2 Kolinto 3:14 - Chipangano Chabwangu

¹⁴ Nomo imitima yabo yalikosele, ukufika nanduno ichinsalu nchilya chilibafimbile nangu ulo bapenda amabuku ayamuchipangano chakale. Ichinsalu nchilya balachifumya ulo umuntu aba muli Klistu.

2 Kolinto 3:14 ပူးပေါင်းရင်းမြစ်များ

Mateyo 13:11

Elo naye abasukile ati, “Kuli mwebo kwalipelwa ukwishiba ifyamubumfisolo ifyabufumu bwakumulu, nomba bo tabapelwapo iyowo.

Mateyo 16:17

Pakwasuka Yesu amwebele ati, “Walishuka Simoni mwana Yona, pantu temuntupo uwakufisulwila nchi iyowo, kuntu ni Bata bakumulu.

Mateyo 6:23

Nomba amenso enu nga taali bwino, umubili wenu wakuba mumfinshi. Nomba ukusanika kwenu nga kwaaluka imfinshi, imfinshi njilya yakuba fititi!

Yohane 12:40

“Lesa abapofwisha amenso abo, nokwisala amano abo, ukuti amenso ebona, namano abo beumfwa, ukuti beyalukila kuli nebo, ukweba ati nandibo mbaposhe.”

Yohane 12:46

Nayisa muchalo ukuba ukusanika, ukuti onse uukochetekela muli nebo eyikalilila mumfinshi.

Yohane 8:12

Panuma Yesu asosele ku Bafalisi ati, “Nine kusanika ukusanikila bantu bamuchalo. Onse uwakunkonka akwisa kuba nokusanika ukwabumi, nakambi tayise kwendapo mumfinshi iyowo.”

Imilimo ya batumwa 13:15

Ati bapwe ukupenda Amafunde akwa Mosesi nabasoseshi, abakulu bachilonganino basosele kuli bo ati, “Mwe bawesu, kati mulipo namashiwi yakukoselesha abantu, soseni.”

Imilimo ya batumwa 15:21

Pakuti ukufuma nakukale Amafunde akwa Mosesi bakoapenda lonse pakasuba ke Sabata mumananda akulombelamo Lesa nokusambisha mumishi yonse.”

Imilimo ya batumwa 16:14

Umo waku bo abalikutumfwa ali ni Lidiya uwaku Tiyatila. Alikushitisha insalu ishaswetuluka. Ngu mwanakashi alikulomba Lesa. Elo Bashikulu bayiswile umutima wakwe ukuti omfwikishe ifyali kusosa Paulo.

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

Loma 11:25

Mwe bawesu, nkofwaya ukuti mwishibe ifyamubumfishi, ukuti nalimo mwingalanguluka ukuba abamulangwe. Ifyamubumfishi nimfi. Abaisilaeli bamo balikosa imitima. Elo bakubelelela ukufikila ulo impendwa yabenafyalo abasalwa ikese kuli Lesa.

2 Kolinto 3:15

Nangu nduno, inshita bapenda Amafunde akwa Mosesi, chinsalu nchilya chifimba imitima yabo.

2 Kolinto 3:6

Eutupela ifiso ifyakupyungila chipangano chabwangu, temumafunde aalembwa, kuntu mu Mupashi Wabuta. Pakuti Amafunde aalembwa aleta imfwa, nomba Umupashi Wabuta upela ubumi.

2 Kolinto 4:6

Lesa asosele ati, “Ukusanika kwise ukufuma mumfishi.” Lesa enka ngu ewatusanikile mumitima yesu ukwebati abantu beshibe umuchinshi waku Lesa ngu uukosanika pachinso chaku Klistu.

Efeso 4:18

Elo amano abo ali mumfinshi pamulandu imitwi yabo ilikosele ndi mukuteshiba Lesa. Bafutatila ubumi ubo Lesa apela.