2 Kolinto 13:4 - Chipangano Chabwangu

⁴ Aali wanaka ulo balikumutanika pamutashi, kuntu nomba ali nobumi mufiso fyaku Lesa. Nafwebo tuli abanaka muli Ye, kuntu twakuba abomi pamo na Ye mufiso fyaku Lesa, ulo twakupyunga pakati kenu.

2 Kolinto 13:4 ပူးပေါင်းရင်းမြစ်များ

Yohane 10:18

Takupo umuntu uwingafumya ubumi bwanji kuli nebo, kuntu ndabutula nemwine. Ndikwete ifiso fyakubutula, nakambi nokubutola nemwine. Nchi echo Bata bansambisha ukuti nchite.”

Imilimo ya batumwa 2:36

“Kanshi mwe bena Isilaeli bonse mwishibe nchi ichakuti ngu Yesu uwo mwebo mwasamikile pamutashi, eye Lesa achita Imfumu no Wasubwa!”

Imilimo ya batumwa 3:16

Kanshi ngu muntu mukobona nokwishiba, achetekela mwishina lyaku Yesu. Elo ishina ndi elyamuposha. Nachine chichetekelo muli Yesu ichalenga ukuti ngu muntu apole.

Loma 1:4

Nomba ukubona pafyakubuta kwakwe ukwabulesa, alanga nefiso ifikulu ukuba Umwana waku Lesa ukupitila mukubushiwa kubafwa.

Loma 14:9

Pakuti Klistu alifwile nokubuka ukufuma kubafwa ukuti abe Shikulu wabonse ababumi nabafwa.

Loma 6:4

Echo mulubatisho lwesu, twashikilwe pamo na Ye nokuba mumfwa yakwe ukwebati kubati nimfilya Bata bamubushishe kubafwa nefiso fyabo, elo nafwe tube nobumi bwabwangu.

1 Kolinto 1:25

Pakuba ichiboneka kubati kupunama kwaku Lesa, echamulangwe ukuchila amano abantu. Elo ichiboneka kubati bunake bwaku Lesa, chilachila ifiso fyabantu.

1 Kolinto 15:43

Pakushika umubili uli wasulwa, nomba pakubuka wakuba wamuchinshi. Pakuushika ulaba uwanaka, nomba pakubuka wakuba uwafiso.

1 Kolinto 2:3

Ulo nayishile kuli mwe nali uwabunake nakambi uwatutuma ukwinekantu nomwenso.

1 Kolinto 6:14

Lesa abushishe Bashikulu kumfwa, elo ewakwisa kubusha nafwe kufiso fyakwe.

2 Kolinto 10:10

Bambi bakoti, “Makalata akwa Paulo abukali nakambi afiso. Nomba umwine nga ali pakati kesu, aba uwanaka, namashiwi akwe takwetepo akantu.”

2 Kolinto 12:10

Echo ndasekelela ulo ndiwanaka, abantu bakontuka, bakomfinya, nolo nkoumfwa ukutinya namafya onse pamulandu waku Klistu. Pakuba ulo ndiwanaka, elo ndi nefiso.

2 Kolinto 13:9

Tulasekelela ulo tuli abanaka, ulo mwebo muli abafiso. Icho tukolomba Lesa chakuti mube abapwililika ukufikapo.

Filipi 3:10

Icho nkofwaya chakuti njishibe Klistu nefiso ifyamubushishe kubafwa. Ng’umfwe amachushi akwe nokubati ni Ye mumfwa yakwe.

Hebele 5:7

Ulo Yesu ali umuntu panonshi alikulomba nokupapata neshiwi ilikulu kuli Lesa neminsoshi uyo uwali nefiso ifyakumupulusha kumfwa. Pamulandu wakuti Yesu aliyichefeshe nokuyipela, Lesa alimumfwile.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

1 Petulo 3:22

Yesu aliile mumulu. Ali kukuboko ukwamulyo ukwaku Lesa. Kwenka nkulya, abangelo, babuntungulushi nabafiso bakomunakila.