2 Kolinto 3:1 - Chipangano Chabwangu

¹ Ekwebati pali mfi tukoyichitila bukamboni fwenka? Napo kukofwayikwa ukuti fwebo, nga abantu bambi, tube namakalata ayakupela bukamboni kuli mwe nangu aafumina kuli mwebo?

2 Kolinto 3:1 ပူးပေါင်းရင်းမြစ်များ

Imilimo ya batumwa 18:27

Ulo Apolosi alikufwaya ukuya kuchalo cha Akeya, abachetekela bamu Efeso balembele kalata kubena Klistu baku Akeya ukuti bamupokelele bwino. Ulo afikile nkulya, alyafwilisheko abachetekela ukupitila mubwanshi bwaku Lesa.

Loma 16:1

Nkomupela Febi inkashi yenu, nakambi umupyungi uwachilonganino ichaku Kenkiliya.

1 Kolinto 10:33

Mulokuchita kubati ifyo nebo nchita. Ndesha ukusekelesha abantu bonse muli fyonse. Nshikofwayapo ukuyiwamisha nenka, kuntu ifiwamisha abantu bonse ukuti bapuluke.

1 Kolinto 16:3

Ulo nakwisa kuli mwe, nakwisa tuma abo mukasala nokubapela amakalata ayalondolola pali bo ukwebati bakatwale mfi fyabupe ku Yelusalemu.

1 Kolinto 3:10

Ukubomfya ichabupe icho Lesa ampele, nalibombele umulimo nga inchenshi mukwimaka nokuwamya umufula, elo umbi akoyimakapo. Nomba umo naumo alingile ukuchenjela umo emakila.

1 Kolinto 4:15

Nangu mungakwata abakusambisha amakana ikumi mubwina Klistu bwenu, tekuti mukwatepo bawishinwe abenji iyowo. Pakuba muli Klistu, nabele wishinwe pamulandu wakumushimikila Ubutumi Bwawama.

2 Kolinto 10:12

Tekwebati tukolinganya nangu ukuyipima nabambi abakoyipela benka bukamboni. Bayipunamika bwaka benka pakuyilinga pachipimo chabo nokuyilinga kubanabo aba muli bo.

2 Kolinto 10:18

Pakuba umuntu uupokololwa, tengulyapo uyichitila bukamboni iyowo, kuntu uwo Bashikulu bapela bukamboni.

2 Kolinto 10:8

Nangu nachilapo panini ukuyitutumuna pamulandu wansambu isho Bashikulu batupele ishakuti tumukoseleshe, tekumonaulapo, tatwaumfwepo insoni.

2 Kolinto 12:11

Naba uupuneme, kuntu nimwebo mwalenga mfi. Nimwe mwalingile ukumpela bukamboni. Pakuba nangu nshilipo kantu, kuntu “abatumwa” benu abo abayibela tabanchililepo nangu panini.

2 Kolinto 12:19

Nalimo mukolanguluka ukuti tukofwaya ukuyiwamisha pemenso enu? Tefyopo, pamenso aku Lesa, tusosa muli Klistu. Elo pali fyonse, mwe batemwekwa banji, tukofwaya ukumukoseleshako.

2 Kolinto 2:17

Fwebo tatulipo nga abantu abenji abakochita amakwebo namashiwi aku Lesa. Nomba, pakuti tuli muli Klistu nga abantu abatumwa na Lesa, tusosa muchine, ukulingana nokufwaya kwakwe.

2 Kolinto 5:12

Tatukoyitondayisha fwebene kuli mwe nakambi iyowo. Tukofwaya ukwebati mwebo muleyitutumwina muli fwe. Tukofwaya ukwebati mukwate ichakwasuka bo abakoyitutumwina pafiboneka namenso bwaka, ukuchila ifyamumutima.