafunde aalembwa, kuntu mu Mupashi Wabuta. Pakuti Amafunde aalembwa aleta imfwa, nomba Umupashi Wabuta upela ubumi.

Galatiya 4:6

Pakuti tushininkishe ukwebati tuli bana bakwe, Lesa alitumine Umupashi wa Mwana wakwe mumitima yesu. Elo Umupashi ngu watulenga ukuti tusose ati, “Abba! Bata!”

Galatiya 5:1

Klistu alitukakula ukwebati tube abakakuka ukufikapo. Echo imakaneni ndii ukwambula ukusuminisha ukukakwa nakambi kwijoko lyabusha.

Galatiya 5:13

Mwe bawesu, Lesa alimwita ukuti mukwate ubwanalale. Nomba muchenjele ukuti ubwanalele bwenu mbu, bwimutwalapo kulunkumbwa ulubi ulwakuchita ifyabuntunse bwenu. Echo mupyungilane mukutemwa.

2 Timoti 1:7

Pakuti Lesa tatupelepo Umupashi wamwenso iyowo, kuntu uutupela ifiso, ukutemwa nokwikanya.