2 Kolinto 11:13 - Chipangano Chabwangu

¹³ Abantu mba tebatumwapo abachine, kuntu abapyungi ababufi, abayibepesha nokuboneka kubati batumwa baku Klistu.

2 Kolinto 11:13 ပူးပေါင်းရင်းမြစ်များ

Mateyo 25:24

“Nangulya uwapokele ikana limo naye alishile nokusosa ati, ‘Shikulu, nalishiba ukuti mwebo mwalikosa umutima. Mulalobolola noko mutabyeleko, nokulonganya ifyo mutaminshilepo.

Imilimo ya batumwa 15:1

Abalalume bambi bafumine kuchalo cha Yudeya nokuya kumushi wa Antiyoki. Nku batatikile kusambisha abachetekele ati, “Mwe kati tamushilimwinwepo ukulingana na Mafunde akwa Mosesi tekuti mupulukepo.”

Imilimo ya batumwa 15:24

Twalyumfwile ukuti abalalume bambi abamuli fwe balishile uko ukumusakamika nokumufulunganya imitima kufyo balikusosa. Mwandi mba bantu tefwepo twabatumine iyowo.

Imilimo ya batumwa 20:30

Napali mwebo kumo, pakuba abantu bambi abalikusosa ifyabufi ukuti bapusaulepo abachetekela bambi nokubakonka.

Loma 16:18

Pakuti abo abachita mfi tabapyungilapo Bashikulu Klistu, kuntu bapyungila ifyo bafwaya ukuti bekute nafyo. Namashiwi ayaweme ayakonaula balabepayika abantu banaka muchichetekelo.

2 Kolinto 11:15

Echo techakushimbwishapo kati mwabona abapyungi bakwa Satana bakoyifungushanya nokuboneka kubati bapyungi babulungami. Kumupwilo bakwisa kupokelela ukulingana nefyo bachitile.

2 Kolinto 2:17

Fwebo tatulipo nga abantu abenji abakochita amakwebo namashiwi aku Lesa. Nomba, pakuti tuli muli Klistu nga abantu abatumwa na Lesa, tusosa muchine, ukulingana nokufwaya kwakwe.

2 Kolinto 4:2

Twaposele inshila shonse ishamubumfisolo neshansha nsoni. Tatubomfyapo ubuchenjeshi nangula ukwalula amashiwi aku Lesa. Tufwaya ukuti abantu bonse batusuminishe nemitima yabo.

Galatiya 1:7

Pakuba tapapo “Ubutumi Bwawama bumbi” iyowo, kuntu kuli bantu bambi abakofwaya ukumufulunganya ukupitila mukusendeka Ubutumi Bwawama ubukososa ifyaku Klistu.

Galatiya 2:4

Elo bamo balikufwaya ukuti ashilimunwe. Balikuyilanga ukuba bawesu, kuntu bayishile ukulengulula ubwanalale ubo twakwata muli Klistu Yesu. Balikufwaya ukutuchita abasha.

Galatiya 4:17

Abantu mbalya bakoyilanga ukuchinchila pali mwebo ukwebati mubakonke, kuntu imibele yabo tayiwemepo. Icho bafwaya chakwebati bamutalushe kuli nebo ukuti mwingakwata ukuchinchila pakubafwa.

Galatiya 6:12

Abantu bonse abakofwaya ukuboneka abaweme pamenso yabantu, bakomukakatisha ukuti mushilimunwe. Icho bafwaya chimo bwaka, ukuti bechushikwapo pamulandu wamutashi waku Klistu.

Efeso 4:14

Tatwakabepo abana aboluulwa kuchipupu chakusambisha ichabufi nakambi abachenjeshi abalufya abantu mubuchenjeshi bwabo.

Filipi 3:18

Nali kumweba nchi libili-libili. Elo nomba nkobwekeshapo nemisonshi, ekobali bambi imyendele yabo ibalenga ukuba ifipondo fyamutashi waku Klistu.

Filipi 3:2

Chenjeleni nabo ababusali kubati nimbwa, abachita ifibi, abo abashilimuna umubili bwaka.

Kolose 2:4

Nkomweba ati mwileka umuntu uuli onse amutumpayike mukutalikana ukwabuchenjeshi.

Kolose 2:8

Chenjeleni ukuti kwibapo umuntu nangu umo uwakufulunganya ichichetekelo chenu nokumutapa-nkole mumulangwe uwabuntunse uwabuchenjeshi bwakwe ubwabwaka. Mfi fyonse fifuma kutufuto utwakale nakumalangulushi yabuntunse, tekuli Klistu iyowo.

1 Yohane 2:18

Mwe bana banji, nji ninshita yakupelako! Mwalyebelwe ukuti ichipondo chaku Klistu chakwisa. Nomba ifipondo fyaku Klistu ifinji nafiboneka kale. Echo tulishibile ukuti nji ninshita yakupelako.

1 Yohane 4:1

Mwe batemwekwa banji, mwilokuchetekelapo umuntu onse uukososa ukuti ali no Mupashi Wabuta. Mumweshe umuntu ngu ukushininkisha nga mupashi akwete waku Lesa ichine. Pantu abasoseshi ababufi bali mpanga yonse.

Yuda 1:4

Pantu abantu bambi abatomfwilapo Lesa balinjile mubumfinshi mukati kenu. Mba bakofwaya ukonaula ubwanshi bwaku Lesa wesu ubo twakwata mukuchita ifintu ifyabipisha. Bakokana Yesu Klistu, Imfumu na Kalonga wesu enka. Nakukale Amalembo aku Lesa alisosele ukuti bakupaminwapo.

Ukufisulula 19:20

Ichiswango nchilya chalikakilwe pamo nabasoseshi ababufi abachitile ifintu ifikulu pamenso akwe. (Ukupitila mufintu ifyafiso ifikulu mfi achitile, alibepele abantu abo abakwete ichishibilo ichachiswango nambalya abalombele ichimpasho ichachiswango.) Ichiswango nabasoseshi ababufi baliposelwe abomi muli bemba wamulilo uwalikwaka nasilubale.

Ukufisulula 2:2

Ye akoti, Imilimo yobe yonse nalishiba. Nalishiba nokupyunga kobe konse nokushipikisha. Nakambi nalishiba ukuti taukutikapo kubantu ababi iyowo. Mbalya abayitunganya ukuba abatumwa, walibesha nokubasanga ababufi.

Ukufisulula 2:20

Nomba ndikwete umulandu umo nawebo uwakuti ulalekelela umwanakashi Yesebelo usosa ati musoseshi waku Lesa. Ye alabepa abapyungi banji ukuti bachite ubulale-lale nokulya ifyakulya bapupila tungosa wakubasa.

Ukufisulula 2:9

Ye akoti, Nalishiba ifikuchusha nobupina bobe, nangu ichine-chine uli mukankala. Nalishiba nakambi ifyo bakufyenga bo abasosa ukuti Bayuda, kuntu bachilonganino chakwa Satana.