2 Kolinto 12:10 - Chipangano Chabwangu

¹⁰ Echo ndasekelela ulo ndiwanaka, abantu bakontuka, bakomfinya, nolo nkoumfwa ukutinya namafya onse pamulandu waku Klistu. Pakuba ulo ndiwanaka, elo ndi nefiso.

2 Kolinto 12:10 ပူးပေါင်းရင်းမြစ်များ

Luka 6:22

“Mwalishuka mwebo ulo abantu bakomupata nokumusula, bakomutuka nokumweba ati muli babi pamulandu wa Mwana wa Muntu!

Yohane 15:21

Nomba mfi fyonse bakumuchitila mwebo pamulandu weshina lyanji, pakuti tabakomwishiba uyo uwantumine.

Imilimo ya batumwa 5:41

Abatumwa bafumine muchilye nensansa ukwinekantu pantu bayumfwile ukuti Lesa alibasalile ukuchula pamulandu weshina lyaku Yesu.

Loma 5:3

Nakambi tulasansamuka mukuchula pakuti twalishiba ati nku kulete ukushipikisha.

1 Kolinto 4:10

Pamulandu waku Klistu, fwebo bakotulanguluka ukuba abapuneme, elo mwe abamulangwe muli Klistu. Mwaliba abanaka, kuntu mwebo muli abafiso! Muli abachindama, nomba ifwe tuli abasulwa.

2 Kolinto 1:4

Lesa alatwafwilisha mumachushi onse ukwebati nga mfilya atwafwilisha nafwe twafwilisheko bawesu abali pakati kamachushi ayapusene-pusene.

2 Kolinto 10:18

Pakuba umuntu uupokololwa, tengulyapo uyichitila bukamboni iyowo, kuntu uwo Bashikulu bapela bukamboni.

2 Kolinto 12:9

Nomba bo banjebele ati, “Ubwanshi bwanji ebo ukokabila, pakuba ifiso fyanji fikulu ulo uli wanaka.” Echo nayitutumuna mubunake bwanji ukwebati ifiso fyaku Klistu fikale muli ne.

2 Kolinto 13:4

Aali wanaka ulo balikumutanika pamutashi, kuntu nomba ali nobumi mufiso fyaku Lesa. Nafwebo tuli abanaka muli Ye, kuntu twakuba abomi pamo na Ye mufiso fyaku Lesa, ulo twakupyunga pakati kenu.

2 Kolinto 13:9

Tulasekelela ulo tuli abanaka, ulo mwebo muli abafiso. Icho tukolomba Lesa chakuti mube abapwililika ukufikapo.

2 Kolinto 4:17

Amachushi esu alyanguka, elo yakashita kanini, nomba yakutuletela umuchinshi uukulu ukuchilapo, elo wamuyayaya.

2 Kolinto 4:5

Echo tatwishimika fwebene, sembi Yesu Klistu ukuti e Shikulu. Fwebo tuli ntumi shenu bwaka pamulandu waku Yesu.

2 Kolinto 5:15

Afwilile abantu bonse ukwebati abali nobumi beyisekesha abene benka, sembi basekeshe Ye uwabafwilile, elo uwabukile kubafwa pamulandu wabo.

2 Kolinto 5:20

Nomba nifwebo intumi ishakubelako Klistu. Lesa akomupapata ukupitila muli fwebo. Echo tukomupapata mwishina lyaku Klistu ukuti muwikishanye na Lesa.

2 Kolinto 6:4

Nomba muli fyonse tulayilanga abapyungi baku Lesa pakushipikisha ukwinekantu mumachushi, mukufinya namumafya.

2 Kolinto 7:4

Nalimuchetekela ukwinekantu. Elo ndayitutumwina pali mwe. Mukuchula kwesu konse tukoshipikisha, elo tuli abasekelela.

Efeso 6:10

Pakupelako nkoti, koseni muli Bashikulu, namufiso fyabo ifikulu.

Filipi 1:29

Pakuba alimupela ishuko, telyakuchetekela bwaka, kuntu nokumfwa ukufinya pamulandu wakwe.

Kolose 1:24

Nomba ndibwaka uwasekelela pakuti nachulila mwebo, pantu mukuchula kwanji, emo nkoshilishisha amachushi aasheleko aali kubati aku Klistu, ayo achulile umubili wakwe, ekwebati ichilonganino.

2 Tesalonika 1:4

Emulandu wine tulayipakisha muli mwebo mufilonganino fyaku Lesa. Tulachita mfi pamulandu wakushipikisha mukuchetekela kwenu namumachushi aakulu onse mukosanga.

2 Timoti 3:11

amachushi yanji, amafya yanji, nefintu ifyo ifyanchitikile ku Antiyoki, Ikoniyamu naku Lisitula. Nalichulile ukwinekantu. Nomba Bashikulu balimpulwishe pali fyonse mfi.

Yemusi 1:2

Mwe bawesu mulokusekelela ulo mukoyeshekwa kumachushi ayapusene-pusene.

Ukufisulula 2:3

Nalishiba ukuti walitekanya, walichula pamulandu wakunebo, elo tawanenukapo.