2 Kolinto 11:23 - Chipangano Chabwangu

²³ Napo bo bapyungi baku Klistu? Nkososa nga muntu uufuntile, ndimupyungi ukubachilapo. Nalipyungile imilimo ukubachilapo. Ilinji nali apepi nokufwa.

2 Kolinto 11:23 ပူးပေါင်းရင်းမြစ်များ

Imilimo ya batumwa 14:19

Elo Abayuda bambi bafumine ku Antiyoki waku Pisidiya naku Ikoniyamu. Basembelekele abantu abenji ukuti baye kulubali lwabo. Batobawile Paulo amabwe nokumukulila kunse yamushi bakolanguluka ukuti alifwile.

Imilimo ya batumwa 20:23

Nomba icho njishibile bwaka chakuti mumishi yonse umo mpitana, Umupashi Wabuta ulanchenjesha ukuti ichifungo namachushi fikonindila.

Imilimo ya batumwa 21:11

Ulo ayishile kuli fwebo, abulile umushipi wakwa Paulo, ayikakile kumolu nakumaboko. Elo asosele ati, “Umupashi Wabuta wasosa ati, ‘Umwine wamushipi ngu bakumukaka mu Yelusalemu ku Bayuda, nakambi bakumuposa muminwe yabenafyalo!’”

Imilimo ya batumwa 25:14

Panuma yakwikalako inshiku ishinji, Fesitasi ashimikileko imfumu Agilipa umulandu wakwa Paulo ati, “Felekisi ashile umuntu umo muchifungo.

Imilimo ya batumwa 27:1

Ulo chaumfwikilwe ukuti tuli nokuya kuchalo cha Itali mubwato, Paulo nabafungwa bambi bapelwe muminwe yamuntu uwitwa Yuliyasi. Ngu ali chilolo umukulu uwali wamwibumba lyabashilikali lyabena Loma ilitwa, “Ibumba lyakwa Augusto.”

Imilimo ya batumwa 28:16

Nomba ulo twafikile mu Loma, Paulo balimusuminishe ukulokwikala enka nomushilikali umo wakumulinda.

Imilimo ya batumwa 28:30

Paulo ayikelemo imyaka ibili mu Loma, munanda alikuyisonkelela umwine. Nakambi alikupokelela bwino bonse abalikwisa mukumupempula.

Imilimo ya batumwa 9:16

Elo nebo nenka nakumulanga ifintu fyonse ali nokuchula pamulandu waku nebo.”

Loma 8:36

Amalembo Apatulika asosa ati, “Pamulandu waku mwebo, bakopinga ukutwipaya inshiku shonse. Bakotubona kubati nimbelele isho bakotwala mukwipaya.”

1 Kolinto 15:10

Nomba pakuti Lesa alinkwatile ubwanshi, ndi kubati ifyo ndi. Elo ubwanshi bwakwe bwapangilepo akantu muli ne pakuti nalibombele imilimo ukuchila pabatumwa bonse. Nomba tenepo uwabombele, kuntu ubwanshi bwaku Lesa ubukobombela muli ne.

1 Kolinto 3:5

Mba Apolosi ninani? Mba Paulo naye ninani? Bapyungi bwaka abaku Lesa abaletele Ubutumi Bwawama kuli mwebo ubo mwachetekele. Umo-umo muli fwebo apyungile bwaka umulimo uyo Bashikulu bamupela.

1 Kolinto 4:1

Mwebo mulingile ukutubona nga bapyungi baku Klistu abasontwa ukwangalila ifyafisama fyaku Lesa.

1 Kolinto 4:11

Ukufika nanduno tulachula kunsala nakuchilaka. Elo twalisapula nokupumwa tulapumwa. Nokuchilapo tuseuluka bwaka.

1 Kolinto 4:9

Elo nkobona ukuti fwebo abatumwa, Lesa alitubika kumpelo kwine kubati bantu bapingwila ukufwa. Twaaluka kubati chakubwenako kufyatalwa fyonse, tekubantu bwaka, kuntu nakubangelo bonse.

2 Kolinto 10:7

Mwebo mukobona ifintu panse bwaka. Napo pali umo ukolanguluka ukuti waku Klistu? Chiweme, nomba eshibe ati nga ali uwaku Klistu, nafwe tuli abaku Klistu.

2 Kolinto 11:5

Nkolanguluka ati tenepo umutumwa umunini pali bo musosa ati, “Abatumwa abachililepo.”

2 Kolinto 3:6

Eutupela ifiso ifyakupyungila chipangano chabwangu, temumafunde aalembwa, kuntu mu Mupashi Wabuta. Pakuti Amafunde aalembwa aleta imfwa, nomba Umupashi Wabuta upela ubumi.

2 Kolinto 4:11

Mubumi bwesu bonse tukopelwa kumfwa pamulandu waku Yesu ukwebati ubumi bwakwe buboneke mumibili yesu iifwa.

2 Kolinto 6:9

Balatulinga abatayishibikwa, nangu tuli abayishibikwa. Balatulinga abafwa nangu tuli ababumi. Balatulinga abapumwa, nangu batatwipeye.

Galatiya 6:17

Ukufuma nomba kwibapo umuntu uwakunchushapo, pakuti imikofu ndinayo pamubili wanji ilanga ukuti ndimusha waku Yesu.

Efeso 3:1

Nipamulandu ngu nebo ne Paulo umufungwa pamulandu waku Klistu Yesu nati mupyungile mwe benafyalo.

Efeso 4:1

Nebo, umufungwa pamulandu wakubombela Bashikulu, nkomupapata ukuti nga mfilya Lesa amwitile, mwende ukulingana nobwite bwakwe.

Efeso 6:20

Nangu ndimuchifungo, kuntu ndimutumwa wa Butumi Bwawama mbu. Munombele ukuti nsose mukushipa nga umo ningile ukusosa.

Filipi 1:13

Echo abashilikali bonse abalonda inanda yamfumu, nabambi bonse abali nkuno, balishibile ati ndimuchifungo pamulandu waku Klistu.

Filipi 2:17

Nalimo umulopa wanji wakwitilwa kubati chipupo ichipelwa nechichetekelo chenu kuli Lesa. Kati efyo chili, nkosangalala, elo nakusangalala pamo namwebo bonse.

Kolose 1:24

Nomba ndibwaka uwasekelela pakuti nachulila mwebo, pantu mukuchula kwanji, emo nkoshilishisha amachushi aasheleko aali kubati aku Klistu, ayo achulile umubili wakwe, ekwebati ichilonganino.

Kolose 1:29

Pakuchita nchi ndachula nokupitintika ukubomfya ifiso Klistu ampela ifibomba muli nebo.

1 Tesalonika 3:2

Emulandu wine twatumine Timoti, wesu nakambi umubomfi munesu uubilisha Ubutumi Bwawama ubusosa ifyaku Klistu. Twamutumine ukuti ese mukumukoselesha nokumwafwilishako muchichetekelo chenu.

1 Timoti 4:6

Nga wasambisha bawesu ifintu mfi, wakuba umupyungi uuweme uwaku Klistu Yesu, uwakulila mumashiwi achichetekelo chesu, ekusambisha ifyachine ifyo wakonka.

2 Timoti 1:16

Bashikulu bakwatile inkumbu ulupwa lwa Onesifolasi, pakuti inshita ishinji alensansamusha. Tabelepo nanebo insoni nangu nali muchifungo.

2 Timoti 1:8

Wibapo nensoni ukubela bukamboni Bashikulu wesu. Nakambi wibapo nensoni pamulandu waku nebo ne uuli muchifungo pamulandu wakwe. Nomba uyipekanye ukuchula pamulandu Wabutumi Bwawama ukulingana nefiso ifikupela Lesa.

2 Timoti 2:9

Pamulandu Wabutumi mbu ndachushiwa nokukakwa iminyololo kubati ningulya bapela umulandu. Nomba amashiwi aku Lesa tekutipo akakwepo iyowo.

2 Timoti 3:11

amachushi yanji, amafya yanji, nefintu ifyo ifyanchitikile ku Antiyoki, Ikoniyamu naku Lisitula. Nalichulile ukwinekantu. Nomba Bashikulu balimpulwishe pali fyonse mfi.

Filimoni 1:9

Nomba pamulandu wakukutemwa echalenga ukwebati nkupapatile bwaka, nebo ne Paulo umukote, nakambi ne uli muchifungo pamulandu waku Klistu Yesu.

Hebele 10:34

Mwalikwete inkumbu pali bo abali muchifungo. Nambalya abalikumupoka ububoni bwenu mwalikubaleka bwaka, pakuti mwalishibile ukuti mwebo mwali nobuboni ubwachilapo ubutapwapo.