2 Kolinto 2:17 - Chipangano Chabwangu

¹⁷ Fwebo tatulipo nga abantu abenji abakochita amakwebo namashiwi aku Lesa. Nomba, pakuti tuli muli Klistu nga abantu abatumwa na Lesa, tusosa muchine, ukulingana nokufwaya kwakwe.

2 Kolinto 2:17 ပူးပေါင်းရင်းမြစ်များ

Mateyo 24:24

Pakuti ba Klistu nabasoseshi ababufi bakwima nokuchita ifyafiso ifikulu nefyakushimbwisha ukwebati babepayike nabasalwa kumo nga chingachitika.

Imilimo ya batumwa 20:20

Mwalishiba ukuti tanshakwetepo akaso kakumweba ichintu icho nayishibile ukuti chakumwafwa mwebo, kuntu nalikusambisha nokubilisha palwalala namumananda yenu.

Imilimo ya batumwa 20:27

Pantu nalimushimikila fyonse ifyo Lesa afwaya ukwambula ukushako nangu chimo.

1 Kolinto 5:8

Echo katusekelele ukusefya nku ukwambula ichimena ichakale nchilya ichabubi nokubipa ukwamutima, kuntu nemifuba iitatutumuka, mukuwama umutima nokwebesha

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

2 Kolinto 1:18

Napali Lesa wachine nkolapa ukuti amashiwi nga tukomweba taalipo “Ina” nangu “Iyowo.”

2 Kolinto 11:11

Nipamulandu ndo? Napo nshamutemwapo? Lesa alishibile ati nalimutemwa.

2 Kolinto 12:19

Nalimo mukolanguluka ukuti tukofwaya ukuyiwamisha pemenso enu? Tefyopo, pamenso aku Lesa, tusosa muli Klistu. Elo pali fyonse, mwe batemwekwa banji, tukofwaya ukumukoseleshako.

2 Kolinto 4:2

Twaposele inshila shonse ishamubumfisolo neshansha nsoni. Tatubomfyapo ubuchenjeshi nangula ukwalula amashiwi aku Lesa. Tufwaya ukuti abantu bonse batusuminishe nemitima yabo.

2 Kolinto 6:7

Mukusosa amashiwi aakwebesha, elo mufiso fyaku Lesa. Mukulwa kwesu tulachita ifilungeme.

Galatiya 1:6

Ndishimbilwe ukwinekantu pakuti mwaendesha ukusha Lesa uyo uwamwitile mubwanshi bwaku Yesu nokukonka ubutumi bumbi.

1 Tesalonika 2:4

Pali nchi, tusosa ifyo Lesa afwaya inshita yonse pantu alitupingula ukuba abenenene nokubika umulimo wa Butumi Bwawama muli fwebo. Tatusekeshapo bantu iyowo, kuntu Lesa uwesha amalangulushi esu.

Taitasi 1:11

Ulingile ukubakanya mba ukusambilisha pakuti bekonaula ulupwa lonse ulo batandalile kukusambilisha ifintu ifyo tabalingilepo ukuti basambilishe. Bakochita mfi ukuti basangilepo ububoni.

Hebele 11:27

Muchichetekelo Mosesi alifumine mu Ijipiti, ukutatinapo ubukali bwakwa kateka. Tabwelulukilemo pakuti ali kubati muntu ukobona Lesa utaboneka.

1 Petulo 4:11

Nga umo abilisha, kabilisha wamashiwi aafuma kuli Lesa. Nga umo akopyunga, kapyunge nefiso ifyo Lesa amupela. Pakuti muli fyonse, Lesa achinshikwe muli Yesu Klistu. Pakuba umuchinshi nefiso fyakwe umuyayaya. Ameni!

1 Yohane 4:1

Mwe batemwekwa banji, mwilokuchetekelapo umuntu onse uukososa ukuti ali no Mupashi Wabuta. Mumweshe umuntu ngu ukushininkisha nga mupashi akwete waku Lesa ichine. Pantu abasoseshi ababufi bali mpanga yonse.

Yuda 1:4

Pantu abantu bambi abatomfwilapo Lesa balinjile mubumfinshi mukati kenu. Mba bakofwaya ukonaula ubwanshi bwaku Lesa wesu ubo twakwata mukuchita ifintu ifyabipisha. Bakokana Yesu Klistu, Imfumu na Kalonga wesu enka. Nakukale Amalembo aku Lesa alisosele ukuti bakupaminwapo.

Ukufisulula 12:9

Ichisoka ichikulu nchilya chaliponeshewe panshi, echisoka ichakale beta umubi nangula Satana, ngulya uubepa abantu bonse bapanonshi. Chaliposelwe pano chalo pamo nabangelo bachiko bonse.

Ukufisulula 19:20

Ichiswango nchilya chalikakilwe pamo nabasoseshi ababufi abachitile ifintu ifikulu pamenso akwe. (Ukupitila mufintu ifyafiso ifikulu mfi achitile, alibepele abantu abo abakwete ichishibilo ichachiswango nambalya abalombele ichimpasho ichachiswango.) Ichiswango nabasoseshi ababufi baliposelwe abomi muli bemba wamulilo uwalikwaka nasilubale.

Ukufisulula 2:20

Nomba ndikwete umulandu umo nawebo uwakuti ulalekelela umwanakashi Yesebelo usosa ati musoseshi waku Lesa. Ye alabepa abapyungi banji ukuti bachite ubulale-lale nokulya ifyakulya bapupila tungosa wakubasa.