2 Kolinto 2:14 - Chipangano Chabwangu

¹⁴ Tutotele Lesa uututungulula muli Yesu mukuchimfya ishita shonse. Ukupitila muli fwebo, Lesa akopela abantu bonse amano yakwishiba Klistu. Elo amano nga akopalangana mpanga yonse kubati chena ichiweme.

2 Kolinto 2:14 ပူးပေါင်းရင်းမြစ်များ

Yohane 16:33

Namweba amashiwi nga ukuti mube nomutende wakuchetekela muli ne. Muno chalo mukaba mukuchula. Nangu chibe mfi, sekeleleni pantu nachimfya ichalo.”

Loma 1:8

Ichakubalilapo, nkototela Lesa wanji ukupitila muli Yesu Klistu pamulandu waku mwebo bonse, pakuti ichalo chonse chikoumfwa ifyachichetekelo chenu.

Loma 15:19

mufiso ifikulu nefyakushimbwisha, elo namufiso ifya Mupashi Wabuta. Echo nalishimikile Ubutumi Bwawama ubusosa pafyaku Klistu konse nalikuya, ukutatikila mu Yelusalemu ukufikila naku Ililikumu.

Loma 6:17

Akale mwali abasha babubi, kuntu tutondayishe Bashikulu ukuti nomba mulokumfwila nomutima onse ifyachine ifyakupulusha ifyo mwapokelele.

Loma 8:37

Muli mfi fyonse twaliba abachimfya pamulandu waku Klistu uwachitemweko chaku Lesa.

1 Kolinto 12:8

Umupashi Wabuta ngu upela umuntu umbi amano ayakusosa ifyamulangwe, umbi naye Umupashi umo wenka upela ubupe ubwakusosa namano.

1 Kolinto 15:37

Icho wabyala luseke bwaka, nalimo ulwaku tiligu nangu lumbi, tepo ichiti ichakwisa kukulapo panshita imbi?

1 Kolinto 15:57

Nomba tutondayishe Lesa uwalengele ukuti tuchimfye muli Bashikulu Yesu Klistu.

2 Kolinto 1:11

Mulokutwafwilishako mumapepo enu. Echo abantu abenji bakutondayisha Lesa muchifulo chesu pafyo Ye atuchitile mubwanshi bwakwe.

2 Kolinto 8:16

Tutotele Lesa pakuti abikile umutima wakufwaya ukwafwilisha muli Taitasi kubati nimfilya twafwilisha nafwe.

2 Kolinto 9:15

Tutondayishe Lesa pachabupe bwakwe ubo tatungasosapo.

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

Efeso 5:20

Mutotole Lesa Bata inshita shonse pamulandu wafintu fyonse mwishina lyaku Bashikulu Yesu Klistu.

Filipi 4:18

Nalifipoka fyonse, elo nafifula. Nalikwata fyonse ifyo nkabila nomba pakuti napokelela kuli Epafuloditasi ifyabupe ifyo mwantumine. Fili kubati ipupo ilyabwema ubwanunkila, kubati ipupo ilyo Lesa apokelela, ilimusekesha.

Kolose 1:23

Emukuti muli nokutwalilila muchichetekelo ichayimakwa pamufula uwakosa. Mwileka nangu chimo chimusunkanye nokumufumyapo kucho mwachetekelamo lwenka ulo mwaumfwile Ubutumi Bwawama. Lesa alimpele nebo, ne Paulo, umulimo uwakushimikila Ubutumi Bwawama mbu ubukoshimikilwa kubantu bonse abamuchalo.

Kolose 1:6

Ubutumi mbu buleta ukushuka nokumfwika muchalo chonse nga fintu bwaumfwika kuli mwebo, ukufuma bwaka pakasuba mwasumine ubwanshi bwaku Lesa muchine.

Kolose 2:15

Muli Klistu, Lesa afumishe ifiso ifyabakateka nabansambu bonse nokubalenga insoni palwalala ulo abalangile ukuchimfya kwakwe.

1 Tesalonika 1:8

Ukufuma kuli mwebo amashiwi aku Bashikulu, tayafikilepo kwenka ku Masedoniya naku Akeya iyowo, kuntu yafikile monse-monse. Napali nchi, tapapo fwebo ifyo twingasosapo.

1 Tesalonika 3:9

Nomba kuti twamutotela shani Lesa pamulandu wakumwebo? Nachine tulitemenwe ukwinekantu muli Bashikulu pamulandu wakumwebo.

1 Timoti 2:8

Nkofwaya ukuti lonse ulo mwalongana abalalume balokwimya amaboko abo pakulomba. Balokuchita mfi mukupela umuchinshi kuli Lesa ukwambula ukukalipa nangula ukutalika.

2 Timoti 2:2

Amashiwi onse waumfwile kuli nebo pamenso yabakamboni abenji, uyasose kubantu abachetekela abo bakwisa kusambisha bambi.

Ukufisulula 7:12

ati, “Ameni! Tutondayishe Lesa wesu nokumupela ubuleme, umulangwe, ukutotela, umuchinshi, ifiso namaka umuyayaya. Ameni!”