2 Kolinto 11:3 - Chipangano Chabwangu

³ Nomba nkotina ukuti kubati nimfilya insoka yabepele Efa mubuchenjeshi bwayiko, namwe imitima yenu ingabepwa nokukana yipela kuli Klistu nomutima wenu onse.

2 Kolinto 11:3 ပူးပေါင်းရင်းမြစ်များ

Mateyo 24:24

Pakuti ba Klistu nabasoseshi ababufi bakwima nokuchita ifyafiso ifikulu nefyakushimbwisha ukwebati babepayike nabasalwa kumo nga chingachitika.

Yohane 8:44

Mwebo muli bana bakunshinwe Satana, elo mufwaya ukuchita ukufwaya kwakwe. Ukufumina bwaka napakutatika ena nichipaya bantu. Elo tabapo kulubali ulwakwebesha, pantu muli ye tamupo ukwebesha. Ulo asosa ubufi, achita ichaba mukabelo kakwe pakuti ye aba uwabufi na wishi wababufi bonse.

Loma 12:8

Nga bwakukoselesha bambi, katubakoseleshe. Uyo uupela, kalokupela nomutima onse. Uyo ukotungulula atungulule, mwakwipela na uyo uukwatila inkumbu bambi, alokuchita mfi nokutemwa.

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

2 Kolinto 11:20

Mulamuleka bwaka umuntu uumulenga ubusha, nambalya abamulila ububoni bwenu, nangu abamubepa nangu abamusuula nangu abamupama pamenso.

2 Kolinto 11:29

Ulo umuntu ali uwanaka, nandibo ndaba kubati uwanaka. Ulo umuntu alengwa ukubifya, ndakalipa ukwinekantu.

2 Kolinto 2:17

Fwebo tatulipo nga abantu abenji abakochita amakwebo namashiwi aku Lesa. Nomba, pakuti tuli muli Klistu nga abantu abatumwa na Lesa, tusosa muchine, ukulingana nokufwaya kwakwe.

2 Kolinto 4:2

Twaposele inshila shonse ishamubumfisolo neshansha nsoni. Tatubomfyapo ubuchenjeshi nangula ukwalula amashiwi aku Lesa. Tufwaya ukuti abantu bonse batusuminishe nemitima yabo.

Galatiya 1:6

Ndishimbilwe ukwinekantu pakuti mwaendesha ukusha Lesa uyo uwamwitile mubwanshi bwaku Yesu nokukonka ubutumi bumbi.

Galatiya 2:4

Elo bamo balikufwaya ukuti ashilimunwe. Balikuyilanga ukuba bawesu, kuntu bayishile ukulengulula ubwanalale ubo twakwata muli Klistu Yesu. Balikufwaya ukutuchita abasha.

Galatiya 3:1

Mwe abena Galatiya bapuneme! Mba nibani abamulowele? Ulo twamusambishe ifyaku Yesu Klistu, twalondolwele bwino-bwino ifyo bamusamikile pamutashi.

Galatiya 4:11

Nkotina ukwebati nalimo ukubomba kwanji pali mwebo kwakuba ukwabwaka.

Efeso 4:14

Tatwakabepo abana aboluulwa kuchipupu chakusambisha ichabufi nakambi abachenjeshi abalufya abantu mubuchenjeshi bwabo.

Efeso 4:22

Echo muleke imyendele yenu iyakale, ubumi bwenu mbulya ubwalikonaika pamulandu uwalunkumbwa ulwabufi.

Efeso 6:24

Lesa abakwatile ubwanshi bonse abatemwa Bashikulu wesu Yesu Klistu nokutemwa ukutashilapo.

Kolose 2:18

Mwilekapo umuntu nangu umo amubepe pamulandu wakwichefya bufi-bufi nokulomba abangelo. Abantu bamusango ngu balayilumbanya pamulandu wafibonwa ifyo babona. Nchi chenka kuyitumpika bwaka pantu amalangulushi abo abukayitemwe.

Kolose 2:4

Nkomweba ati mwileka umuntu uuli onse amutumpayike mukutalikana ukwabuchenjeshi.

Kolose 2:8

Chenjeleni ukuti kwibapo umuntu nangu umo uwakufulunganya ichichetekelo chenu nokumutapa-nkole mumulangwe uwabuntunse uwabuchenjeshi bwakwe ubwabwaka. Mfi fyonse fifuma kutufuto utwakale nakumalangulushi yabuntunse, tekuli Klistu iyowo.

1 Tesalonika 3:5

Echo natumine Timoti kuli mwebo. Ulo nafililwe ukushipikisha, nalangulukile ukumutuma uko muli ukuti eshibe ifyo chaba ichichetekelo chenu. Natinine ukuti nangula Satana, kabepa, amubepele ukuti imilimo yesu yonse yakuba yabwaka.

1 Timoti 1:3

Kubati nimfiya nakwebele ulo nalikuya ku Masedoniya, wikale mu Efeso nokukanya abo abakosambisha ifyabufi.

1 Timoti 2:14

Talipo Adamu bachenjelekele, kuntu mwanakashi bachenjelekele nokutoba ifunde lyaku Lesa.

2 Timoti 3:13

Nomba abantu ababipa nababufi bakubipilako bwaka. Bakubepa bambi nokwibepa benka.

Taitasi 1:10

Nomba ekobali abenji, maka-maka pakati kabantu abapwilibwike ukufuma ku Chiyuda. Mba balikosele imitima, nakambi basosa ifyabuchenjeshi ifishikwetepo namano.

Hebele 13:9

Mwisuminishapo ifisambisho ifipusene-pusene nefilwendo ukumufulunganya. Ichilingile. Uchitukosha imitima bwanshi bwaku Lesa tetufutopo utusosa pafyakulya. Amafunde nga tayaafwilishepo abo abali kuyakonka.

2 Petulo 3:17

Nomba mwebo mwe batemwekwa, pakuti mwalifishiba akale mfi, muchenjele ukuti bemulufya kububi bwambifi mfi. Shakumuseshapo apaweme apo mwimakene.

2 Petulo 3:3

Pakwamba mwishibe ukwebati panshiku shakulekelesha kwakwisa bamulengulwila, abakonka ifibi fyabo.

1 Yohane 2:18

Mwe bana banji, nji ninshita yakupelako! Mwalyebelwe ukuti ichipondo chaku Klistu chakwisa. Nomba ifipondo fyaku Klistu ifinji nafiboneka kale. Echo tulishibile ukuti nji ninshita yakupelako.

1 Yohane 4:1

Mwe batemwekwa banji, mwilokuchetekelapo umuntu onse uukososa ukuti ali no Mupashi Wabuta. Mumweshe umuntu ngu ukushininkisha nga mupashi akwete waku Lesa ichine. Pantu abasoseshi ababufi bali mpanga yonse.

Yuda 1:4

Pantu abantu bambi abatomfwilapo Lesa balinjile mubumfinshi mukati kenu. Mba bakofwaya ukonaula ubwanshi bwaku Lesa wesu ubo twakwata mukuchita ifintu ifyabipisha. Bakokana Yesu Klistu, Imfumu na Kalonga wesu enka. Nakukale Amalembo aku Lesa alisosele ukuti bakupaminwapo.

Ukufisulula 12:15

Elo kukanwa kwachiko kwafumine amenshi ayenji ayakuti amukokolole umwanakashi ngulya.

Ukufisulula 12:9

Ichisoka ichikulu nchilya chaliponeshewe panshi, echisoka ichakale beta umubi nangula Satana, ngulya uubepa abantu bonse bapanonshi. Chaliposelwe pano chalo pamo nabangelo bachiko bonse.

Ukufisulula 20:2

Elo alikwete ichinsoka nchilya, insoka yakale njilya, e Kachenjeleka, Satana, nokumukaka imyaka ikana limo.