2 Kolinto 13:5 - Chipangano Chabwangu

⁵ Muyipime mwenka ukubona nga mulikwete ichichetekelo. Mwifumbe mwenka. Napo twamwishibilepo ukuti Klistu Yesu ali muli mwe? Kati tefyopo, chamukanga.

2 Kolinto 13:5 ပူးပေါင်းရင်းမြစ်များ

Yohane 14:23

Yesu alimwasukile ati, “Muntu onse uwakuntemwa nebo ewakulama ukusambisha kwanji. Epo Bata bakwisa kumutemwa. Elo nebo na Bata twakwisa kwikalilila pamo muli ye.

Yohane 15:4

Ikalilileni muli nebo, nandibo muli mwebo. Ukubati nimfilya umusambo tekuti utwalepo ifitwalo apawenka nga taulipo kuchiti ichikulu, namwebo tekuti mutwalepo ifitwalo nga tamukoyikalapo muli ne.

Yohane 17:23

Nebo muli bo, namwe muli ne, ukuti bakabe umo ukuchilapo, ukuti abantu bonse abamuchalo beshibe ukuti nimwe mwantumine, nokuti mwalibatemwa ukubati nimfilya mwantemenwe.

Yohane 17:26

Nalibasambisha ukuti bamwishibe nakambi nshaleke ukuti ukutemwa uko mwantemenwe kube muli bo, nandibo muli bo.”

Yohane 6:56

Muntu onse uwakulya umubili wanji nokunwa umulopa wanji ewikala muli nebo nandibo muli ye.

Yohane 6:6

(Asosele mfi ukwesha Filipo, kuntu alishibile umwine ifyo alinokuchita.)

Loma 1:28

Pantu abantu mbalya balikene ukumfwila, Lesa alibalekele mumalangulushi abo aabi, ukuti bachite ifintu ifyabipisha ifyo tabalingilepo ukuchita.

Loma 8:10

Nga Klistu aba muli mwebo, nangu imibili yenu yalifwa pamulandu wabubi, kuntu Umupashi bumi kuli mwe pakuti Lesa alimulungamikile.

1 Kolinto 11:28

Umuntu alingile ayiyesha enka, elo alye umufuba nokunwena kulukombo ndu.

1 Kolinto 11:31

Nga chakuti tuleyesha fwe bene, nga tatupelwapo umulandu.

1 Kolinto 3:16

Napo mwebo tamwishibilepo ati muli inanda yaku Lesa, nokuti Umupashi waku Lesa wikala muli mwe?

1 Kolinto 6:15

Napo tamwishibilepo ukuti imibili yenu filundwa wamubili waku Klistu? Napo nakubula ifilundwa fyamubili waku Klistu nakufilundanya kuwabuchende? Nangu panini.

1 Kolinto 6:19

Napo tamwishibilepo ukuti umubili wenu ninanda ya Mupashi Wabuta? Lesa amupela Umupashi ngu ukwebati wikale muli mwe. Echo ubumi mukwete tebwenupo.

1 Kolinto 6:2

Napo tamwishibilepo ukwebati abantu baku Lesa ebakwisa kupingula abapanonshi? Nomba nga nimwe abakupingula abantu bonse, mwingafwilwa shani ukupingula utumilandu tunini?

1 Kolinto 9:24

Napo tamwishibilepo ukuti bonse balachimfyanya mulubilo, kuntu umo eupokelela ichilambu? Echo ukubutuka kwenu kube ukwakupokelela ichilambu.

1 Kolinto 9:27

Ndachusha umubili wanji ukuti unakile. Nshikofwayapo ukuti nga nashila ukushimikila bambi, nebo nkafwilwe ukupoka ichilambu.

2 Kolinto 6:16

Mba inanda yaku Lesa ingalingana shani natungosa wakubasa? Fwebo tuli nanda yaku Lesa uwabumi kubati nimfilya umwine asosele ati, “Nakuba pakati kabantu banji, elo nakwikala nabo. Nakuba Lesa wabo, elo nabo bakuba abantu banji.”

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

Galatiya 4:19

Mwe bana banji, kubati nimfilya umwanakashi aumfwa ukufinya pakupusuka, efyo nandibo nkoumfwa ukufinya pamulandu wakumwebo ukufikila nobwina Klistu bwakuba muli mwe.

Galatiya 6:4

Umuntu onse ayeshe imikalile yakwe. Panuma elo ayikushe umwine, ukwambula ukupalanya kuli umbi iyowo.

Efeso 3:17

Nkolomba ukuti mukuchetekela kwenu Klistu akwinjila mumitima yenu ukuti mushike imishu yenu nokwimakwa mukutemwa.

Kolose 1:23

Emukuti muli nokutwalilila muchichetekelo ichayimakwa pamufula uwakosa. Mwileka nangu chimo chimusunkanye nokumufumyapo kucho mwachetekelamo lwenka ulo mwaumfwile Ubutumi Bwawama. Lesa alimpele nebo, ne Paulo, umulimo uwakushimikila Ubutumi Bwawama mbu ubukoshimikilwa kubantu bonse abamuchalo.

Kolose 1:27

Pantu Lesa atemenwe ukuti abenafyalo bonse beshibe ichamfiso ichiweme ukwinekantu ichabuboni ubwabuleme bwakwe. Ichamfiso nchi ningu Klistu uuli muli mwebo, nakambi eumupela ukulindilila kwakupokela ubuleme.

Kolose 2:19

Elo balifumako kuli Klistu umutwi wachilonganino. Muli Klistu umubili onse ulapokela ifiso nokwikatana kwafilundwa fyonse. Echo umubili ulakula nga umo Lesa afwayila.

Kolose 2:7

Mwandemo imishu nokwimaka ubumi bwenu muli Ye. Mwimakane ndi apo muli mwe bashindayikwa muchichetekelo chenu ukubati nimulya mwasambilile. Nakambi mulokumutotela lonse.

1 Timoti 2:15

Nomba umwanakashi akwisa kupulukila mukufyala bana, ichikulu ashipikisha mukuyichefya, muchichetekelo, muchitemweko, elo nomutima uwabuta.

2 Timoti 3:8

Kubati ni Yenesi na Yambulesi bachitile ifikansa na Mosesi, emfyo mba bantu bakana ifyachine. Bantu ababa namalangulushi ayabi nechichetekelo chabo chabwaka.

Taitasi 1:13

Amashiwi nga akwebesha. Echo ubashinine ukwinekantu bantu mba ukuti bakose ndi muchichetekelo chabo.

Taitasi 1:16

Balasosa ati balimwishiba Lesa, kuntu ifyo bachita filabakanina. Bantu balupato abatalama amafunde, abatangachitapo imilimo iiweme.

Taitasi 2:2

Eba abalalume abakulu ukuti babe abateka imitima, abakwilama abene, abamano mubuchetekelo, mukutemwa namukushipikisha.

Hebele 12:15

Chenjeleni ukuti kwibapo nangu umo uwakubwelela inuma nokulufya ubwanshi bwaku Lesa. Chenjeleni ukuti kwibapo nangu umo uwakubati mushu uwalula, uyo uukula nokubifya bambi.

Hebele 4:1

Ubulayo bwaku Lesa ubwakuti tukaya mukutusha uko atupekanishisha, epo kwaba. Nomba tuchenjele ukuti kwibapo umbi muli mwebo uukafilwa ukwinjilamo.

Hebele 6:8

Nomba nga ibala ndilya lyakusha iminga nobusafya, lyabwaka. Elo lili apepi nokutipwa na Lesa nokulyonaula mumulilo.

Yemusi 4:4

Mwe bantu abatachetekelwapo! Napo tamwishibilepo ukwebati buchibusa nefintu ifyapanonshi kupatana na Lesa? Echo umuntu uufwaya ifyabuntunse kapondo kaku Lesa.

1 Petulo 5:9

Mulwishanye nakwe nokwimakana ndi muchichetekelo, pakuba mwibukishe ukuti abena Klistu banenu panonshi bakoumfwa ukufinya kwenka nku.

Ukufisulula 2:5

Languluka nomba ifyo wawa! Ulingile ukulapila nokupyunga imilimo iyo walikuchita pakutatika. Nga taulapilepo, nakwisa kufumya ichakutekapo inyali yobe pachifulo chachiko.