2 Kolinto 11:12 - Chipangano Chabwangu

¹² Ifyo nkochita nomba nakutwalilila, ukwebati ababufi bekwatilapo apakuyitakishishapo, elo basose ati nabo bakopyunga umulimo ukulingana nafwe.

2 Kolinto 11:12 ပူးပေါင်းရင်းမြစ်များ

Mateyo 26:16

Nomba ukufuma njilya nshita Yuda ali kufwayilisha inshila neshita iingalinga ukwembwilapo Yesu.

1 Kolinto 5:6

Ukuyitutumuna kwenu takuwemepo! Napo tamwayishibapo insoselo iyakuti, “Utwamimena utuche tututumuna ichamufuba chonse.”?

1 Kolinto 9:12

Kati bambi balilingile ukupokelelako mfi, napo fwebo tatwachilapo pali bo? Nomba insambu nshi tatwashibomfeshepo iyowo. Twalishipikishe ukutina ati twinganenusha abantu munshila iili yonse ukuti bapokelele Ubutumi Bwawama ubusosa ifyaku Klistu.

2 Kolinto 1:17

Napo ulo nateyenye amapange nga, mwalikulanguluka ukwebati nalikuchita ifyabwaka? Napo nkoteyanya kubati wakusabaila uungasosa ati, “Ina, ina” elo “Iyowo, iyowo” panshita imo?

2 Kolinto 10:17

Amalembo asosa ati, “Uufwaya ukuyitutumuna, ayitutumwine muli Bashikulu.”

2 Kolinto 11:18

Pakuti abenji bakoyitutumwina pafyapanonshi, nande nakuchita fyenka mfi.

2 Kolinto 11:9

Elo ulo nali kuli mwe, panshita ulo nshakwetepo akantu, nshachushishepo umuntu nangu umo. Pakuba bawesu bambi abafuma ku Masedoniya balimpele fyonse ifyo nshakwete. Pali fyonse nalisungile ukuti nimba kubati katundu uwakumulemena. Elo nakutwalililapo ukuchita mfi.

2 Kolinto 5:12

Tatukoyitondayisha fwebene kuli mwe nakambi iyowo. Tukofwaya ukwebati mwebo muleyitutumwina muli fwe. Tukofwaya ukwebati mukwate ichakwasuka bo abakoyitutumwina pafiboneka namenso bwaka, ukuchila ifyamumutima.

Galatiya 1:7

Pakuba tapapo “Ubutumi Bwawama bumbi” iyowo, kuntu kuli bantu bambi abakofwaya ukumufulunganya ukupitila mukusendeka Ubutumi Bwawama ubukososa ifyaku Klistu.

1 Timoti 5:14

Echo kanshi nkofwaya ukuti ifyokolo ifyayiche fyupwe nokufyala abana nokusunga amananda yabo pakuti ifipondo fyesu filokutusekulukapo.